大浪西灣遊記 尋星與日出
7月初嘅時候，我去左香港過左充實嘅一星期。其中印象最深刻嘅就係去左大浪西灣影相。
有別於平時我自己一個週圍走，今次我係同一班住係香港嘅攝影朋友一齊去。平時只可以葡萄，今次終於有機會一齊去，心情自然非常興奮，當然亦都要多謝佢地帶路我先去到一個咁靚嘅地方。
路程： MTR＞ 彩虹（小巴）＞ 西貢（的士）＞ 西灣亭（步行）＞ 大浪西灣（到達）
注意一定要帶夠水（＞1000ml）！！！另外沙灘會比較潮濕，記得帶袋保護器材
到步後舉高個頭一望，好似比星星包圍住咁。呢一刻嘅感覺唔識點形容，呢樣係澳門冇可能見到嘅，因為光害真係誇張到你唔信！
影相時聽友人說夏天嘅銀河係比較直嘅，而且好早就會升起（好似係），睇一睇時間，原來已經差唔多兩點啦，即係銀河已經冇幾個鐘前咁明顯了，吸取左經驗下次會早啲去了。
望向另一邊的山頭，一看就知道光害比較嚴重，應詃是比較近市區的原因吧。
另外，天空不時也有薄雲，不少影響了星星的清晰度。
影完星之後，休息左一陣，就到日出嘅時間啦。中間最光果粒據聞就係木星啦，亦都表示太陽會係呢個位升起。
我最期待的畫面出現了。雖然紅霞沒有預期般壯麗，但最要都係成班人一齊。
同行友人正在進行time-lapse拍攝 ，就用他的相機做前景啦。
往左繼續走，見到有個石灘，毫不尤疑set好腳架影左呢一張相。
感想：好多蚊...（以一團團為單位）
十多分鐘後，紅霞已經消失得無影無蹤，亦代表今次嘅大浪西灣之旅都要進入尾聲啦。
希望下次可以再同你地一齊週圍去影相啦！！！
有興趣嘅可以望下我個Page: https://www.facebook.com/shinodaphoto
