優點:
- 比Mate 9薄好多,冇左Mate 9的鏡頭火山口
- 指紋感應擺返前面實在功德無量,尤其用揭套的話方便好多,指紋感應器亦融合功能鍵,終於可以用盡螢幕
- 我個部電池算耐用,暫未見大幅嘔電的情況,連續開5-6小時mon都仍有超過一半電(可能我暫時少打機)
- 重開app的速度比Mate 9快,load 大相機影的相亦較穩定,Mate 9 load舊相要等,6GB RAM亦常有一半閒置
- 原廠揭套設計甚有誠意,布料非常有質感亦不覺老土,靚過一般淘寶殼九條街
- 影相係成部機的精髓,下面再講
缺點:
- 充電同使用時較P9 Mate 9熱,可能因做薄了,連續開好耐會覺得變慢
- 充電慢,第二日使用時我用原裝牛充,由90% - 100%用了過幾鐘頭,Mate 9快好多
- 機身喇叭縮水,通話時同睇片都聽得較以前辛苦
評價:
由P9+到Mate 9到P10+,每代都有不同的進步,P9+外型靚,但相機冇防震拍片差,Mate 9機身顏色有突破,速度有提升螢幕較佳,P10+可以講係將兩位大佬的精髓再昇華。
P10+ 轉用新鏡頭,以其他大廠的功力而言,新Leica Summilux鏡頭理應會形成兩座富士山,或者整到部機好似CM1咁厚,但P10+係唔厚過P9 Mate 9的情況下,無出現火山口,證明Leica唔係冇比過技術,亦證明Leica光學結構不可多得。
舊鏡頭白平衡同偏綠的問題,係新鏡頭都一一解決,影出黎的相一新感覺,亦係第一次係手機相睇到成像的立體感,雖然直出jpg係有機身銳化,但我用RAW睇,有noise但冇明顯影響細節,立體感同清晰度絕不亞於經處理的jpg,白平衡甚準,係餐廳影食物同室內巴總影巴士,都唔覺色溫錯。暗位的處理亦比舊鏡頭好上好多,達到真正相機的質素。
現甚希望再有更新改善充電慢同音量問題,始終電話都係用黎通話多於影相吧。