Empire Ears Bravado MKII 虎纹版，因升级Raven放售
購買日期23-5-6
全齊，除了L size耳膠，有單過保

另放Effect Audio Ares II 12W $1680

評測:
Empire Ears 4 隻 Mk ii 當中, Bravado 應該係最抵玩, 性價比最高一隻! 6 千尾嘅水位, 但係已經配置咗 2靜電, 1 動鐵, 1 動圈, 再加埋同樣跟咗條 Alpha IV (26AWG UPOCC Copper Litz Cable), 雖然係最抵玩嘅一對, 但Empire Ears 都將所有自家技術用係 Bravado MKii 身上, 包括 EIVEC, synX, ARC, 無話張貨就價嘅感覺。
首先呢, Bravado MKii 個配戴感真係好正好貼耳, 廠方設計咗一款比較薄嘅外殼, 令到配戴後嘅外觀睇落都幾有型, 有啲似戴咗 CM 咁! 板面用咗紫色星雲花紋, 我覺得隻色男女都幾受落。咁一對耳機有外在美都要有返內在美先得㗎, 就講下聽感啦。
Bravado MKii 價錢親民, 聲音亦都係以親民為主, 一把耐聽而有肉地嘅人聲先聲奪人, 當我聽 Moon 嘅 Quando Quando Quando, 每次一聽到00:09 秒果下突如其來嘅索鼻聲, 成個人就好似準備好要聽佢唱歌一樣。一開聲, 人聲係甜美濕潤, 再配合埋柔和琴鍵聲, 成個人都十分舒暢, 經過 Bravado 出嚟嘅 Moon帶有一種漫不經意感覺, 好高貴咁企係聽者面前唱歌, 令到聆聽者有心動嘅感覺。 而Bravado MKii 上下盤調音適中, 比較大路, 個人覺得幾適合聽流行音樂. 低頻有一定份量同衝撃力, 唔算轟頭, 低頻比起HERO SE 少, 但下潛力度都幾深. 高頻延伸算中規中舉, 以靜電計算合格, 可以再發揮得好啲啲, 線條係好清晣, 但延伸力未有完全發揮，去得未夠盡。不過 Bravado MKii 嘅上下擺幅都算幾快, 反應係幾唔錯, 呢啲聲音流行又得, Jazz 又得, Acoustic 又得, 怎至啲小型交響又可以輕鬆處理到. 佢個橫向音場都闊, 不過縱向就唔算好深, 人聲同樂器距離感有點不足, 呢個可以試下換線或者用耳膠去調節一下, 應該可以將距離拉返開少少, 令所有嘢定位可以再清晣返啲~
Bravado MKii定位上係喺成條新product line 中最平, 但個人覺得並非最唔好聽果對 (百貨養百客, 人人喜好都唔同), $6980 價位 又玩到靜電, 的確係有一定巿場入侵能力, 整體上都叫合理收貨, 當然感覺係仲有可調空間, 有興趣係可以挑戰下將個高頻延伸玩盡啲 (不過可能換線錢仲貴過耳機) 。
(純粹個人聽感，另外測試器材有異，請用家耳聽為實)