優點:
電力 係比G5好好多
流暢度我覺得係比G5好( 一口氣同時download兩齣戲, 玩埋白痴game 至有少少唔順和機身至有少少 暖)
唔知是否 android 7.0至得, 某啲apps可暫存影片落sd卡,正! 128gb sd卡唔走得囉!
雙sim卡都可以用4G( 但不能一齊,用要獨立用4G)
整體硬件大家都了解㗎啦
缺點:
感覺上鏡頭玻璃容易花
個耳機的耳塞唔夠大, 好容易鬆出來 ,大耳窿可能要買嗰個 耳塞, 算啦買過個記憶 耳塞 都唔係太貴啫!
個開底蓋制, 個個以為都係快門鍵
用左兩星期都唔覺佢有大嘅缺點
評價:
有D人話樣衰! 就見仁見智啦,個個都用電話套㗎啦!樣衰!鬼見到咩! 我又唔覺得佢好樣衰, 設計嘅嘢我識條毛咩, 我買電話最緊要好唔好用同啱唔啱自己用!
電力! 我平均每日兩小時聽歌, 一小時上網,用G5時回到家有大約有40%電,V20仲有60%電!4 DAc 晶片 用電量不高!
貴! 有啲人話貴, 我就唔覺得喇,佢 雖然冇6gb ram, 但淨係聽歌都值回票價啦,佢仲有三個鏡頭,我用G5換, 補多三千蚊左右,如我買B&o模組 加埋個耳機都要千幾蚊啦(我本身想買),仲一部過唔洗煩, 有啲人話等佢平啲買, 平多一千幾百, 一千幾百食過世咩, 我情願早買早享受啦( 當然梗係要經濟能力許可啦)聽歌都係享受嚟嘛。
我又用V10做例子, v10行貸新出時大概五千幾蚊, 而家出咗一年,行貨大概三千五蚊左右, 平均部機每個月跌價不足200蚊! 跌價不算嚴重!
仲有 如果你係trade in手機的話, 你等到V20平幾百, 可能你部trade-in的電話又係平幾百㗎咋條數一樣的。但睇依兩三個月 甚至過農曆新年後, 至會有大幅減價,因 都冇乜機同佢打得過!
老實講 現時啲電話功能不外乎 通訊 ,影相, 打機, 聽歌和上綱, 有啲電話出一萬個功能, 但你同我都唔會用嘅功能, 呢部手機主打係音效功能, 其他功能都好平均! 起碼我都每日都用來聽歌!
我剛用了2星期, 感覺上真係唔錯!
呢部機整體冇乜嘢問題, 而家啲機冇乜問題已經好好㗎喇
個B&o耳機係晤差的(但點睇個樣,做工都係四五百貨仔款),低音唔重(我唔鐘意低音太重), 樂器聲好分明, 人聲都算出,,就好過 小米圈鐵耳機,但比我隻RHA ma750差小小,D人聲唔夠 實,玩耳機嘅人自行判斷!( 耳機嘅嘢人人要求唔同,但 一般人個B&o耳機係夠用的,但要求高 都係玩嗰隻啦)
仲有ㄧ提,RHA MA750i係ㄧ隻 性價比極高的耳機(有D人話好過某牌子215,但我未用過)我係用i版 iphone用, 我用呢隻耳機用落V20度 只係大細聲制用唔到,其他聽電話掣和咪正常, 但D聲簡直脫胎換骨, 真係畀我之前用iphone 6s plus啲聲好好多(但我從來唔覺得iphone好聲, 啲人相同樂器聲都係同一方向直出直入, 毫無層次感) l如想買新耳機的話,最好試下手頭上有的耳機先至決定!
(我係用張學友嘅雪狼湖試聲, 可能我啲耳機問題, 樂器同樂器之間距離唔夠開)
我諗依部v20放個二千蚊樓下嘅耳機都唔過份!( 但我想買個shure se535試下, 但好貴唔捨得買又怕V20唔夠推力,因 我用小米耳機同750 時,調教到個音量到八,九十個%以上, 又唔想加耳擴費是多隻香爐多隻鬼, 思考中~~~~~~) 因我唔係太熟音響嘅嘢!
己用差不多ㄧ個月
小弟已試幾隻耳機畀大家參考
首選 RHA T20($1800)低音好,清, 人聲貼耳, 以價錢計佢最抵玩。
二選JVC fw-03/02($1700~2200) 近似原裝b&o耳機風格,但 再好啲 ,又帶得舒服。
小米圈鐵耳機Pro($199) 算吧啦! 人聲刺耳, 冇層次。
shure se535($3000)係好但又係低音弱,除可换線, 唔覺有突出之處! 原來呢隻耳機好易推, 但對比T20的價錢,佢3000蚊唔值!
Sony/akg 試過好幾隻耳機,但好似唔啱我玩!