Sony A7C II

評測報告

實拍照片

- Full Frame 可換鏡相機來講個人覺得唔大部，可以適合放係啲細袋再拎多一枝鏡都唔覺笨重
- 有AI 對焦，快又準
- 用FZ100電池，純影相用一日都冇咩問題 (唔係長期開著部機既話)
- 有Touch mon，方便操作
- 用新Menu, 覺得更好用，雖然我對 RX100V 個menu都用熟左唔覺有咩大問題
- EVF 有0.7倍 睇到再多少少野 (相比RX100V 0.59x)
- 759 phase AF ，不過應該係標準來？(相比RX100V 425點)

- 如果有Electronic Variable ND Filter 就更好，個人感覺呢個會經常用，以前部機有內置ND filter，所以覺得幾實用
- 只支援單卡加上唔support CFexpress type A card，不過呢個系列應該唔係俾你用來搵食用

本人對上一部就係用SONY RX100V，之前都係呢度分享過用嗰部機既心得，有興趣可以搵返嚟睇，講返今次點解會換呢部相機先。
自從用咗一吋感光元件嘅rx100系列相機之後，我就成日拎出去影相，貪佢細細部同埋影相質素都唔錯，影咗啲相擺上ig同埋share俾朋友睇，有好多朋友都問有冇興趣再upgrade部相機，一來我係唔鍾意a7 a9嗰個有軍艦頂嘅相機，同埋覺得要換部可換鏡頭嘅相機始終比我rx100系列相機大好多，經過咗成七年先衝破到呢個心理關口。SONY 出呢個A7C系列，真係好啱我呢啲唔鍾意有軍艦頂，但同時又想有full frame可換鏡要求。
其實呢七年裏面都有少少衝動想換Sony APSC無反又或者買RX1R 系列，但係基於規格或者推出年份嘅原因就放棄左。
而家呢部機個人覺得好滿意，除咗體積仲係需要時間適應之外，其他部分暫時未搵到好大嘅缺點。

今年仲拎咗呢部相機去日本旅行影相，影相質素好唔錯，同埋感受到就算拎咗部a7c咁嘅體積嘅相機，都仲係覺得可以接受到，唔會令到個旅程辛苦左。

A7C 就係 A7III 既mini 版，A7C II 就係A7IV 既mini版再加上A7RV既AI 對焦，sony呢種策略真係贏得好多人歡心，希望呢個系列可以長做長有，等我呢啲唔鍾意咁大部機嘅人都可以享受到旗艦級嘅功能，話唔定a7c第四代會有A9III 既global shutter？

本身用緊A74，近年幫家中小朋友拍片比較多，因A74未有AI追焦，分別頗大，所以想再購置多一款相機。比較過各款有此功能的型號，包括A7R5、ZV-E1、A7CR、A7C2，覺得R系畫質較差(Noise較多)、s-log dual ISO亦較低，ZV-E1像素又太低，影相覺得不夠用。有考慮過等A7S4 (希望像素會有提升)，最後還是不等了，先買A7C2，A7S4真的好用就再換機。

關於A7C2，有幾點個人睇法分享:

1. 很多人說viewfinder細。的確，比起其他全片幅機款，A7C2的viewfinder是較細，但其實跟APSC的機種一樣大。C系本身的定位就是一部最細的全片幅入門機(即非專業款式)，以一個APSC的Form factor做到全片幅功能，所以viewfinder跟APSC機一樣大很合理。很多人喜歡放大這點，如果是這樣那APSC機就不能用了，是嗎?

2. 單咭: 同一道理，這部機定位從來就不是專業款式，冇人叫你用佢去開工搵食，照咁講其他單咭機全部唔使賣，可以拎去填海了，對嗎?

3. 由於同時用緊A74，最唔慣係A7C2個快門掣，半按時要比A7系其他機身更用力一點才hold得住，若半按追焦的話很容易會鬆掉了手指而追不到，但可用AF-On按鈕去解決這問題。

4. A74及A7C2的共同問題，就是拍4K60p影片時1.5x crop factor實在是太多了，使用積極防震的話更要crop多1.1x。有人說電影也是Super 35mm，不一定要追求全片幅視角和景深，其實是錯了重點。Crop factor最大問題是影響方便性，導致hybrid shooter要經常換鏡。現實生活中拍影片和拍照片之間來去轉換的情況常有發生，假設我常用的焦距是24mm(不論影片或照片)，那我因為要拍4K60p而需要另外帶一枝能覆蓋15mm左右的鏡頭，並且每次在拍片和拍照之間轉換模式時也需要更換鏡頭，若只拍30p的話那我買60p的機來幹甚麼? 這真的是十分麻煩的事情，A7系明明是hybrid機款，為何要這樣麻煩?

總括來說，A7C2的體驗還是很不錯的，平日出外我通常帶Sony 15mm/f1.4 (拍片)加35mm/f1.8 (拍照)，輕便程度還是十分好。A7一代當初的出現就是標榜著輕巧的全片幅機，後來因為加進其他功能令機身越來越大和重，C系的出現就是為了找回初心。很多YouTuber評論時會用專業機款的準則去批評第一和第二點，忘記了這是一款記錄生活、以APSC Form factor為參考的機種。上世代全片幅機種通常是為專業人仕而設，但現在已經不同，需與時並進。

1.細部 好似APSC機體積
2.對焦快狠準
3.可以調校自己鍾意嘅顏色
4.電量夠（只係影相，唔拍片）

EVF色彩唔靚

本人第一次用Sony機，之前單反年代都玩過N C同F,因為想影小朋友先買返相機，其實有諗過Nxxxx ZF,不過佢遲遲唔出復古嘅zoom鏡，只係得40mm 2F一枝復古鏡，好似冇咩誠意咁，調返轉頭Sony就係咁出24-50 2.8同16-25 2.8⋯⋯所以我選擇咗Sony,仲有依部機比ZF好揸手好多，唔知點解我揸ZF會跣手😅
Sony機有得調校色彩風格個人覺得ST模式就似Cxxxxx, FT模式就似Nxxxxx, IN模色就似fxxxxxx, 我個人就鍾意ST模式
對焦其實以而家嘅科技，好多牌子都做到快狠準，尤其要影一個會走來走去嘅小朋友更加清楚，仲記得十幾年前用Cxxxxx 6D 得十幾點對焦，依家好多都過兩百個對焦點，6D帶去旅行真係好重……依部A7CII就好好多！
我係Sony機新手 多多指教😅

個價錢對得住部機, 對焦好快

可能合本人，暫時冇乜缺點

用咗一排，真心覺得正,如果要輕巧機動性加質素非佢莫屬, 4K拍片幾種選擇真係好滿足,之前係用Nikon D4s全套出街真係冇乜心機影，本人又唔係專業所以停咗幾年冇玩相機，見廣告Sony出全片幅咁細部即時心動，即刻去買，再加入一支50 mm 1.4 GM 真係超級輕便，而家長插，再加上一支24-70 GM II perfect,再配35mm 2.8 Zeiss 畫質真係一流，真係希望各位一家大細enjoy呢部全片機😍😍😍，加上原廠個超級輕嘅手柄冇得彈，以上個人意見!thx

咩AI 比A74好，Full Frame有幾好，AF class leading，自己睇review啦
反而要補充，顏色進步左好多。
IBIS更可用

要額外買GPX2，唔買，真係細左少少。
同埋，唔平囉

心水清計一計，Pana G100 + 12-35，Fuji XS20 + 18-55
重量跟A7C II + 20-70 相差幾多? 仲要一枝鏡有20mm，無compromise 少過70mm，有反mon，啱晒影生活照既普通用家。
Full Frame，AF/AI/拍片等等都較優。

假如A7CII唔夠OM1既AF或唔夠Fuji靚色，比多個option你，可以得到up to date既高像素A7CR。

當你玩耐d，有其他需要，有最輕既70-200 2.8 GM II、Batis、200-600…
其實，真係要佩服Sony有這個眼光。