Samsung EX2F

評測報告

品質可與P7700及入門無反比 (只限ISO80-100時)
同級入面最輕既Prosumer機
色水有RX100既蔡司味
二手扺玩
全角度旋轉LCD Mon
WIFI過相好方便

手感麻麻
無得自訂Fn鍵，錄影制及轉盤用途
多數時間不能單手操控
雜訊ISO80-100 not bad, ISO200堪用，ISO400後難接受
鏡頭靚，但潛力被雜訊阻隔了

講起相機，好少人會諗起三叔，因為呢間公司一直以來都以出產一些功能多多又唔等洗的電器聞名。但最近幾年，Samsung在相機業務上但沒有步Casio的後塵，還開始積極開發高端相機路線，這是值得讓相機發燒的我嘉許。

本次，三叔與沒落德國鏡頭生產商Schneider合作推出這部EX2F可謂非常成功。EX2F的F1.4大光圈，高質德國鏡頭及wifi在配置可擺上大雅之堂，獲不少Prosumer用家稱讚，亦第一部讓我對Samsung改觀的相機

在低ISO時，本機影像表現EX2F唔畀兩間大廠嘅prosumer機差，但那讓人陌生的手感，功能鍵及轉盤，卻讓單反及無反相機的用家卻老手感到無奈 。 一部不能自訂功能的prosumer相機的確會破壞業餘用家攝影經歷。

EX2F的雜訊抑制能力相比同期機種顯得落後 。儘管EX2F的影像在ISO100及ISO 80時銳利，但一到ISO200時，雜訊已經開始出現許多 。到咗iso400之後更係難以入眼。 所以更不要講iso800或打後了，比現時手機影出黎的仲要恐怖。

EX2F係同期prosumer相機中最輕便的機種。它是一部日光機，在戶外拍攝品質讓人滿意。同時配有中灰濾鏡的它，在必要時可用於以增加高對比環境下還原相片色彩。

德國schneider鏡頭是本相機的品質保證。如果想令到相片成像更銳利用家不妨將光圈下調至f 2.5或以上相片品質更能KO同期大牌子prosumer相機。呢支鏡影出黎既相亦有少少SONY RX100既蔡司鏡味，用過RX100既人會好鐘意佢既色水，唯相片細節追唔上，比較可惜。

最後，WIFI過相的確好方便。只要傳輸量不多，過相時間還能接受。

總括來說，EX2F的表現整體上是令我驚喜的，在環境光充足的情況下使用係可以影到令人滿意的相片。它是一部讓用家對品牌改觀的攝影利器，但除非您特別追求輕便和WIFI傳輸，要不市場上亦不缺更好的選項。

1)較容易電量不足,需備份電池或隨時能進行充電
2)自動鏡頭蓋葉片易受損,需小心保護
3)相機皮套不適合和原廠背帶及自動鏡頭蓋同時使用

整體來說還算不錯,外觀頗具質感,背在身上,還不到單眼相機的專業程度,卻有超越數位相機的質感,新款相機不斷更新功能,畫素也都比EX2F來的高,但是就外觀而言,我認為EX的獨特性及吸睛度依舊仍無法取代

1) 設計型仔, 尤其白色型號
2) 唔重
3) 花巧 function 都幾多
4) 雙重防震

1) iso 真係好唔掂, 今日專登係戶外影 iso80, 放大都見到輕微雜訊.
2) 相片質素, 只能說同我部 note 2 影出黎好似冇咩分別.
3) 一定要取開鏡頭蓋開機先可睇相.
4) 全auto 還可以, 用手動影set光圈快門等唔太 user friendly
5) 雖說 OLED Mon, 但我幾年前買既 S90 個 mon 都靚過佢.

初時諗住買一部專影室內唔駛用閃光燈既相機, 心想先決條梗係要大光圈, 於是就選左呢部, 雖說呢部話有 1.4F, 但一到室內影差唔多要去到 iso 400 以上先保證快門有 1/30 以上. 但呢部嘢 iso400 以上影出黎室內相既我衰D講真係好垃圾, 單係 3吋芒睇已覺冇咩層次, 放大更係噪訊大集會, 奉勸各位試清楚先好買呢部機, 千其唔好單睇光圈決定, 就算samsung 機遲D可 1F 光圈, 但iso雜訊多到屎咁根本冇用.

1.4/24
smart phone 做快門繩
機身有質感
有高速連拍
多特效

閃燈support麻麻
找不到後簾同步
長焦稍嫌畧短
無賓士蓋送

百xx買，$3750，两舊原裝电，原裝皮套，S~DISK ultra 16GB SD，小脚架，PCCW 180日 WIFI。
最喜歡1.4/24及用電話做快門繩。高速連拍影跆拳道比賽很好用。全景拍攝很好用但要很慢的pan。外置咪很難找，只有單張模式才可用RAW，機身小巧紮實，光圈大可經常用到ISO80，我用IPHONE4透過Mobilelink睇相，畫質很粗糙。
若最長端有2.7/105就very good。

好好用。。ｗｉｆｉ VERY GOOD 送果個原裝皮套勁靚!
依家隨身佩帶..！　

搵唔到原裝坐差!...有無師兄知邊到有得買?? samsung 都話無...haha

睇左好耐d人講哩部機點點點,發覺唔好既多過好既, 但我一樣決家放晒手頭上d機 (包括只買左四個月既canon　600d 出去, 都要去買部全新既, 點解? 因為..我鍾意哩部相機囉! 就係咁簡單... 買野,,,唔係應該買自己鍾意既咩?...奇怪！　不過。。各人唔同既，　如果你買左樣野返黎。。個個人見到都話，＂喂，，識貨ｗｏ，　買哩部＂　＂嘩。我都想買呀哩個，　好正ｗ。。我睇左網上講家＂　。。。等等。。聽到既，　更係飛起啦。。＠ｈｅｈｅ。。不過。。我就係個種＂我鍾意未得囉。。！＂我用。。。又唔係你用。又唔係你比錢。！你理我姐！

承繼EX1出色既表現
比上一代無論ISO表現功能方面都有進步

ISO鍵...敗筆, 一部機王就咁俾個WIFI制糟蹋左...= =

一直期待EX2F既出現, 滿心歡喜準備入手之際
望望下REVIEW竟然發現...
個ISO制俾個WIFI制代替左~!?
無左個測光都算啦, 一般SET好左都好少轉
但竟然用個唔常用甚至未必用到既WIFI制代替ISO制
究竟DESIGN個個明唔明對影相既人呢個快捷有幾重要?
就係因為呢個原因, 我放棄入手

唔知有幾多同樣期待EX2既出現既人明白我對呢個設計有幾失望
如果Samsung 肯改番個WIFI制做ISO制or俾用家自己SET D制
即買!