月之森主題 (夜間拍攝小技巧)

Model : Serena Chuk Photographer : Chris Pang

我好鐘意一些森林及女神的主題攝影，總會好夢幻的感覺，亦鐘意以月亮做主題，但要晚上將所有元素混合埋一齊，最怕是閃光燈的運用，及背景影到黑漆漆咁好陰深。

對住一個月亮就會想到寧靜，好像有人默默在守護著自己，對住不用說話而又熟識對方的感覺。

月之森就係一個，有人在守護你的地方，所以構圖及燈光上，都盡量做到有一個屋企同火爐，而它們是森林的仙子的地方。

有時還會叫Model 好像睡著了一樣，合起雙眼。

月之森就是一個溫暖的森林而不是冰冷陰深，而有一個人在守候著你。

夜間攝影揀選地點的考慮：

初接觸攝影時，好多前輩都話，影夜景你要找一個有光照到Model的地方，再開大個光圈就可以啦。

不過好多時都會，無錯主體Model夠光呀，但背景好黑，或有幾點大廈既光。

今次這輯相，剛好相反的，我先去搵一個光源充足的背景，令到本身構圖上，已經完成了背景的位置。從沒有Model的相片中可以看到，背景有光而我要拍攝的位置，是全黑的。

- 先測試背景的光，如果快門太慢的話，必須落腳架先。我完成品的圖，是 ISO400 f/2.8 0.5s

今次的另外一個好幫手，是 CTO (Color Temperature Orange) 橙色色溫濾紙，可以將 5500K 左右的減到 3500K 左右，就係將白光變到橙光。

不過我用的不是一片片很小的這些色溫紙，我買了一卷卷的，會方便好多。

棧露營燈的LED 本身的色彩好怪，又不是白又不黃的，而且我想有火焰的顏色，所以我就將一卷的CTO 剪了出來，放入燈內，因為CTO又有一個特性，就係一片時減到 3500K及亮度都會降 1/3級左右，重疊又會再低一些，所以拍攝時燈光顏色改到橙色，又重疊的地方更橙或接近紅色。

同樣布的帳篷內，也有一支閃光燈，而閃燈都有CTO去改變了色溫，感覺帳篷更溫暖了。

最後就是將Model及附近環境都打光，就完成。

我是一個鐘意夢幻題材的攝影師，因為本身是設計師，所以作品中喜歡加入一些Photoshop來完成作品。

如果在攝影，設計，影片等範圍，歡迎不同類型的工作或合作，可以在以下Facebook找到我

或我個人的網站

本文出處

後記 :

呢次既拍攝真係好難忙，一來我自己搵地方，最初夜媽媽搵到去墓地到；之後再搵其他地方，又遇著個小朋友問我，哥哥點樣出番去呀.........又再第二次去睇多次場地，點知搵好耐先搵得番係邊。