自4S開始,我一直都好中意iPhone線條方正對稱既設計,尤其係係5同5S兩代真係心心眼,雖然去到iPhone 6多咗一份圓潤感,但無減我對iPhone喜愛,加上本身用開iPad,頗為欣賞iOS既順滑簡約體驗,所以一直以來iPhone都係我首選,奈何一直都未有機會(同藉口)換機,所以都係stuck with android。
依隻琥珀金介乎iPhone玫瑰金同金中間,類似新iPhone X Edition既腮紅金,但係同銀藍色唔同既地方除咗係十字紋而非髮絲紋之外,機背亦會隨著光源角度,變化出粉紅、紅銅、淡金三種唔同顏色,有特色同埋金屬感之餘其實一啲都唔算女性化,況且身邊用玫瑰金iPhone既男性比比皆是,琥珀金其實都算係銀藍色外一個特色選擇。