Sigma DP1 Merrill

除左大家都話既影像質數極佳之外
-功能少 冇多餘既制 操作起上來算快
-QS 基本上要SET既野都入得晒入去 有轉盤 方便
-好欣賞有極限對焦MODE 唔係影近野 選呢個MODE 會對得快好多 1米之外
-HOT SHOE可以裝引閃器飛燈, F5.6 快門可以高達1/2000 做閃燈同步
-色彩表現真實 還原度極高

-對焦有機會入塵 所以一定迫你買貴FILTER
-對焦慢
-對焦嘈 好似有沙粒卡住既摩擦聲
-手動對焦都會陏到摩打 又係發出沙沙聲
-LOAD相慢 想即時睇返 中焦情況都要等好耐
-唔知點解轉唔到畫面出Histogram 太光猛難分析光暗(我係1.04版)
-無防震 ISO已經唔高得 變左安全快門都要高 除非超手定 不然真係要1/30先穩陣
-SENSOR無敵 但LEN的COATING唔係太得
-SENSOR 的 DYNAMIC RANGE唔高
-電量......算啦唔提
-光學觀景器設計得太蠢...又貴 裝左你點選對焦位呢? (所以冇買到)
-後期處理煩 唔方便
-冇快門線 冇B快門
-快門得1/2000太少

用得呢部機 某程度係會局限你既攝影模式
用得呢部機 就會想低ISO拍攝去慢慢聞下佢既威力
正正呢個原因 基本上環境一暗 就可以收工 室內光源都係太暗 對佢來說
我買呢部機 係貪佢日光日白 勁抽過D4,1DX
28MM 用來影風景 又輕便 其實真係唔錯
不過唔好搞錯 勁過FULL FRAME係指影像既銳利度 細節位 立體感 解像力
高ISO唔提啦....但係DYNAMIC RANGE係非常普通! 高光差 唔得掂
呢部機 真係要當菲林機咁慢慢去影 要影RAW檔
用得好 佢可以令你享受非常正斗的視覺享受(前提要配合攝影技術 例如構圖,採光)
用得唔好 佢可以係一部垃圾 最常見就係光源問題
真係要慢慢影 唔好亂影 唔係電量問題 係RAW轉J太煩 又耐
當你唔介意轉得耐 而又多時間 而又大把電
都唔建議不停地狂影 因為如果只針對畫質正 去影來聞相
你會死得好快 會中毒 會破壞你腦部 會令你攝影創意停濟 什至減弱
所以真係好矛盾 用得佢 意志要夠堅定
慢慢用心去捕捉 嗰種驚喜感 會更加強烈
小小心得 我將佢改左另一個名 叫女性殺手
用佢來影女 被攝者會唔中意你 什至會反感 大家有經驗既 心照 醒定D =)
返去執都執死你 同埋 未必執得返嗰種真實既質感出來
真係一部唔適合新手用既相機
老老實實 玩下就算 唔好太認真

1）畫質先決
2）立體感好特別，D90 及fujifilmX100 都不能帶給我這種視覺享受
3）色階十分分明（raw 轉jpeg）

1）save 相激慢（最長試過差不多半分鐘）
2） 可用iso100-400，Iso 800 已經沒有sigma 機的畫質優勢（晚景帶腳架吧）
3）耗電量恐怖，約80-90張就要換電（一日用量帶四粒電就最保險）
4）機身較易熱

初時我對於Sigma 機沒有興趣，例如不能用高iso，對焦較慢 ，耗電勁，又不易穩定地手持。自從我開始接觸它的相片後就...中毒！是一種劇毒！畫質靚得不能再同中階DSLR 比較（在日光下）

在某情況下，其實「慢」是好過「快」

大家都講左

電量................ -_-

從來無諗過會買Sigma 相機 ,一來價錢貴 , 二來機械性差. 一直只用Canon,sony,Panasonic. 幾年前入手sony Nex 5 到現在Nex 6 , 都欣賞sony 的機械和電子性能 ,但sony的顏色控制和色階,始終遜色Canon 40D (Both RAW). 為求方便外去,Sony的確出街率極高. 上月無意中在台灣Mobile01 看到Dp1m 詳細報告, 看到相片的辨識度、寬容度、色階.... 都是自己多年想要的, 所以襯sigma 回贈購得此機.

Dp1m : 跟nex 6 和 40D , 她的確慢, 但相片質數無械可擊( 100-400 iso). 相同拍攝條件下，簡直令人目呆.

記僅一點: DP1M 雖然是FIXED LENS, 但鏡筒在對焦時會輕微前後轉動,因而有機會令塵埃由前鏡周邊入進. 有見及此,應該第一時間買UV,將前鏡部份封閉, uv lens 一定要貴,咁先唔會降低鏡頭辨識度.

摄影初衷
缺点太多（太多优点就变得主流）

缺点就是优点

由apsc機升上ff感受到画质既魅力可惜体积之庞大而长放防潮箱，小弟热爱以照片记录生活上的一切所以机不离身，起初为x100着迷很多地方都比sigma优胜，后来反问自己这些优胜地地方真既影响甘大？一次偶然既机会下接触到sigma既dp机影左一批相曬佐4r……美得好紧要立体感出晒黎眼见既色彩完全在照片上表露无遗，因为佢出名既慢，iso另到吴少买家却步，接纳她的缺点随心按下快门拍下一张心头照成为了小众用家的浪漫

好sharp，真係好sharp，影過好多部APSC sensor嘅單反，玩過M43 O記，影象真係冇得揮，無論中央位或邊位，細節足到無野講，解象力真係得人驚，外國網站用三千幾萬象素嘅全片幅單反同佢比，日光下都冇得輸...如果出全片幅，真係有可能直逼中片幅數碼....
手感好左，握持感覺好，夠穏定
內對焦鏡頭固定，手動對焦位改左响鏡身度，好方便
可置filter，裝UV，偏光鏡，玩filter....多左好多選擇
大大改善了對焦，這個對我而言是這超好的改動，雖然唔算快
92萬LCD...手動對焦見到睇到
操作簡單易用純為攝影出發
影黑白相好靚，外國網評話佢同Leica M-Monochrom比，十分一價錢簡直超值...

冇左內閃
電池用電量驚人，一舊打唔到一百張...(最新體驗) 去迪士尼五個鐘頭，行下影下睇下，好正常咁用，用左5舊電，只係影左200張...
冇EVF，有時影相唔方便，(最新體驗) 中午拍照個MON反射睇得好辛苦
高ISO唔得，400以上好恐怖
(最新體驗) 不要用這部相機幫女朋友/中女影相，後生女也要視乎狀態.......
拍片唔得，唔明點解唔CUT左佢，反正都冇人用

我曾先後用過DP1X和DP2，兩部機的PQ靚得好緊要，立體感近似菲林的感覺，一見難忘，從始...對CMOS感光原件的相機失去興趣...

這兩部機除了慢（這個每個玩DP機的人事前都知道的），致命的缺點就是室內或光線稍暗就對不到焦，這點令DP機成為一個缺憾，旅行只帶它出外稍有不便...

DP1M推出後，從多方面搜集資料，有師兄認為PQ只比DP1X好少少，我比較過...，由於象素高，放大細節位多好多，不過raw file極大，儲存時間耐左...但...一切都是值得的，因為，它大大改善了室內對焦的情況，92萬LCD也很清楚，連續7張才需要停一停待它儲存...好像有點過份，但玩得DP，這些「缺點」由來已久，接受不了就不要嘗試這個利害的神物...

全新的造型，大部左，手持手感好左，鏡頭固定（內對焦），可置filter，改善對焦，做靚左個LCD...我終於覺得外出不必再帶另一部相機...

DP1M，2M，3M...究道下一代會唔會出可換鏡頭DP機呢，期待....

後記：上星期同侄仔侄女去迪士尼，只帶了DP1M，總括而言，全程對焦冇問題，相片好sharp（這個當然啦），不過阿嫂好不滿，因為影得太真實，她說拍得她太老面紋一條不漏...佢好唔開心...入夜後因高ISO不濟，ISO400影得有點勉強，暫時大概是DP的死穴，或者...要再諗添一部夜機備用...
同行哥哥帶左L記X2，影出黎D相色水幾靚，但放大睇好似點睇都唔夠Sharp，慣左X3 sensor，你會深深中毒....CMOS...算把啦...

細緻既相片質素、D色真係好靚好純
比起FF或其它單反細小、方便日日帶出街
對焦點可以校大細
個mon既色幾準、信得過下
其實AF都唔慢、我覺得仲快過EOS-M
鏡頭質素高 (傳說DP2M銳利度更高！)
外觀傳統耐看
手動對焦好有用、一轉就放大對焦個部份、睇得好清楚中唔中
可用49mm Filter、易買
界面簡單易用
新設計個轉盤好好用
D制設計得好合理、唔使左搵右搵
陽光充足無敵
夜晚落腳影夜景一流
金屬機身
Made in Japan
其實Save相都唔係好慢、影RAW大約4~5秒save一張(用Sandisk Extreme Pro卡)、save緊個陣你都可以影到相的

AF有時會唔中焦、夜晚尤甚
開機要1~2秒至影倒相、唔知算唔算慢？
定焦、無得換鏡..... (要換請買SD1)
當佢係DC的話部機就真係好貴
當佢係DC的話部機就真係好重
ISO400以上絕不可用
一定要影RAW，因為機直出同RAW轉出黎D色都差好遠下
重、又冇手柄、所以唔好渣手
界面太簡單、咩Filter都冇
拍片質量太陽春、不過應該無人會用DP1M黎拍片掛？
有人話好易發熱、我又冇呢個問題、我仲影十幾廿秒夜景添
快門唔夠快、日頭用到ISO100都無法開盡光圈影、要大光圈可能要用減光鏡幫助
開盡光圈影高反差相四角易有紫邊、收至f/8可減至極少、再用SPP修正後可全滅
遮光罩設計無腦、裝後不能上鏡頭蓋、又貴$280買舊膠
DP用個支閃燈個樣衰、買唔落手
試過一次Format張SD卡Hang機
最後一點最嚴重係電力問題、一粒電充滿只可影60~80張相、出一日街又成日影可能要帶6~10粒電.............

呢部機我覺得畫質好到不可思議、我本身用開C記600D加L鏡、一比之下當然輸晒、有日無聊拎公司部D800E加24-70ED同場出街試下影同一樣野、設定盡量一樣、可能真係感光完件原理不同、用D800E就算收細光圈、落腳、影出黎D物件都係好似唔太實淨、邊位都係糊糊的、但係用SIGMA影就真係好實在咁、連條線都利D、我唔識點講個感覺出黎、總之無比較之下你會覺得D800E已經好好、有比較的話就Sigma真係好D。
需然係定焦、無得換鏡、但我覺得用一支鏡頭既價錢可以得出咁既質素真係超值，不過買機之前你要考慮清楚你需要咩焦距至決定買邊部、常影風景就DP1M無得揀。