[小小生]

我用NEX+褔仔40/1.4影人像可以對得好快冇難度
用龍仔90影微仲容易,唔洗放大唔洗用峰值都對得好快
不過我有老花,用唔到LCD,我係一定要用EVF

[小小生]

影微距就算用AF鏡我都習慣手動對焦
對我來講影微距MF係對得快過AF的,只要知道方法和習慣左真係好容易

[jackykclau]

對！AF方便，MF可靠，我兩樣都有用，時間容許的話都會用MF，練熟手指的反應！

[jackykclau]

話時話，40年前影相那有AF？連電子對焦輔助都没有，靠人眼測距手動對焦！

[hlcmarco]

搵食拍攝就不要怕重,拎部 D3連一支35-70MM鏡頭簡直係輕可到不得了,
但 D3沒有外閃,結婚相在酒樓光源色溫複雜和太多是背光相,沒有外閃去修正色和補光,
拍攝過後,返到屋企執相都執到嘔.
沒有外閃修正光差,點測光就有主體冇背境,權衡式測光就黑過黑面神.

還有,現在除了外閃加後備外閃之外,還要帶外置電池盒,保證電力源源不斷,大合照還要用上腳架和快門線.
測距不可能用眼去估,手提紅外線測距器也是必需的,
否則,相機上的 CMOS的準確位置標誌,每台單反也必定刻上,是有絕對的原因.
手提電腦也不能少,最少也是 Ultrabook級數,另要接上外置藍光燒錄機,相片數據JPG加RAW龐大和數量太多,
DVD+R碟根本就捉襟見肘,BD-R碟才可以應付如儀.USB手指雖然容量大,但總不是每次也送一只64GB USB手指給客人的.

四十年拍攝經驗又如何,學無前後,達者為先.
不要經常說有錢就不是問題,可以花得起,未必就是懂得花.
況且,財富在天,拾取由人,香港遍地賺錢機會,想要錢,就用自己的本能去賺.
早前已說過,臨江慕魚,倒不如退而結網;不要做吃不到的葡萄是酸的.

我兒用菲林拍攝也有一手,我反而還不及他:


我昔日出港旅遊的裝備,可應付任何拍攝環境,連在暴雨的情況下也照拍如儀:


而要應付一些替客人拍攝喜宴的裝備就如此:




沒有孭唔孭得,只有肯唔肯孭.鏡到用時方恨少,買回來就要用,絕不長放防潮箱內供奉.
單是一台三星手機 Note,在轉換 Note II之前,已經拍攝了七千六百多張相片了.
所以,我從來都不會在易手區賣我的相機,因為我害怕客人見到我的 SC 拍攝數量,他可能真的會接受不了.

[nelsoncph]

師父超勁呀!!!!!!要俾100個勁你呀!!!!!!

[hon279973ww]

搞到咁復雜，影相對我來講係享受生活，悠下悠下幾過癮，靠佢搵食米搞，容乜易連喱樣興趣都冇左，平時公司繁忙睇帶住班伙記夠煩，人生幾多個十年，平時影相訓醒覺一刻想影蟲帶maco鏡，想影雀帶支長鏡，想影景帶支wide鏡，帶咁多把鬼，心晴好用一體大機，再唔係中FX機，再唔係細的DX機，再唔係細細的入門DX機，悠閒影相又唔使點叻既，玩左幾多年影相都好啦，最緊要開心矛厭力@、@、@。

[hlcmarco]

我的職業不是拍攝,我是做機電工程兼通宵班貨櫃車司機,我平時都係用部手機Note影下相.
我單是用部Note手機,都已經拍了七千六百多張照片了,一半是工作上的需要,我也是一個很喜歡拍攝的人吧.
我都好享受生活,去外遊就重裝一點吧,十人生九品,一樣米也養百樣人,同枱食飯,各自修行.
但有老細開到聲,我就會收錢,數還數,路還路.做就不要怨,怨就不要做.

[kingkonghk]

像素都吹到咁遠？

[hon279973ww]

是但啦口水又唔錢！

[jackykclau]

香港生活緊張，為左搵食就幾辛苦幾粗勞都沒法子，對我來說，攝影是一件輕鬆悠閒，陶冶性情的工餘樂趣，我影相志在捕捉一點感覺、一個畫面、一個身邊環境的記錄、或者一個故事，重來唔追求畫質，唔需要去跟人家鬥靚，更唔需要去向人家交差，因為我唔需要用這個興趣來搵食，亦唔想因為收錢而將我這個興趣變質。

相機只是我一件工具，能捕捉到我想要的畫面就可以，何必搞得咁複雜，簡單是美。

除了經常自己一個人出去隨拍，也經常被要求幫朋友拍外影，從來不涉金錢，難得有人自願充當Model，我亦樂得有個拍攝對像，一家便宜兩家着，所以也毫不介意花時間去影相、花時間回家執相、花車錢、重要免費貼埋 DVD，呵呵！

補充：上次用老友部D3幫佢影婚禮過程，事後老友"質"了封大利是過來，推不了，知道卻之不恭，多謝晒！

[hlcmarco]

語言藝術我也倒有一手,但我在網上平台較喜歡實話實說,不作花樣.

做人是有壓力才有進步,唔追求畫質和唔需要去跟人家鬥靚就總算可以行得通,因為同枱食飯,各自修行.
但什麼唔需要去向人家交差就好像有點.....

用老友部D3幫佢影婚禮的過程是否需要去向人家交差哦?
不用嘛?大合照用盡大光圈玩下前清後矇吧,新人合照玩下變焦拉爆吧,看看有什麼後果?

跟著就跟主人家說:『我影相志在捕捉一點感覺、一個畫面、一個身邊環境的記錄、
或者一個故事,重來唔追求畫質,唔需要去跟人家鬥靚,更唔需要去向你交差,
能捕捉到我想要的畫面就可以,何必搞得咁複雜,簡單是美....』

你經常被要求幫朋友拍外影而毫不介意花時間去影相、花時間回家執相、花車錢、重要免費貼埋DVD,
就因為你難得有這樣的機會,但你這難得的機會如果多的是,看來別人出雞,你出豉油都吃窮你.

對應你的補充,我對喜宴婚禮如此大事,我事前一定會跟主人家說清楚,千萬不要一廂情願的質封所謂大利是過來,
我收得人錢財,替得人消災,喜宴婚禮冇TAKE TWO,一定要對主人家有所交待,等價交換,一個願打,一個願挨.

不要到時收到封所謂大利是,是主人家認為大,而遠遠偏離自己心中的價位所差甚遠的時候在怨.
連攝材也要主人家提供,封所謂大利是,又會大得幾多?你覺得大,唔係等於真係大呀.

還有,自己用開的機種,自己知道需要怎樣去調校,稍有偏差也可以立即修正,
就正如我兒上次替我出差拍攝收費的飲宴場合,他也沒把握可以在一時三刻把1DX用得熟,
就是因為要向主人家有所交待,免得煮齋煮成狗肉,到時就孭了黑鑊,
所以他也寧願拿他熟悉的D3s,也不敢用我剛買的1DX,就是因為他懂得責任的重要性哦.

[朱熹]

16 對 24,誰的好？

[sheepsheep1012]

c兄，想請教一下，我也是用D3s，spot测光，除了大背光，或主体在反差大的環境之下会用之外，其實在什麼情况下会用呢？
但我平時刀好少用，多數刀糸用center weight 测光，就算大背光刀最光朋經驗去加曝光補赏！

[jackykclau]

我都係用 Center weight 多！點測光主要都係大反差時用！