這輯飄浮的相片,係城門水塘拍攝,本身環境優美可以適合好多題材,由其是童話故事例如小紅帽,愛麗斯夢遊仙境等。 今次我就主要用蝴蝶仙子為主題,進入這個童話世界。 先看一下這次的完成作品
仙境中的仙子,大家應該想到,天使翅膀,蝴蝶翅膀或蜻蜓等等,我就選擇用蝴蝶,因為我知道原相中,Model有好多不同的動作,如果要係Google之類,去搵天使翅膀的話,很難每張相都用到,因為會有唔同的角度。
蝴蝶翅膀因為是紙一樣薄,如果用Photoshop其中的 3D功能,我只要一對翅膀,就可以好簡單製作出唔同透視感的角度,再配合Model用。
去Google 搜尋 Butterfly 就好多蝴蝶相,如果想搵我這類好似一塊閃布咁的蝴蝶,就叫閃蝶屬(Morpho) 他們的翅膀就好似閃閃反光布料咁,揀一張全正面的就可以了。
我這張相Model身後的翅膀,翅膀是左邊比較向後一點,微微後斜的。
- 首先處理好相片,再將翅膀退地,然後放在Model的圖層下。
- Photoshop 功能表,選3D —> New Mesh From Layer —> Postcard
Postcard的意思就是,一張平面的紙,放進3D編輯器中,你可以隨意轉動角度,而3D的就分X/Y/Z 三維。 - 進入3D編輯器後,用Mouse點一下蝴蝶翅膀,你就會看到綠色/紅色/藍色的控制棒。
Mouse放到紅色 Y Axis (軸) 圖中的地方,你會看到變黃及一個轉動的附號。 - 拖拉住Mouse向左或向右試試,你就會看到蝴蝶翅膀都跟住轉。
- 這時可以調節出同Model一樣的透視方向了。也可以再拉開些Mouse時,角度就會越大,此例中只需輕輕轉動便可,下圖是再轉動多些時,透視更大的效果。
- 角度沒問題的話,就可以在Photoshop右邊的Layer , 剛剛那個圖層,右鍵Mouse ,選擇Rasterize 3D,這樣就不會再進入去3D編輯器 (另外如果想再編輯的話,可以多Copy一次圖層及隱藏先)
以下這張相除了用Y軸左右轉動外,更用到Y軸作為指針咁轉動。善用X/Y/Z 三軸的話,只要一張翅膀素材,就可以應付到唔同既Model身體的擺動。
所以熟悉用Photoshop 3D功能後,可以製作更多這類透視效果,例如天使光環啦,Model頭部怎樣擺動,都可以輕易做出唔同角度的光環。
(之後會繼續再分別這輯相片,怎樣用Photoshop來打造夢幻童話世界)
作者 : Chris Pang
Facebook : https://www.facebook.com/chriskcpang
Model : Polly Lam
製作團隊 : Chris Pang / Alex Fan / Vming Yan / Kenneth Wong / David
拍攝地點 : 香港城門水塘