中環，日頭基本上唔會有一個地方容許你停落嚟，
每一平方嘅街道都人來人往，
每個銀行嘅大門都有好多人出出入入，
排山倒海嘅的士亦都等住搭的士嘅人龍，
打卡點更加係非常熱鬧
但係更加吸引我嘅係，
省卻左來來往往嘅車同人，
一個寂靜嘅中環係點嘅樣架呢？
或者佢喺呢個時間會上演一個點嘅劇本呢
揀用黑白菲林去影夜景嘅原因，
除咗夠平之外，
最主要亦都係盡量集中表達畫面光暗之間嘅對比同埋突出線條，
所以呢一個夜晚，
就帶住左黎自捷克嘅FOMAPAN400遊走凌晨時分嘅中環
情陷夜中環之無人夜的
曬咗出嚟嘅相發現，
FOMAPAN400係影夜景嘅時候對光有幾特別嘅反應，
當有光源正面射入鏡頭嘅時候，
會呈現波波型效果，
感覺有啲Cinestill 800T嗰種感覺
因為呢個時間嘅環境燈光比較微弱，
所以全部相片即使係用四百度菲林影出嚟，
用嘅快門速度全部都係1/8或者1/15，仲要係全開光圈
情陷夜中環之迷失夜西環
情陷夜中環之過客遇上單行路
如果純粹平，影出嚟都係中規中矩嘅話未免有啲太普通，
因為其實好多黑白菲林都唔係好貴。
但係意外地發現原來用三十鯪蚊嘅FOMA影夜晚
竟然可以做到媲美Cinestill嘅嗰種光折射效果，
呢個就真係認真抵玩了！
慢曝人生
慢曝人生。導人向毒
與有格局的人分享有格調的底片人生
IG: https://www.instagram.com/hkbillyszeto/
