其實專業攝影行內的人都會知道,我們的名稱雖叫專業攝影師,但其實我們除了真係要拍好一張相之外,更重要的工作就是和 Art Director們一起幫客戶解決問題,把他們的產品由唔識飛搞到識飛,唔靚搞到靚,夏天要聖誕花,冬天要西瓜!肥妹又話要影到似周秀娜!
有時遇到一些品質其差的product時,我地又要變身做死人化粧師!不過我地就唔系用化妝品,而系要用角度和lighting 去遷就!例如將product花了的部份放在highlight 位或在暗位,又或者用角度去遷就! 避重就輕!
一躹躬,再躹躬,家屬謝….
其實有時真係唔系下下靠執相可以搞掂,如果你係客户,又有人同你咁講,Oh ! you make a wrong choice! 所以識拑shutter就等於識影相?!我好多相都係交由助手們拑制!但如果你係運動,突發,時裝等等的攝影師就梗系拑制一刻最重要la ! 但在商業攝影上就唔一定係!
咁你d Lighting,Setting 呢?如果你崇拜PS或要依靠PS多過影相,咁不如去做執相!或叫客戶自己rend.出來!我都當然會用PS來Tune相和執麈,執花!(在商業攝影上,tune相,絶不等同執相,執相是由Photo Retoucher大哥們付責的,例如有些PR大哥專執皮膚,有些大哥專執食物等,當然也有攝影師自己執埋相,但記著無論如何,tune好一張相是攝影師的責任,而執相是要另外收錢的!)
我們時常都要處理大量大mb數的files,如果每張都要靠執的話,後果就真系…
所以在商業攝影的範疇裡,前期制作同樣是非常重要的!如在拍攝時下多一點功夫,認真一點和専業一點,後制和需要執相的時間也會少很多!