[08603407T]

小弟有支 70200 2.8 一代已過保，一向正常使用同保存，近日因防潮箱壞左不幸引致支鏡前玉對落少少開始輕微發霉，已經及早發現，去 SONY 原廠 （觀塘 TSO) 抹鏡，原廠維修回覆聲稱鏡頭發霉位置佢地處理唔到，只可直接換鏡組 （報價 $8XXX)，請問有無師兄師姐知道佢所講處理唔到係真係假 ？

SONY 自己有份抹鏡價單，按鏡既型號唔同價錢，只簡單提及不保證抹得乾淨
用常理去唸，原廠維修既相關經驗技術同工具器材最齊全，一定有能力打得散整支鏡去處理入面所有既鏡片，你可以抹得哂支鏡入面所有咁多塊鏡片，而最後真係有啲鏡片因 COATING 不幸花左，咁就真係無辦法，唯有換鏡片先再報價，咁先係合理，明白的

按佢回覆，如果拆都成問題，應該只抹到部分鏡片，抹唔哂全部，咁點叫抹鏡？

大家知唔知 70200 2.8 係咪真係整支鏡拆唔到好多鏡片拆唔到？定只係佢地跟本唔想花時間拆？ 跟本係暗示客人直接買過支新

就算佢提出 $8XXX 直接換一支新既俾我，我都唔會換受，因為我初心好簡單，想用維修處理好，而佢既回覆令我感到佢唔係用心協助客人


大家有咩建議？

[九龍人]

鏡頭規格有寫幾多鏡片,幾多組,一組嗰啲預咗唔會單獨郁係黐死的.另外抺鏡亦唔代表可以徹底還完鏡片,霉菌雖可抺走,但有機會鍍膜已蝕走,小心使用才是上策.