Nikon 1 J1

實拍照片

外形時尚, 簡约, 對焦速度ok, 内置閃燈型....

冇EVF finder, 食电.

5/7/2012 以HSBC白金VISA到百老匯以特價$2980( 10-30zoom kit) 購買超值~

1, 機身細，帶住一機兩鏡出街都好方便
2, 對焦速度超快
3, 連拍超快
4, 高清攝錄自動對焦，仲可以一邊拍片一邊影相
5, 動態快照模式夠特色
6, 有內閃
7, 加個FT1就可以用番 NIKON 鏡

1, 得一千萬像素
2, set 乜都要入 menu，麻煩!
3, 粒電好快用完
4, 高 ISO 唔多掂，我覺得：
800 以下，相片質素滿意
800 至1,600 可接受
高過 1,600 就真係麻麻
而家 d 相機的 ISO 下下都話可以用到上萬，J1先得 3,200 就真係無得比。

我用J1三個月，我很滿意，因為呢部相機我主要係日常生活影下小朋友，好似樓上的師兄/ 姐話齋，如果帶住小朋友再加埋一大包行李，跟住再帶部單反出街，真係幾麻煩；而且有經驗的朋友都知道，要影小朋友，最緊要部相機要夠快，而J1就真係做得到。

仲有呢部相機的機身同鏡頭都好細，好方便，而家我成日都帶住一機兩鏡出街，返工放工想影相就影相。

其實買相機最緊要係知道自己想影乜，我只係想要一部反應快足夠我影下小朋友的相機，J1啱我用；但係如果你想買部有單反質素的無反，都係買部 X-Pro1好過。

1.機身夠輕
2.顏色多選擇
3.連拍超快,1秒60張
4.LCD都唔錯

1.下下都要去menu先set到野
2.$5xxx ge價錢可以買到質素較好ge機

(我只係一個攝影初學者,可能d資料有d失實,敬請原諒)

外形5錯,功能都ok不過好似少左d

車專mode超煩,去到menu先set到

電量中度

岩初學者

(1) 快門夠快! 輕身, 加埋鏡都好方便! 絕對適合帶住小朋友一袋二袋既妳.....
(2) 舊電都幾耐用, 不過帶多一舊副電較好

(1) 設定下下要入主目錄, 煩!
(2) 咁既價錢如果有反芒或TOUCH 芒會俾得安心D...
(3) 成像真係好差, 只達DC機質數...
(4) 唔夠光真係唔得
(5) 無防震, 夜拍真係好難拍得好....
(6) 無咩特別功能.....

首先我要講, 我買J1係想幫小朋友影相, 用大機成日都對唔切, 對到果陣個小朋友已經走左....所以如果妳係要畫質靚既, 呢部一定唔啱妳, 但如果妳想影小動物, 小朋友, 個人覺得真係幾好! 特別係佢個電子快拍, 真係好難影唔到, 不過選相果陣就辛苦D, 因為下下12張....

其實唔係因為佢個連拍, 我真係唔會考慮買佢....至於佢既缺點已經唔重要

對焦速度比任何數碼單反強, 包括NEX 系
連拍快準
防震開盡110 鏡無腳架都OK, 打雀一流
雙KITS 30-110 + 10-30 鏡, 抵玩
白色機正, 輕

像素太低, 點解得1000咁少
AUTO mode 太笨
無大光圈鏡出, 很難影淺景
無NEX 般的濾鏡功能....

對於用慣DC 朋友, 呢部機可能唔合他們心水, 是關乜都唔SET, AUTO全開, 人像色彩確實失望, NIKON引以自豪的風景拍攝, 防震, 對焦速度依然存在, 但顏色及白平衡依然不討好。

幸好他開放了COLOR CONTROL , 如果懂用相機的強烈建議, 用A / P / M mode, 是關J1 AUTO 不像DC 那麼聰明, (之前用開CANON, 聰明好多)

呢部機絕對只適合想學影相, 不是用DC 的朋友, 因為要用盡他的能力, 不下功夫是不能, 自問不是玩開影相, 但玩了幾日, 發現相片質素比以前DC 還差, 不服輸之下, 終於試到有半專質素相片, 故有此感想為J1 平反一下。

等埋支大光圈餅鏡, J1 會是一部好機。

小巧便攜就手百分百（鏡頭的小巧性也要考慮在内），出門一個小相袋已可裝下一機四鏡（包括一支35mm標準定焦或者70-300VR真正的望遠鏡——遠到810mm，要是單反？嘿嘿，恐怕最後腰肌勞損是難免啦）。出門旅行，享受的是輕鬆。

可用N家強大鏡頭群，用70-200VRII一試，令人喜出望外（別家無反怕無法享受此佳境），將來大光圈鏡一出，就劃質便攜都無敵。

關鍵還是劃質漂亮，完全可以接受得到（不是和單反比啦），加上討喜的N家色彩，3/4唔得比。

而且ISO比高端DC強十倍（和單反有距離，不過已經可接受）。一般單反（D5100）我接受到1,600，J1我就接受到1,000，不超過1,200，也算不錯了。

高清攝影自動對焦（很快的），立體聲收錄，還可不中斷攝影連拍15張照片，真方便

還有就是内藏閃燈，雖然小，可是非常便利就手（這是不買V1的一個原因）。早前買C家5DII，就深爲無内閃所累（出門前先充電裝外閃，回到家發現外閃又未用。有時偷懶不帶外閃，可是拍起來就感嘆要有點補光就好了）。所以此後買機就一定要有内閃。需要補光少少的場合太多啦，可是不能每天背個外閃吧（實在估唔到用唔用得到）

LCD靚仔

電源開關設計創意十足，鏡頭一扭就可以開拍

按鍵設計就手，正

Kit鏡質素已經很好，就等明年大光圈鏡

對應FT1，拍得出真正的日月星辰、野生動物和鳥雀，真的就在眼前。遠遠地街拍又隱秘（當然不要拍人家臉部的特寫啦）

最重要的是它幫我接受到前輩的教誨：最好的相機是隨時可以攜帶使用的相機，可惜悟得太晚，浪費了一些生活樂趣（也包括錢財）。

適合人士：有一定劃質追求但又想輕鬆享受生活者（對我來講，DC就接受唔到——包括X10）
不适合人士：以攝影搵錢謀生者、劃質先決者（對我來講，我只喜歡攝影，但絕非攝影師啦）

無一鍵100%看相，有點不便（好像其他家也無）。
智能拍照慢（可能選取及儲存需要多點時間）。
散景稍差（一定要FF加大光圈啦——可是便攜就免談，哈哈）。
其它缺點就無。

這是多年期盼的機器：便於攜帶、可換鏡頭、對焦快狠、劃質較好、色彩喜人、ISO可接受、操控明瞭，那就是它（以上條件缺一不可）。再加上可用FT1+N家鏡群，野生遠景就無敵。綜合以上諸种考慮，此為最佳選擇。

單反劃質就正正正許多，但是出門旅行就有畏懼又畏懼（最少要3.5KG，還不包三腳架）。DC機終歸是DC級，再高級的DC也無法有滿意的劃質，更不要說把ISO拉到200以上了。

Nikon 1系統確實提供了各種考慮下的很好平衡，尤其是J1。非常推薦。