如果我早二三十年愛上攝影，相信我會係嗰種成日係黑房整色整水嘅攝影師，對我黎講影相好鬼似買餸煮飯：前期準備+影相似買餸，廚房廚具似機鏡燈，影+執相似煮飯+food styling， 餸如果係同一個街市買， 識揀嘅當然會易d買到好餸，加埋個靚廚房只要俾些少心機肯學下煮，其實煮得好食真心唔難嘅，當然有人會鐘意食魚生，但咩溫度，刀功都會影響口感，所以就算唔駛煮都一樣有學問哦。
講反架生先，之前曾入手Sigma DPm系列，一直對佢3層cmos做到嘅效果念念不忘（唔駛合併已經層次分明，立體感強），突然忽發奇想，想試下用最135 Full Frame 嘅HDR去掃街會有咩效果，所以今次用左ps HDR Pro同多張（3-7張）不同曝光值raw相片合併成為一張同人眼有得fight嘅人類AB眼級HDR相，配合調色做到我腦海中色彩斑斕的香港味道，先黎油尖旺！
Canon 6d + Sigma 50mm f1.4 ART
油尖旺街頭充斥著高反差環境，街邊檔燈泡，麻雀館招牌，街燈全部都光到爆，用左HDR pro即刻好似用肉眼現場睇一樣
香港真係隨處都好多顏色，最鐘意dual tones，海旁依家好多唱得好好嘅 live band，一邊聽歌一邊吹海風真係好bravo
廟街必影是常識吧，比較可惜係地道香港人好少行，其實旅遊業有無真心諗過香港仲有好多可能性？香港最多高樓大廈，如何可果有一個不同區域高樓景觀導賞團你話幾美好
忠實地還原絕對不容易，旺角係我第2個家，成日經過嘅位置，用HDR Pro merge原來可以還原得咁好
冷同暖永遠好吸引我，如果有返個新填地阿叔坐係右邊食返支唏噓煙就very good了
地鐵都有兩色，攪笑係我影呢張相嘅時候有好多人行埋我旁邊一齊影，有人以為我係日本人攪藝術......
果欄係油麻地代表，歷史建築加港式營運，好本土亦好有特色，所以我話冷暖色無處不在
呢張純技術示範，左邊珠寶Banner基本上光到爆炸，呢張用左+-3ev 7張raw先合到近乎人眼所見，可以想像人眼係幾咁厲害的感光元件
不知不覺1881就已經話要執了，呢個打卡聖地真係好經典，紫色主題巧令令
天后古廟例位，影一張相keep住俾成百隻蚊非人道攻擊，閃呀
好鐘意呢種因為小輪在移動加上長曝而出現假假地嘅感覺，btw執相最好係你執左好多野但睇落好似無乜執過就最好......（即係㸃呀大佬）
有時候因為自己係香港人見得太多所以麻木了，其實香港的石屎森林真係密得幾可怕，有美感的密度背後係錢同空間在角力，問題係閒閒地幾百萬一層樓，哪有錢？所以根本無力角力，不向錢衝人生是否已算失敗？
後話
我係嗰種會叫人做好基本野再講藝術的人，因為我信其中一個把攝影推到藝術層面的方法就係令技術去到極致再加入前無古人嘅個人元素，當然或者你係天材就不在此列了，但天材只是萬中無一的禮物，所以我呢種一般平凡人還是乖乖的向我的極限邁進好了。
人大了思想真的變了很多，喜歡攝影後會用另一種角度去睇身邊的一切，本來平平無奇的人事景原來可以有不一樣的方法去感受，好像呼吸變得不一樣了，慢慢地你追求美麗的渴望也會改變，生活苦不苦其實全在自己，活著已是幸福，大家也笑著創作 / 拍攝吧！
爹娘喜歡攝影想分享想進步可加以下group 呀親！
@愛拍攝爹娘親兒協進同鄉會
https://www.facebook.com/groups/198397067322909/?fref=nf
www.facebook.com/inghohk
www.facebook.com/adorbyhongkong
www.adorbyhk.com
