文:Tony Lam
鑑於本網讀者對於較早時一篇 Honda Civic Type R 報導反應熱烈,證明「梯丫佬」毒性果然猛烈。既然今天廠方再發出大量靚相,我們當然要開心 Share, 務求令大家毒發身亡。
今次所發的新相為一紅一白 Type R,於德國街頭及紐布靈車場上的英姿,有齊車頭、車尾、車廂、高速、優雅、戰鬥格等不同角度,實有一款啱你口味。不過,相中車為歐洲仕樣,可能與日本版會有外觀上的輕微分別,但那台 2.0 公升渦輪增壓引擎、320 匹馬力、 400Nm 扭力及六前速手動波箱應該是世界通行。加上四月時新車以 7 分 43 秒 8 重奪紐布靈最快頭轆車寶座,難怪一面世便令到全世界粉絲流晒口水。
最後再放兩條會加速大家毒發嘅片:
來源:motor1