Sony E 20mm F2.8

超細支，69g輕如無物，畫質還算OK，起碼邊位無16餅甘差，F2.8我好放心用，中央都幾sharp，對焦速度OK快。

貴，家下D E-mount鏡越來越貴，呢支仲賣2千7百幾，平翻小小好D，另外奇怪新鏡又唔支援混合對焦，同埋由於焦距問題，加上魚眼Adaptor都唔係好魚眼，有心玩魚眼的話，都係用翻16餅好D。

見呢支新餅口碑唔錯，一於試下，黑色鏡身同我部NEX-6都幾襯，玩無反點都要玩下餅鏡先過癮，眼見近來Nikon Coolpix A同Fujifilm X100S都係定焦30mm左右，所以決定入手玩下30mm焦距，畫質都算OK，但桶狀變形都幾明顯，影建築物要留意下。仲有就係呢支鏡我唔建議加上廣角或魚眼Adaptor，會打晒折扣，都係用翻16餅先發揮到D Adaptor的作用，另外個遮光罩好怪相，我自己用翻18-55個蓮花型遮光罩就靚仔得多。