Canon EOS 5D Mark II

評測報告

實拍照片

FULLFRAME
ISO 1600都無問題(5d2 iso1600 同 nikon d200 iso200啲noise一樣)
高清拍片,景深超靚 (我部sony v1p都無佢噤靚)
價錢平(FF來講萬七真係好平)

對焦點太中間(用開NIKON的我不太習慣)
拍片模式太少(如果有720X576,1440等...便好了)
拍片高清得十幾分鐘

從D70開始用NIKON的我一開始真係勁唔習慣，不過兩左兩日已經習慣，同知道5D2有幾勁，片清相靚，轉盤睇相好setting都好爽，ISO開到1600都係少noise，同之前d200比真係無得比(不過以我所知nikon d700控制noise比5d2勁)。噤點解我轉canon，主要有三個:
1.canon可以拍高清片
2.身邊朋友多數是canon
3.講真轉上去ff啲鏡都要買過，所以一口氣轉會。

太多...

拍movie 得兩個大小比人選, 一係好大, 一係好細, 這點好差.

我當初係買左500D 用左幾個月要轉5D Mark II,
未轉之前重以為只係各方面都會變強少少,
但轉左後, 發覺根本係兩個世界呀....
5D Mark II 不單畫面好detail , 自動白平衡都幾好, 操作好方便, iso 可以推到3200,
質感同重量都好好, 背光攝影亦可看見背光位置的detail 位... 總結就係正呀...!!!

FULLFRAME機 2110像素
ISO 1600仲好正, 3200以下還可接受
PQ高
重量大小岩岩好
FULL HD拍片, 而且有拍電影臨場感真係好正!拍片做淺景冇邊部機好比較!
防水塵機身全天侯
操作方便, 轉盤好用爽手
絕對能夠發揮L鏡水準

價錢比一般相機貴DD, 但FF機來講已經抵玩
5DII 係一部FF入門機
始終係兩年前技術, 功能方面比現在機種係一般
對焦點只有中點比較用到
反光板太大震盪
拍片模式不多

小弟用500D半年上5DII, 級數感覺差太遠, 不過FF機確係強勁PQ淺景影咩都靚到爆!一分錢一分影像...有CHING認為5DII用L鏡先發揮到部機, 我就認為有L鏡先應該用5DII發揮, 因為就算5DII用平鏡都唔會太差, 例如50.8 都有繼續玩唔差呢...
長期拎住70-200MM + 24-105MM 玩真係靚到唔知點形容, 如果加支L定焦就Perfect~
多數人都會想7D同5DII 點選擇, 買之前小弟都有, 但根本就係你想點玩問題, 玩影靚相一定選5DII, 玩影快野玩功能就一定7D, 兩部我都玩過, 7D明顯唔岩自己即選5DII...
整體5DII係FF機既起步, 玩開就會覺得要玩靚鏡了, 一步一步中毒入心, 配件方面又係錢問題, 所以想清楚先好換機.

1. 2110萬像素
2. 重量合適,機身紮實, 手感好
3. 個大轉盤十分好用, 配合小轉盤,使用時分工清晰, 其他按掣也很就手
4. ISO 2000可用
5. 畫質十分高
6. 對所有Canon鏡頭,都有減少暗角功能, FF 影Wide 無問題
7. 可拍高清影片, 比很多萬多元的家用攝影機,有更高拍片質素及可以拍出更淺景深
8. 防水及防塵機身,(有些師兄話Viewfinder有入塵問題,不過我未見有)
9. 自動除塵系統
10. 自定模式C1, 2, 3很方便, 方便應付某些場景,可以作出快速反應.
11. 對焦快速而且準確(中央焦點)
12. 有sRAW格式,可以因應須要,增加所拍攝相片的數量及再進一步減低雜訊
13. 有人面對焦系統,而且可以認再加上CA模式等,對初階用者十分有用,例如臨時找人幫手影.

未發現

我之前50D用L鏡覺得比不是L鏡已有很大分別，現在轉用5D Mark II之後，無論清晰度，色温，顏色比50D高出很多很多，真正發揮到L鏡的威力，入門FF機首選。

不用多說了！

9點對焦較小了，如果多幾點就好用好多。
無其他缺點。

發揮到高性能鏡頭的畫質，連細微部都可以完美呈現出來，2110萬像素全片幅，COMOS & DIGIC 4 所帶來的終極優質畫面，非常正斗。

1. 2110萬像素,足夠應付A3印刷品
2. 重量合適,機身紮實, 手感好
3. 個大轉盤十分好用, 配合小轉盤,使用時分工清晰, 其他按掣也很就手
4. ISO 2000可用 (如一般不放大使用, ISO 3200都可以用)
5. 畫質十分高(無論是色彩, 細緻度, 雜訊控制等)
6. 對所有Canon鏡頭,都有減少暗角功能, FF 影Wide 無問題
7. 可拍高清影片, 比很多萬多元的家用攝影機,有更高拍片質素及可以拍出更淺景深
8. Picture Style 可以拍出不同風格的相片, 等於加了個Photoshop入部機度, 而且使用十分方便
9. Liveview 畫面靚, 加上有10倍放大功能,要精確對焦無難度
10. 防水及防塵機身,(有些師兄話Viewfinder有入塵問題,不過我未見有)
11. 自動除塵系統
12. 自定模式C1, 2, 3很方便, 方便應付某些場景,可以作出快速反應.
13. 對焦快速而且準確(中央焦點)
14. 有sRAW格式,可以因應須要,增加所拍攝相片的數量及再進一步減低雜訊
15. 有人面對焦系統,而且可以認到多至35個人面,在DSLR中應是第一部有的, 再加上CA模式等,對初階用者十分有用,例如臨時找人幫手影.

1. 9點對焦點較少,問題最大是太集中畫面中間,如分布闊些已經會好很多了
2. 每秒連拍張數較少,如有5至6格會更好.
3. 反光板的震動較大,如對畫面要求高,要先預升反光板
4. 售價較貴,平些會更吸引,不會心大心細, 不過套Kit set 配L鏡,這組合十分不錯了
5. 有雙咭儲存會更好
6. 在Liveview拍片功能上,無論畫質及低光控制等各方面都很好,但在自動對焦方面,更靈敏些會更好(可能要出支專門For這方便使用的鏡了)
7. 拍片的模式過少只得1080p 30fps及640x480兩個模式,(據說新Firmware,有24fps, 25fps等模式可選擇)
8. 由於畫質高, 所以選擇鏡頭時要求高(L鏡是必言之選),才能發揮到部機的能力,但一來一回又要比更多的錢. :-(

以下感想可能會得罪了其他品牌的機主,先聲明只是在下自己的要求及考慮,覺得不對的可以不用理會.

先講講為何買FF機,未買機前自己只有過單鏡菲林機及DC, DSLR只玩過朋友的機.當近月有預算可買部DSLR時,就在APS C及FF機之間疑惑中,假如先買APSC,以後再上FF機,到時就一定有些鏡頭會用不了, 加上參考過各大網站的評比,畫面上FF機勝出很多, 加上自已對畫面的要求較高, 所以最後把心一橫,直上FF機了.

買這部機前,曾經作了一個月的試機之旅,包括問朋友及去各間公司的Showroom試機.

試機前我的心水機次序是 A850 > D700 > 5D Mark II
但參考完網站及Forum,又上去了各Showroom試機, 再比較各廠的鏡頭群組及配件,我的心水次序變成為 5D Mark II > D700 > A850 了.

以下是我考慮的地方:
1. 先講像素,其實Sony 2400萬像素是最高的,略高於Canon 的2100萬像素,最少的是Nikon 只得1280萬像素(和普通DC差不多).ISO雜訊控制能力方面Nikon 畧好於Canon, Sony最差.

2. 對焦系統方面最好的是D700 的51點對焦系統, A850的9+10點對焦畧好於Canon的15點對焦, 但我發覺自己大部份時間是以中間一點作對焦點, 要用到多點區域對焦的情況,只有在打雀及高速運動的場合才有優勢.(我自己試過用5D Mark II的中間點對高速目標,連續拍照,都對到焦,使用上其實都無大問題)

3. 連拍速度, 最快Nikon 1秒8張, 第二是Canon 3.9張, 第三是 Sony 3張, 連拍速度當然是越高越好的, 但加上影像像素的高低考慮時,又有些不同了. 當頂級機都只能做到每秒5張, 5D Mark II的每秒3.9張,算是可以接受了.

4. 內閃功能方面, 只得Nikon有這功能, 但自己覺得內閃是有些高不成低不就, 遠距離不夠力, 近距離很大機會令影像有暗影(被鏡頭遮著).基本上對影相有要求的話,都不會只用內閃,而會加個外置閃燈, 想想帶得部一點幾公斤的相機出街,也不差在帶多三, 四百克的閃燈吧. 而且看看所有高級的FF機都不帶內閃,就是因為可以一體化機體,以加強防水防塵能力,雖然有些師兄曾說過Viewfinder有入塵的情況,(可能我好彩未有這情況發生),也可能是個別生產問題,但其基本設計,是以防水防塵能力為基準的(它的Catalog是這樣寫的).

5.外型 及 機身手工制作上, 我覺得Nikon是造得最好, Canon 和 Sony 大至上差不多.

6. ISO 對應方面Canon ISO由50-25600 略好於Nikon的 ISO 100-25600,但雜訊控制上就Nikon略好於Canon 一級至級半.最差是Sony ISO 100-6400,除範圍較窄外,在低光度上雜訊控制也較差.

7. 配合鏡頭群組及配件方面 Nikon 及 Canon都較優,而且各有優缺點, Sony 鏡頭有蔡鏡系及G鏡系,質素有一定保證,但可供選擇相對較少, 配件也是.最後選了Canon,就是它的優點較合心意,例如各級鏡群都分級清晰, 最低是普通鏡群, 中級有小三元系列, 高級有大三元系列, 不同預算都可找到合適的鏡頭, 遠攝鏡及定焦鏡, 就更是強項. 只是相對較弱是廣角變焦方面.人家有14-24mm鏡, 希望Canon 也補回這個焦距的變焦鏡.

8.機身防震功能只有Sony機有, 但當發現我最想買的70-200 F2.8的售價, 和其他廠的有防震功能的鏡頭差不多,甚至比Canon更貴,所以想法馬上有些不同(最初想著可以用較平的價錢就能有鏡頭防震能力).

9. 影像風格化方面Canon ,Nikon及Sony都有類似功能, 但自定及使用上,我覺得Canon 的 Picture Style Editer 做得較好.

10. 拍片能只得Canon有,而且是1080p , 其他機都沒有, 所以不用比較了.

11. Liveview 功能, Canon 及Nikon 差不多, 但Canon有放大對焦功能,略為優勝.

12. 記億咭功能上Sony有雙咭, 其他只有CF咭, 自由度上Sony大些.

13.附送軟件方面,Canon應是做得最好, Nikon 只有送NX, 而好好用的NX2只有試用版, Sony的轉Raw軟件比市面有售的軟件做的效果更差, (詳細附送的軟件功能及數量, 不是全部都清楚,但買機前大略得到以上的印像)

14. 在我試機時, Showroom的作用也很重要, Canon是做得最好的, Sony及Nikon各有優缺點. 例如試機時要問嘢, Canon緊有一個人員在附近,而且有問必答,人員對產品也很熟悉,而且配件及鏡頭都可以要求試用, 之後是Sony也有足夠的人員,但不是個個都熟悉DSLR的產品,也有很多配件及鏡頭只放在櫃內,但好在有個大電視,方便看大畫面的質素, 最差是Nikon, 上去幾次,都找不到人問,而且很多鏡只放在飾櫃內不能試.


15.其實我身邊大部份朋友都是用Nikon的, 但經過以上考慮, 加上我大部份朋友都是用APSC機,借鏡的優點沒有了.所以最後買了 5D Mark II , 希望以上資訊可以幫到各位準買家.也多謝你看完這麼長氣的感想! ^^!