話說上回提到今年初買了一部寶麗來Onestep 2,
咁,
到底係乜原因驅使我走去再買多部正方形即影即有相機呢?
的確,
果陣部舊機壞左閃燈送左去整,
喺等拎返部舊機嘅過程冇機用又咁啱經過相機店又咁啱見到出左部新機就買了。。。
真的這麼兒戲???
上面說的的確是事實。。。
不過,其實仲有一啲理由驅使我買SQ6。
喺過往用OneStep2時,(2017年款)(2018年款加長左觀景器構圖更精準)
因為佢個觀景器,機身後面部分同埋我地隻眼之間有一段幾難捉摸嘅距離,
又加上觀景器"又大又明亮",裡面又冇一啲標示正中構圖嘅格線或者符號,
所以有時一心急冇為意,出嚟嘅構圖通常會走晒樣,
簡單說就是OneStep2構圖較難捉摸
另外,喺影左6盒彩色ITYPE菲林嘅過程,
開始意識兩件事,
一,雖然寶麗來有佢獨特嘅發色,同味道。但就係$148蚊先可以玩到8張,
實在似乎不可以常常拍,拎住寶麗來影相有時實在會有感到"有力但不能發"的感覺~
實在不爽
二,就是Onestep2的準光器並不是下下都精準,
當遇上較復雜嘅拍攝條件時,出來的相片較易會失真,過暗情況出現較多
(雖然如此,但我還是很喜歡我的Onestep2,只要拍攝前多花一點心思便能出到好相)
咁,到底系咩原因驅使我入手SQ6呢???
咁樣講la,
5月中入手至今,影左3盒instax square相紙,
相對上,我感覺上SQ6系比較容易影到相對曝光精準同明亮嘅相,
觀景器是一貫instax系列的小窗,視野比較容易收窄,機背同眼之間沒有阻擋,小窗中間有一圓圏標示中心點,
即使影近物時仍然雖要自行把構圖調整,但以上種種都令構圖較易掌握。
(tips: 影較近物時,如要把被攝體放置在畫面中央,構圖時應把被攝體構在SQ6觀景器的偏在下方方向)
相紙比較經濟,在熱賣的地方大概$70蚊內有一盒,相比起$148先得8張玩,"有力但不能發"的感覺好像消失了~
而instax相紙的發色亦比較符合大眾口味(事關真的不是人人都會喜歡寶麗來相紙那種發色),
拍攝時不會好像寶麗來相紙會受操作溫度影響成像和發色,顯影也較快,
感覺就是很方便可以較有保證影到預期嘅效果!!!