優點:
用左2個月Nova Plus,之前用完LG G Pro2, 三星Note4, 純講介面,華為簡單直接,未試過Hang 機,無自動re boot的問題,十分穩定,唔會自動熄機和Hang 機已經值回票價。
1)機身金屬壳,幾有質感。
2)快速充電功能,唔洗兩個鐘已可充滿。
3)電量好強,基本上足夠用一天有多。
4)指紋開機好快。
5)有兩組真IMEI,裝兩個Whatapps, facebook完全無問題。
6)鏡頭影相幾靚,原本考慮過買C6 / C9,係衛訊比較過,都係Nova D相靚D, 快D。
7)功能貼心,好易用,內置省電,清理,防毒的系統好好用,唔需要再裝其它系統軟件。
8)Mon 夠大,顏色都唔錯。
9)內置喇叭音質唔錯,聽歌都幾好。
缺點:
1) 內置左幾個hot item apps(instagram,CNN,trip advisor......)要自行刪除。
2)機身重左少少,不過我個人ok。
3)原本指紋開機係機背係好設計,但最煩係放係枱面睇緊嘢時,熄左畫面要攞返起部機先可解鎖,但廢左指紋功能又好可惜,真雞肋。
4)因為充電機係5V, 若果用非華為充電機,只能用普通時間充滿電,變相要充電快,必須買原裝充電線及火牛,幸好電量夠用一天,才可避免買多一套充電機。
5) 內置電池無得換電。
6)配件較少選擇,想買機套,Mon 貼選擇少,唯有上淘寶才多選擇。
評價:
華為由榮耀開始,手機已出得好好,Nova系統相當穩定,暫時未聽到有朋友話壞機,唔好睇少華為品牌的國產機,基本上華為技術提升左好多,質素其實足夠係一線機行列,只係港人唔太熟悉呢個品牌,可能大家覺得花2千幾買大陸機唔值,但當你用上後,你會慢慢發覺部機優點相當多,比起大牌子穩定,性價比高。2千8元行貨4G Ram 64G Rom, 比起同級機,真係對手唔多。