優點:
影相同拍片都好靚, 最重要係兩個鏡頭都有光學防震功能, 特別係當你一路行一路影的時候如果沒有防震, 拍出來的影片會搖擺不定和影像鬆散, 睇到頭都暈。
缺點:
個芒就算點樣tune都出唔到自然白色, 始終都係帶偏青黃色的效果。
部機喺九龍灣samsung專門店買的, 今天原本攞部機去換, 不過啲垃圾sales 竟然同我講個mon偏色唔屬於有問題, 場內有六部display機 , 我逐部作對比, 衹有兩部係出到自然白色, 其如都有偏色問題, 花七八千蚊買部旗艦機竟然質素咁參差 ,啲職員仲要咁唔專業和廢柴, 以後都唔會再買samsung機。
其實偏色問題都唔係第一次遇到, 之前買佢部TabS2 正面睇就好地地, 打側/斜少少睇, 個mon就青bb, 好嚇人, 最終要攞去佢哋維修部畀師傅check過後, 出份報告證明有偏色問題後, 又要攞返部機去購買的店舖換機, 真係好麻煩!
部機用一陣就好快熱好燙手, 電量少, 用唔到一日。
評價:
建議大家買幾時一定要check清楚個 mon 有冇偏色, 如果有就要求睇過另一部, 再發現有同樣問題索性就唔好買部機, 以免日後換機麻煩。