講起香港既高山，或者唔少人都會諗起大帽、大東同鳳凰，因為呢三座係香港境內唯一高過800米既山峰。但如果分地區黎計算，九龍範圍內最高既山係飛鵝山。飛鵝山高603米，於山上，能夠睇到整個東西九龍，以及將軍澳北同白沙灣既景色。值得一提既係飛鵝山既英文名係Kowloon Peak，比起中文名，似乎更加能反映此山為九龍之巔既特點。
交通：喺九龍灣乘搭1A小巴，於德望學校落車。（前往方法眾多，詳盡資料請Google～）
上山過程中，睇到既風景總係會越黎越廣闊。
今次首先係東九龍一帶既景色。
將鏡頭左移，就會見到將軍澳北既景色。
而再往左睇，就可以遠眺到白沙灣既景色。（影既時候被樹枝擋住左sosad）
當繼續上山時，就會到達出名既自殺崖。
到達自殺崖之後，整個九龍半島都能夠盡收眼簾。
往山上進發。
直至睇見呢個發射站，就表示你已經到達九龍既最高峰，飛鵝山頂。
除此以外，當日我仲見到◢ 同 ▉ 既追逐故事。
仲有。
最後，附送上山時捕獲既野生小豬一隻～
最後幾句。呢排聽講多咗人上大東山，但同時，山上既垃圾因為多咗人同部分人既唔自律而增加…（相關新聞：【圖輯】大東山垃圾處處 你忍心我們的郊野變成如此嗎？）
雖然多咗人上山，自己會好開心，因為表示更加多人認識同欣賞香港繁華既另一面，但若然代價係對自然環境既破壞，咁我寧願少啲人認識呢啲地方。香港係彈丸之地，每樣野好都寶貴，特別係自然既環境，無咗就係無咗。如果大家繼續唔愛錫呢啲僅餘既地方，下一代既香港，就只會見到石屎森林同一個個垃圾山頭。
下一次去行山，大家一定要做一個負責任同愛環境既行山友同影友呀！
攝於 2014.12.21 @ 飛鵝山
Facebook Page｜Dorason Photography
http://www.facebook.com/dorasonhk
Blog
後記：
今次特別試下全程用廣東話打文章，一路打字，感覺似同緊另一個人對話咁
我諗，呢個係作為母語既厲害之處～
