類似焦距我擁有過Pentax 50-135*、Canon 70-200L IS II,而富士方面,未出50-140之前,我一直有50-200。自從將Canon FF器材賣曬後,富士我多數用定焦鏡(23 + 56),55-200其實好少用,現在用X-T2。
不過,始終有時會幫人影下Event、聚會等,55-200真係唔係好夠用。最大問題係對焦速度/準確度和光圈細。睇過好多外國、台灣、本地既測評網,呢支50-140我考慮左好耐,評價都幾兩極。一方面大讚,而另一方面主要投訴三個問題:(1)Bokeh唔夠smooth;(2)鏡身有嘈音;(3)重
用左一段時間,對以下三個問題,我有以下睇法:
(1)Bokeh大家唔應該expect佢有56 F1.2或90 F2個隻水準,但真係已經好smooth~ 買之前我一直擔心,但影左幾次之後,我完全唔擔心,起碼以100mm打後既焦段全開光圈,出黎既Bokeh真係好smooth。
*在此想提一提淺景深同Bokeh quality係兩回事,好多人覺得呢支鏡唔能夠將背景完全Blur曬就話佢Bokeh唔得,其實有問題,Blur唔Blur同F值、焦距、如何取景都有關,但Bokeh質素就真係每支鏡唔同,等於點解人地話50mm定焦F2.8會smooth過24-70(50mm)既F2.8一樣。
以呢支APS-C鏡換轉返FF計法既話,其實只等於FF鏡F.4左右既景深效果,所以單純以淺景深去評價呢支鏡,其實佢唔會比到好extreme既效果你,例如56mm F1.2。不過我覺得佢做到56mm F2.8或90mm F2.8既水準。所以,呢支鏡或許唔夠「淺景深」,但絕對係「great bokeh」。如果想以呢支鏡更好地突出主體,建議用家以100mm起步全開光圈,並確保背景要有空間,不能太接近主體。*
(2)接上鏡頭一開相機,如果你將耳仔貼埋去聽,係有嘈音(電流聲),可能係OIS既運作聲音,但影個時我真係唔覺佢有聲。(B&H Review有人話佢係最嘈既鏡頭,甚至影wedding比客聽到,我覺得誇大了)
(3)以攞過FF + 70-200 F2.8鏡頭既人來講,呢支我覺得一d都唔重,反而覺得輕巧,但非常扎實。當然,如果你攞開micro 4/3機,或一些定焦鏡,咁呢支一定重好多,最好去showroom攞下先。
驚喜:
(1)對焦速度一直係無反既普遍問題,同DSLR比始終唔夠快。但呢支配合X-T2我覺得已經好實用,可以話你唔會因為支鏡對得慢而miss shot,同55-200完全兩回事。雖然同高端FF DSLR + 頂級鏡仲有少少差距,但影snap shot、event、小朋友等,我覺得絕對勝任。當在暗既場景下,係會慢少少,不過仍然明顯比其他XF鏡對得快!
(2)OIS好穩定,呢個都係我買50-140而唔買90 F2既原因。對於長焦,OIS實在太必要。
(3)變焦環手感非常好,不太緊,非常順滑。
總結:如果你用過FF機而換用X-T1 / X-T2,而鍾情於70-200既靈活性,需要一支「快」鏡有時應付一下job或event需要,呢支真係早d買啦,唔好指意55-200呀!