今次想講既係焦距既選擇，了解自己既工具，同上次"遠 | 近"唔同。上次主要講既係相中主體既比重，今次係講我點解要用35同85既焦距。兩者可以話有關係，但同時冇必然既關係，因為長焦距既鏡可以影wide shot，短焦距既鏡亦可以影close up shot。
同以住一樣，都係繼續用35同85定焦影。由於拍攝地點係迪欣湖既一個有水玩既公園，所以需要小小準備工夫，如小朋友既替換衣服、蚊貼、防晒等用品。
"玩水"係一件事件，我所做既就係以我既視覺去記錄，記事就要有記事既方法，應該盡量唔介入事件度，所以我唔會叫佢望鏡頭等動作，一切以自然要主。 記錄得好唔好，其中一個因素就係同被攝者既距離，簡單黎講就係要同被攝者既距離近，越近亦會越容易接觸到被攝者既世界。所以影"玩水"就要進入被水包圍既 世界影。
1. 不要慳Shutter。由於部分用35L以比較近既距離拍攝，水珠會不斷打在機身及鏡頭上，當然我並不反對有水點係鏡頭上，亦認為會令相片更有氣氛。但有 時水點太多或水點係唔理想既位置就不得不處理。用35既時候基本上筆者係一邊影一邊抺鏡頭。要影20~30張先拍到理想既畫面係完全唔意外。
2. 唔好怕整濕相機(同自己)。一般而言，遇到類似情況大家都傾向以長鏡係外圍拍攝。以免整濕自己及相機，用長焦距影唔係問題，但角度會比較單一。焦距越長， 影出黎既相就越接近水平，變化亦較少。所以，當你手上有防水能力較好既相機，不妨行近些以50MM以下既焦距黎影，感受下水珠打係身上、溫度及光線，接近小朋友既世界。你會發現影相係會更有趣。(筆者以5D2、35L、85.8拍攝，影完抺干，回家即放防潮箱，結果冇事。當然，如果你影完壞機就唔好搵我)
我都很喜歡你既文章