[gg546]

事件流程--------

1) 在二手買賣區尋獲一部心儀旗艦機，順利與對方聯繫及相討買賣;

2) 協議價錢亦尚算圓滿;

3) 時間、地點由賣方表示在多日後有空閒日子就電話通知買方;

(開始到戲肉)

4) 賣方幾日後突然通知買方即時到指定地點交收，因為未知其他日子有無空閒;

5) 買方無法突然抽身工作，在多番懇請下，賣方願意玊步遷就;

6) 買方在心存感恩之際，問及賣方銀行寶號，方便即時在就近櫃員機轉賬;

7) 賣方回覆只會即時收現金，原因係"不便用銀行轉賬";

8) 買方轉為提出上CS 由賣方交俾CS check 機兼即時現金交收，但賣方又拒絕;

9) 買方思前想後，最終決定放棄買入今次呢件心頭好。--------- 事仲完結.. ^^


雖然小弟感覺買唔到心頭好會有少少可惜，不過今次可惜得開心架！各位師兄、師姐睇完以上內文會有乜啟發呢？多謝點看..... ^^

[mluk06]

C hing,
閣下是否第一次買賣二手野? 買方似乎有點玩野:

1. 大部份(99%)買賣都是現金交易. 如果要過帳对方户口,應在交易前经对方同意而非在交易時先至講, 原因未必人人都有银行户口或櫃元机.

2. 交收好少上CS, 唔同名錶,因有假野. 相机鏡頭買賣,全憑個人經驗,要賣方上CS check 机, 俾我都唔啋你.唔通到時你問CS 職員部机O唔OK 嗎? 你expect職員點答你. 如果对方有單,有證書是行貨,自已check完 d 功能就貨银兩訖了.

小弟可能見職少,但憑上述流程, 買方是有点過份,買唔到心頭好是損失,亦是教訓. 如有得罪,請多多包涵.

[Decanter]

買二手袋咩，去米蘭站check丫笨！

[gg546]

mluk06 師兄:

小弟愚見如下........

首先，我係在約定見面前問賣方户口過賬安排，或上CS由賣方Chech機，其實目的並唔係用邊種方式交易會比較方便，而係一種比較保障雙方的方法。

一) 交易後萬一任何方面一有問題發現，大家都仲會有一個可以有跟查的途徑;

二) 上CS由賣方Check機，目的只係由CS即時入S/N Sytem check下部機有無報失或屬老鼠貨.....等，如果順利通過，我就即時現金交手，同時順便留底部機在 CS 慢慢Check。

我相信師兄你睇唔明我所顧及的重點。用幾萬去買一部機，我當然可以好易了解到部機的狀況合格與否先交易，但最難就係買入部報失機果類，呢點我反而著眼少少。^^

[gg546]

小弟另一個睇法，如果正如以上兩位師兄的見解，當我一自己即場check完，感覺滿意下就現金交易，我當然可以快快樂樂去享受好一段日子。但我相信我始終有一日要帶部機上CS check 機或維修，若然到時先揭發部機來瀝有問題，咁都幾煩惱架。^^

[mluk06]

C hing,
我相信呢度冇乜C hing 抱你既心態去買二手野. 而你亦唔適合買二手貨. 除非对方乜野證明都冇,單,warranty card,盒,packing, 袋,hood, 個價又超低,你就可能相信件貨來歷不明,咁你都唔會同佢交易啦.

你話上CS check机係保障双方利益, 似乎係单方面(買家)保障,賣方唔通要買方保證d錢係真银紙先收錢? 其次交易完成,双方都冇責任要follow up 任何問題包括維修,保養.
至於是否失机,老鼠貨更加無從保障,呢d 就係上網買賣既風險.大部份C hing 都理解,亦冇乜人要賣方去prove部机冇野(唔係賊贓) 先至交易.

C hing,相机,鏡頭,hi-fi 大多萬元級交易都係憑經驗交收. 否則閣下要俾多少人賺下(二手铺) 先至百份佰安心.但亦唔担保件貨有冇維修過. 奉勸一句,不要用二手貨,不是閣下杯茶.

[oklee]

樓主都是不適合買二手後,我每次買賣都是在地鐵交收及只收/付現金,如怕收假錢也只要求買家即時從etc提款便ok.

[mluk06]

所以你就上述論点,流程就覺得对方可能係出售老鼠貨,而你冇上當就因為你醒目, 識得要求对方上C S check 机先交易, 唔成交就好可能係賣方身有屎?!!
理解,理解. 我都想知係邊位C hing ,等我提防下.

[SaberLaw]

為咗樓主既保障，可以系警局報案你地交收哦！CS都系差D~~~

[wrx_ap]

下次試下約係報案室交收, 睇下賣家有無心悸 XDDDD

[ncychan]

兩方都無錯, 只是條件不合, 無法交易。

File closed. Happy ending.

[yung2]

賣方無錯，個人二手買賣一向都係一手交錢一手交貨。

買家有特別要求，應該係最初就要講明，而唔係到約出來交收果日至提出，出到來先要求這個那個，唔交收對大家係無金錢損失，但就浪費心神時間！

買二手野又唔想自己煩的話可去二手商店，咁亦唔會煩到一般賣家。

[HelloSRV]

同情賣方

[hungjacky]

係賣家的奇遇...

[小小生]

你係可以咁要求
但如果你有咁既要求,我都會要求你比多2千蚊,你OK我OK^_^