最近心血來潮，玩到冇嘢玩，
咁就不如拎返仲喺讀書嘅時候第一部自己買嘅菲林相機出嚟懷緬一下啦！
佢就係Mamiya RZ67喇！但係點解掙扎咗好耐都一直冇拎返佢出嚟呢？
原因係佢要用120菲林，每一卷120菲林係佢身上只係影到10張相，
因為每撳一下快門嘅成本都好「顯著」嘅關係，佢已經有一段時間俾我打左入咗入冷宮裏面~
對上一次用佢黎影相已經係四年前了，當時已經發現佢有間歇性漏光嘅問題。
今次拎返佢出嚟除咗係令自己多番一件玩具之外，更加重要嘅係想整返好佢，
事關就係呢部相機開始令我學識影相要「慢」落黎，捕捉到嘅瞬間先會入心。
詳細就留返喺嚟緊專門講佢嘅文章裏面交代了~hehehe
咁係開始維修之前，當然係要影多一次黎睇吓佢嘅情況啦。睇來睇去，
影一卷彩色嘅120菲林最少都要60幾蚊，咁樣唔夠化算。
諗黎諗去，都係試機啫，一定係揀筒最平嘅120菲林。
就係呢個諗法，令我有機會影到咁耐以來嘅第一次黑白菲林。
事關我最後買咗只係需要大概彩色菲林三份一多啲價錢嘅上海GP3 100度黑白菲林去影修理前最後一影。
無錯，我係第一次影黑白菲林架咋! 所以嚟緊嘅內容絕對唔係比較唔同黑白菲林嘅強弱。
而係純粹分享一下一個第一次影黑白菲林嘅人，對於呢一隻應該係而家唯一一筒仍然生產嘅國產菲林嘅用後感。
點解我一直都冇去影黑白菲林呢？原因係本來覺得人類用咗好多心機先發明到彩色菲林，
去保留眼睛睇到嘅色彩，加上而家好容易就可以將彩色相片轉成黑白，
似乎冇咩需要去直接影黑白。而且處於彩色相片活躍嘅年代，
黑白相片似乎更加係喺個性上有相對強調象徵意識，自己少機會用到，
所以一直都冇去用黑白菲林去影相。
但係因為俾GP3遠低過行情嘅售價所吸引。令我開展左影黑白相片嘅體驗。
開頭搵關於呢隻菲林嘅資料，發現到好多人對佢嘅評價都似乎係嘛嘛。
包括撕開㡳片封條可能會遇上成卷散開，品質唔穩定等等嘅情況。
不過「冤豬頭都有盟鼻菩薩」，
而除咗平之外，對佢好評嘅用家係話佢畫面算係幼細。
果然，對於從來未影過黑白菲林嘅我，
最意想唔到嘅係以二十幾蚊咁嘅價錢佢竟然可以咁幼細。抵玩！
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室内+沒有閃光燈
↑ Pentax 6x7+Shanghai GP3+室外天陰+沒有閃光燈
↑ Pentax 6x7+Shanghai GP3+室內微光+沒有閃光燈
↑ Pentax 6x7+Shanghai GP3+室外天陰+沒有閃光燈
下面係整返好漏光之後再影嘅相!!!
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室外有陽光+沒有閃光燈
↑ Mamiya RZ67+Shanghai GP3+室內有陽光+沒有閃光燈
↑ Mamiya RZ67+Shanghai GP3+室內有陽光+沒有閃光燈
↑ Mamiya RZ67+Shanghai GP3+室內有陽光+沒有閃光燈
↑ Mamiya RZ67+Shanghai GP3+室內有陽光+沒有閃光燈
↑ Mamiya RZ67+Shanghai GP3+室內有陽光+沒有閃光燈
~~~~~~~~~~~~~~~
影完第一卷之後，心裏面得一個感覺，
就係未試過影120都可以影得咁有「自信」~
再睇返啲相，能夠整合到嘅係黑白相片原來唔單止可以表達強烈嘅意識，
其實佢更加令到畫面本身存在嘅線條，光位和暗部之間嘅層次更加明顯同埋突出。
而且可能只剩下黑和白，令到觀看者更快聚焦到相片嘅主題或者主角，省略咗好多其他唔必要嘅訊息。
而關於GP3，佢嘅表現絕對對得住佢親民嘅價錢，
對於黑白菲林唔太熟悉嘅我第一次用嚟講，感覺上畫質都係幾幼細，
喺今日一稍有多啲人用多啲人用嘅嗰隻菲林又話加價嘅世界裏面，
竟然仲有廿零三十蚊卷菲林。
135定120用家都值得一試呢隻菲林界裏面低調嘅隱逸者：）
慢曝人生
慢曝人生。導人向毒
與有格局的人分享有格調的底片人生
IG: https://www.instagram.com/hkbillyszeto/
