優點:
大大隻字寫住>MADE IN JAPAN<信心保證
用金屬接環,加上鏡身造工很扎實,冇玩具感
F2 大光圈,入門機及新手夠晒用
放大率係各支定焦非MACRO鏡中之首
夠輕,細細支,攜帶方便,影Snap一流
對焦反應不是usm級數但算係幾快
暗位及室內表現強
缺點:
新鏡價錢愈來愈高,同長期缺貨OR日元高有關
以前全新$19XX都有,現在無可能了...
不是內對焦,有入塵覺悟
無HOOD OR 鏡袋送
5片數光圈葉,五角型散境,唔係人人Like
無USM,對焦有機械聲(我又唔係好mind)
變形金剛嘅變身聲,有人可能好enjoy~
有咁既聲似返支舊鏡~
球形鏡面,夜晚用Filer會反光較勁!
影夜景,呢支鏡勿用Filer!日光下易有紫邊及明顯昡光,但好睇你點用,同避免~
評價:
配APS-C機身相等X1.6陪剛好是於56mm焦距,可作近似\'\'標準鏡\'\'
非常合550D+500D+450D...入門用
當初買支35mm 因為成日要室內影人,但50mm室內真係好窄,好難影...
50mm配APS-C成80mm,影咩都行遠少少,好唔方便...
舉個例:去餐廳,影下食物,OR影食物+半個人,50mm要企係身,或行遠D,先影到~
咁影法可能好誇張,或影響隔離台D人,用35mm就剛剛好,唔洗企起身影,
就影到半身+飯桌,仲要有散景,適合較懶的定焦鏡用戶, XD
同焦段比較:
原廠鏡關係,我試過~比Sigma 的30mm F1.4,色較準!
Canon 35mm F1.4 L 未比較過,唔敢點講~
但Canon 35mm F1.4 L,貴幾倍,唔係人人玩得起~
反而Canon 35mm F2,只係2千幾,價錢上比較相宜~
35mm F2無USM理由很簡單,有USM一定比較重少少同貴同大支D
仲有重量比以上兩支輕身,機動性較強~及易帶出街!
呢支鏡係\'\'清晰之瞳\'\',影咩都有一種清新既感覺,唔係太多Canon鏡有呢種FEEL~
係\'\'近距離\'\'植物殺手~
跟本係隱世L鏡,發色真係好正,睇番之前用50mm F1.8 影D相,D色水真係差好遠,
50mm F1.8 本身質素以及相片質素,都不能同35MM F2比!淨係個金屬接環都冇得比了!
其實我比多少少就可以買到50 1.4了,雖然光圈係大,但最近對焦距離要0.45m
影植物,同室內影人OR食物又痳煩D...,35 F2個MACRO真係好堅!
APS-C機用50mm多數影人,影大頭OR半身,呢支35,就可以影人加多少少景~
去人多場合,如聖誕節,去尖咀,個個爭位影,你就發現35mm比50mm就位好用,唔洗下下同人爭位!
仲有F2圈,機仔及入門機夠晒用,我用左咁耐,入門機二光圈真係夠晒用,
入門機唔好盲目追求更大光圈,再大D光圈,D入門機未必真正Carry到~除非係老手~
基本上要搵好耐,或者要訂好耐,好似永遠缺貨咁...加上全城斷市,令人更想擁有佢
我用左兩年,除非我好等錢洗,或轉會,否則我諗唔到有乜野理由我會放走佢
買左好易中定焦毒,基本上係長插係機,輕身!隨身帶住用去走天涯!
係Canon 機要試下!我強烈推薦此鏡~