剛返到屋企,已急不及待著起部機,部機好新好乾淨,正開心使用中 😊。
講講件貨,非常新淨,到手時有層膠包裹同保護住部機,捆好哂繩,仲提供埋個好精美嘅袋,方便我帶返屋企,可以感受到賣家嘅嚴謹同細心。價錢方面,買前我有格過價,絕對係物超所值,性格比極高。
至於賣家,成交後佢好快(近乎即時)聯絡我安排交收。對於我提議嘅時間同地點,佢都樂意接受 (今日係假期,都要麻煩佢出嚟交收,我都有少少唔好意思)。到交收前一日,佢又會提一提我。交收時,佢會好仔細咁講解吓件貨,又關心我有冇買齊電線,怕我開唔到機,真心誠意想我用到件貨。總之就係一位好賣家,一個好人,有責任心,和善有禮,可靠有誠信。
非常愉快嘅一次購物經驗。我好少寫評價,但今次真係要嘉許同推介呢位賣家。再次多謝你割愛,希望日後有機會再幫襯。