其實影相影得耐都會有中年危機。
面對一門興趣,慢慢變成職業,睇到自己如何從失敗中成長進步,但時間(12,3年左右)耐咗,開始懂得避免失敗失誤,攝影技術層面上從來不會有問題,不過攝影心態上就出現衰退、衰老的現象,更常常顧影自憐,沉醉過去,創作力大不如前,亦眼見幾位攝影朋友紛紛出現這種問題,俗稱'滑左牙'。
---------------------------------
有一天,如常攞起一堆舊相回味一返(証實中年危機出現),看到一張2004年的相片,當時記得被八至九個警員抬起,鞋都甩埋(笑),相中自己竟然仲影緊相!成個人呆左一分鐘,點解我仲響咁嘅情況下影相?到底為咗乜嘢?已經成個人被抬起,都要堅持到底影到最後?
---------------------------------
每當遇到攝影上的中年危機,我會望下張相入面按著快門的食指,提醒自己要堅持到底。
最後發覺成日都要攞出嚟提醒太麻煩(太多攝影中年危機)(笑),索性放做自己的profile pic,日日對著,哈哈哈。