因為工作的關係，最近重新投入用菲林嘅樂趣～回想起黎，
自從屋企以前細個用果部傻瓜機壞咗之後，就已經好耐冇接觸過傻瓜機了。
從2006年到而家，用過好多部數碼相機，以前轉用數碼相機係覺得菲林相機有好多局限，
但係今次掂返傻瓜菲林嘅感覺竟然係一種欣賞，或許係長大後認識到每種相機的特性，
知道原來數碼相機和菲林相機係兩種唔同製造影像嘅方法，而兩者也不是好壞的對立。
我家姐用Ricoh ff-10給我影的作品 (2002年)
以前家中用的Ricoh ff-10, 雖然不是甚麼很利害的相機，有沒有標榜什麼大光圈，但是只要用心影，配合一點創意的技巧，當時是拍到好的影像。
相隔14年，再一次買番一部傻瓜菲林機，我選擇了Yashica Microtec Af Super。
在購買的現場有很多個同樣品牌的選擇，不過平衡咁多部嘅性價比之後，佢又唔係好貴，
但係又有一個幾唔錯的f3.9光圈，又有一個很廣的快門域（1/15-1/400），而且還能強制關閉閃光燈，
最後這部還要是全新的庫存，我諗左諗就決定帶佢去做我嘅創作了！因為我覺得佢細細部之餘都叫做五臟俱全。
同埋喺呢個光圈同快門嘅組合之下，就算唔開閃光燈，只要我係用400度或者800度到嘅菲林，夜晚都可以影到一張好滿意嘅相～
值得一提嘅係，以前呢個年代嘅傻瓜機係一個好有智慧嘅作品，尤其是係個對焦系統。細心一點觀看部相機觀景器前面，我發現有兩個不知名嘅嘢，而果兩個窗仔就係對焦窗，裏面用嘅係紅外線對焦系統，用呢種不可見光對焦方法嘅好處就係無論環境有幾暗，佢都可以喺大概100毫秒裏面完成對焦。有咗佢影夜晚就唔會有問題，呢個咁偉大嘅發明係反而而家唔會係數碼相機見到～
接近黃昏，關閃燈↑ Fujicolor C200
日光，正午，關閃燈↑ Fujicolor C200
日光，陰，關閃燈↑ Kodak Ultramax 400
日光，陰，關閃燈↑ Kodak Ultramax 400
日光，陰，關閃燈↑ Fujicolor C200
日光，下午，關閃燈↑ Kodak Ultramax 400
日光，下午，關閃燈↑ Kodak Ultramax 400
日光，下午，陰影區，關閃燈↑ Fujicolor C200
接近黃昏，關閃燈↑ Fujicolor C200
晚上，室外,無街燈，開閃燈↑ Kodak Ultramax 400
晚上，室外，無街燈，開閃燈↑ Kodak Ultramax 400
晚上，室外，關閃燈↑ Kodak Ultramax 400
室內,關閃燈↑ Kodak Ultramax 400
室內,關閃燈↑ Kodak Ultramax 400
慢曝人生 - Billy Szeto
