AKG Y50BT 藍牙 頭戴式耳機, 90% new
金屬外殼,音質清晰和暖,人聲動人,有咪, 適合iphone及android手機
奧地利影音品牌AKG素來係品質之選,去年憑Y50便攜式耳筒獲What Hi-Fi選為「Product of the Year」之一。今年再下一城推出Y50BT,為獲獎之作加入藍牙連接功能。走線佩戴更自在,難得音質表現冇走樣,想平價享受AKG招牌音色絕對可以諗諗佢。
AKG Y50BT沿用3D-Axis摺疊設計,兩邊耳罩可打平扭轉向內摺,收藏方式冇咩要挑剔。上代Y50用色大膽,今次得黑、銀、藍三色相對保守。筆者拎到銀色型號,耳罩表面為啞面噴漆,AKG標誌用番令面,質感唔錯。兩側附有清晰刻度,方便調校鬆緊度。雖然重245g、耳罩不大,兼採用壓耳佩戴方式,但試戴咗幾粒鐘仍然零頭痛夾耳。操控方面頗為直觀,音量加減、開關、播放/暫停呢啲按鈕都位於右耳罩外側,另有提示燈告知電量及連接狀態。
官方聲稱Y50BT保留品牌傳統音色,筆者當初都半信半疑,但以Sony NWZ-A17直推試聽後,又覺得佢冇吹牛。你唔能夠期望佢有AKG旗艦耳機招牌嘅超闊音場,但講分析同樂器定位,千零蚊價位嚟講屬於水平以上。例如聽三重唱美聲女團Kalafina〈far on the water〉,三把人聲距離適中,音色自然冇咩味精。喺和樂器樂團〈星月夜〉呢類編曲極其複雜嘅歌,依然做到有條不紊,分辨樂器擺位不費耳力。只係高低兩端延伸性麻麻,尤其係bass,聽Rock可能會嫌低頻量感不足,欠缺勁度。