早兩星期同太太去大埔滘自然保護區行山(郊遊），順便帶埋手上最長嗰支鏡(菲林年代的AF300/4 ED)學吓影雀，行行企企咗個幾兩個鐘，雀毛都見唔到(有好多鳥聲），途中遇到啲師兄師姐，個個都攞住超級巨砲(目測起碼係600/800大瞳），真係羨慕，又見到一班師兄師姐個個聚精會神，砲口向住同一方，我離遠望吓又見唔到啲乜，又怕行得太近我架相機（D850)啲巨響會嚇走啲雀，所以都係疊埋心水食白果，點知行到返停車場，有幾隻白頭翁在路邊的婑樹跳來跳去，呢位老友重擺埋甫士俾我影幾張才飛走。不枉此行。