大帽山聽就聽得多，喺小學常識書認識香港嘅章節裏面，經常都灌輸大帽山去香港最高嘅山;
而每逢去到最凍嘅日子，新聞都會提到大帽山山頂凍到結霜;
聽埋聽埋，大帽山俾人嘅感覺好似好難行咁樣。
↑ Nikon FM2+ 50mm F1.4 AIS+ Fujicolor C200+戶外晴天
今次嘅裝備係兩台Nikon FM2~
但係實際上，如果唔行麥理浩徑果一段，全程沿馬路行上去，基本上大帽山可能係最容易行嘅山。
盡管如此，去嘅時候依然係抱住最平常嘅心態，唔預期見到啲咩咁行上去。
點知，越行越精彩！
↑ Nikon FM2+ 50mm F1.4 AIS+ Fujicolor C200+戶外晴天
出發首先喺荃灣站天橋行上樓上搭51號巴士，喺郊野公園站落車，
沿着樓梯行上去麥理浩徑第8段，沿途都係一啲樹木嘅景色。
↑ Nikon FM2+ 50mm F1.4 AIS+ Fujicolor C200+戶外晴天
最特別嘅就係行到最尾準備匯合大帽山道嘅位置，有一個叫做禾塘崗嘅位置，
嗰度除咗有一啲好大嘅石頭之外，另外就係喺嗰度望向大帽山道會有好似外國公路感嘅畫面。
↑ Nikon FM2+ 50mm F1.4 AIS+ Fujicolor C200+戶外晴天
呢個都算係行左半個鐘多啲嘅山路之後嘅小收穫！
走入左大帽山道，靚景開始多籮籮 ！
經過大帽山保安閘口之後，第一個感覺就係，無論望向雷達站定係望向青馬大橋方向，
每個方向嘅景色都係廣闊而寧靜，眼球嘅視線可以放到好遠好遠。
感覺同平日行山見到嘅景色有啲唔同，或許係同極遠處嘅城市景觀形成對比，
又或許係建設喺山景上嘅公路形成嘅一種抽離感，每一個打入眼簾嘅畫面都好似一幅幅畫咁樣。
↑ Nikon FM2+ 50mm F1.4 AIS+ Fujicolor C200+戶外晴天
藉住能見度越遠越低呢個現象，從視平角度望向遠處，唔同距離嘅山巒交錯重畳 ，眼前嘅畫面顯得層次分明。
既分明又柔和咁一層一層展現喺眼前，憑着遠景嘅朦朧，更加突顯到近景觀嘅輪廓，充分表現真假虛實之美。
山上公路嘅線條劃分出畫面嘅層次，單一色調嘅公路成為山嶺樹木嘅留白嘅空間，
人嘅身影同汽車嘅經過甚至乎喺大帽山生活嘅牛牛嘅出現，都成為左留白空間上面嘅刺點。
↑ Nikon FM2+ 50mm F1.4 AIS+ Fujicolor C200+戶外晴天
當然唔少得外型充滿科幻感嘅雷達站
↑ Nikon FM2+ 50mm F1.4 AIS+ Fujicolor C200+戶外晴天
↑ Nikon FM2+ 50mm F1.4 AIS+ Fujicolor C200+戶外晴天
仲有近日最「紅」嘅地方
↑ Nikon FM2+ 50mm F1.4 AIS+ Fujicolor C200+戶外晴天
喺路上我哋聽到有個叔叔好開心同準備行上去嘅遊人講山頂上面結冰，開頭都唔係太信，
因為果日氣溫都幾暖，點知上到去山頂，真係如佢所言見到冰柱，
↑ Nikon FM2+ 50mm F1.4 AIS+ Fujicolor C200+戶外晴天
雖然唔係大範圍，只不過係寧寧舍舍有一個草叢上面嘅植物變成冰草，
可能打開屋企個雪櫃仲多冰睇，但係無可否認令到行程添上新意，
一下子將大帽山之旅變到好似去咗瑞士雪山咁樣~
後來隔咗幾日睇新聞先知冰從何來，原來係爆水管所致，加上山頂嘅低溫造就左眼前嘅景象。
↑ Nikon FM2+ 50mm F1.4 AIS+ Fujicolor C200+戶外晴天
↑ Nikon FM2+ 50mm F1.4 AIS+ Fujicolor C200+戶外晴天
↑ Nikon FM2+ 50mm F1.4 AIS+ Fujicolor C200+戶外晴天
↑ Nikon FM2+ 50mm F1.8+ Fujifilm Superia X-Tra 400+戶外黃昏
慢曝人生
慢曝人生。導人向毒
與有格局的人分享有格調的底片人生
IG: https://www.instagram.com/hkbillyszeto/
