Canon EF 24-70mm f2.8L II USM

評測報告

實拍照片

任何鏡頭都有優點和缺點，只是看那方面多或少而已。

任何鏡頭都有優點和缺點，只是看那方面多或少而已。

我是一個熱愛攝影的人，400mm f/2.8 L IS II 以下的L鏡我全都有，副廠只用Carl Zeiss。這是我第一次為Canon鏡頭發文，可想而知它是如此值得我為它說幾句話的鏡頭。有些人說這支鏡頭只比1代好一點，不值這個價錢，說這些話的人真的有用過它一段時間嗎? 懂得發揮它的優點麼? 說2代的Sharpness, Distortion,Vignette,Chromatic aberration只比一代好一點，不值這個價錢。其實以現代修圖軟件這些都不是太重要的事，質感、層次感、散景、立體感和抗眩光性才是難用修圖軟件做到的事。暗位的演譯也很到家，這些是沒法用數據去衡量的。它雖然沒有定焦鏡頭的大光圈和Bokeh，但它絕對等於有將定焦鏡頭調到2.8光圈的威力(質感、層次感、散景、立體感)，相等於你同一時間插了一支擁有2.8光圈的24mm、35mm、40mm、50mm、65mm定焦鏡頭在相機上，值不值你自己來決定，問我的話我會說絕對值。
再補充一點的是不要再說Lens Hood有不有型、霸不霸氣的事了。鏡頭是用來拍照的，不是用來讓你變有型。用了有型的Lens Hood也不見得你會有型過Canon廣告裡 的男Model。

對蕉快, 成像利, 輕左短左, 有Lock

未有

真的很利很清, 本人有3部機測試用同一個35mm蕉距影
Nex7配24mm2.0(實際蕉距36mm), D3s配35mm1.4 及 2470-2.8, 5D3配2470-2.8 L2
大家用F2.8 iso400影, 5D3明顯清晰好多, 細節更多更明顯..
Nex7同D3s就差不多, D3s配35.4好過2470
呢支2470-2.8L2真係值皮8野, 買左冇後悔

鏡身輕咗短咗但口徑大咗, 大得好有型, Hood 細咗好多出街方便咗, 影像質素好過上一代(從測試中看到), 全新設計外形非常靚仔.

無

感覺好靚好有型有款好有質感, 真係一分錢一分貨

1.早前買了1dx 但用上老的24-70, 只有中心1點可以用到2.8雙十字對焦(真系唔明點解大家都系2.8光圈為何二代有5點一代只有中心1點,好懷疑一代系咪真系全鏡面都有2.8光圈表現.) 心想機王都出了冇理由唔用鏡王襯架!

2.鏡身造工24-70二代用1片超高精度精確研磨(Ground) 及2片高精度玻璃鑄模(GMo)非球面鏡片, 1片Super UD超級超低色散鏡片及2片UD超低色散鏡片; 一代用1片UD鏡片 1片研磨非球面鏡片及1片非球面鏡片(以上Canon官網找的資料, dcfever說一代有2 塊非球面鏡片，2 塊 UD 超低色散鏡片跟本資料錯) 特殊鏡片由3片升至6片. 用料十足,特殊鏡片多了一倍所以價錢也升了一倍…正所謂一分錢一分貨.

3. 鏡片直徑由77mm升至88mm, 入光量多左成像自然好啲.

4. 全新的遮光罩設計卻可省下不少空間，對我來說，遮光罩的使用率反而更高,一代的遮光罩很多人話有霸氣喎, 但係我出去外影時唔知點放好, 反轉裝上鏡頭放包包又怕壓壞, 因為佢大就大啦不過好薄.

5. 對焦快而準, 沒有一代走焦的通病.

6. 輕但手感好,鏡身輕了鏡身重量由950g降至805g，整體長度也由123.5mm減至113mm，長期裝上1DX重量都可接受.

7.由下面我找到的外國出名的鏡頭测試网中可以看到二代24段的表現高過定焦Canon24 f/3.5 TS-E(移軸鏡頭), 70段的表現高過小白2代;一支變焦鏡可以高過定焦是很難得的.

1. 貴
2. 不是内變焦, 容易入塵.(但係一代都係冇内變焦,有啲人以為有;其實係比個大遮光罩遮往,一代個頭一樣申出申入)
3. 没有IS
4. 包裝差, 大佬呀成萬八蚊送個冇保護功能袋, 起馬送小白個種啦!
5. 個鏡身樸實左, 点解支支L鏡红圈處都印有支鏡的資料, 但只有呢支冇, 冇得show 24-70 II2.8L 虛榮感少左...

其實中段變焦鏡我三支都有, 自己用24-105 公司用24-70一代, 最近自已入左24-70二代. 三支鏡我覺得最好係24-70二代其次24-105; 最差係24-70一代! 因為自己用24-105老實講F4平時用冇問題但係當光線唔夠時由於光圈唔夠大所以快門唔夠快就算有IS影出黎都會模糊不清; 原因唔係你手震而係主体動了!所以當公司要買工作鏡時當然買24-70 2.8啦. 但係當我買左返來試鏡時睇到我傻眼了; 當光圈全開時細節表現鬆散不論對比度還是銳利度都不及 24-105 全開光圈時的表現. 這支就是Canon的中段變焦鏡王? 很多人説24-105是假L鏡; 我說24-70一代是垃圾L鏡才對, 它的表現連副廠Sigma都不如更别説和Nikon的鏡王比了.
好了!古語有云” 十年磨一劍” 24-70一代是2002年推出, 屈指一算也已經10年了,Canon 10年後出二代不論鏡身造工以及成像表現都比一代好很多, 只可惜價錢也貴很多…
為什麼貴咁多我自已私人還是買呢? 其實支鏡用上十年的話都值的.如果錢唔係問題的話呢支鏡是值得買的!正所謂有買貴冇買錯!

PS. 附上外國测試网
http://www.lensrentals.com/blog/2012/09/canon-24-70-f2-8-ii-resolution-tests/comment-page-1#comments

http://www.dxomark.com/index.php/Publications/DxOMark-Reviews/Canon-EF24-70mm-f-2.8L-II-USM-A-Peerless-Performer?utm_source=facebook&utm_medium=post&utm_campaign=review_canon-ef24-70mm-f-2%2C8L-II_usm

對焦超快和準確度極高
100% crop 都很sharp，特別是中央位
色差控制好，全開 f2.8 都得
全開 f2.8 都唔覺有暗角
hood 易上易拆

即使係 f2.8，在各 range 的散景好像唔明顯
鏡身非常易吸塵
zoom 時鏡身伸縮，常常驚入塵
hood 好像很短，只能阻雜光，少左保護鏡面功能
個lock制唔就手(近快門方向)，好多時唔記得lock

本人是用 7D，借用過 一代玩，除左一代個 HOOD 夠大，使用時加強保護鏡面和防塵能力，好像 二代大勝
睇返以前的相，以 f2.8 為例
一代拍的相片明顯出現紫邊，但二代拍的唔見有
一代暗角明顯，二代唔覺 (註：本人不是使用FF)
對焦速度，感覺好像二代快過一代50%(唔知有無記錯)
對焦穩定，不記得一代如何了
sharpness，很多地方有比較不多說
扭曲，二代的 24mm 真的比一代改善好多
散景，好像一代好 D，但唔知係唔係因為本身開 f2.8 時，一代影像都鬆鬆地，才有淺景深感覺，相反二代實 D，相信鍾情淺景深的用家不會喜歡它
至於經常看到討論說邊枝型 D? 一向都無理會哩方面，看實用為主

最失望係構造仲係伸縮，鏡身又易吸塵，拎出街用，一小時都好像要吹十零次，畀人話有潔癖

價錢方面，不少人說很貴，不值得買，不過除左佢的性能改善外，考慮埋以下因素，可能會有唔同抉擇: (只比較原廠)
一手一代升至 $13,000
二手一代，5年鏡升至$10,000
二手一代，一年多鏡升至$11,000
CANON 鏡頭每年漲價，真是......

以下是本人使用二代拍的相片
www.dcfever.com/photosharing/view.php?u=375129&id=1302463
其中有一張相片原相是很暗的，不過由於用RAW，把EV加了 4.3 都不覺相質出現大問題 (以前用 sigma 鏡 加 EV +2，相質明顯變差)，這也是本人的疑惑 --- 到底一枝好的鏡頭，會否對後期 +EV 有幫助呢

1. 對焦静，快，準，真係一按到位
2. 色彩靚，夠濃
3. 成像扎實，銳利，散景靚絕
4. 相比1代輕身，而且邊位變形情況有明顯改善
5. 鏡身加多個Lock掣

1. 仍舊是外變焦，伸縮位容易有塵
2. 本人比較喜歡1代嘅外型(2代外型不出眾)
3. 貴！貴！貴！成萬九銀支鏡都唔肯俾埋IS
4. 包裝慳皮！依然皮包骨，個袋冇保護功能
5. 黑暗位及光滑面有迷焦情況出現

相信眾多擁有1代嘅攝友都不太願以多付近萬嘅價錢去换支2代，似乎不化算。但是對於未有1代嘅卻絕對值得入手，電子科技一日千里，當然買新！
此鏡影人，影景色水表現都一流，免卻帶鏡，换鏡嘅麻煩，外出旅遊，一鏡搞掂！