印象裏面，國產貨物外表雖好，
但內涵總係有啲令人打折扣嘅缺陷。
但係，呢個講法似乎唔太適用於佢，
作為留得名係歷史上嘅中片幅國產相機，海鷗4系列的確係好強悍。
我手上呢部海鷗4B-1係後期嘅版本，
用上咗Tessar 四片三組(SA-99)嘅鏡頭結構，
主要提升咗相對於前期三片三組Cooke鏡片
影像質素四角比較鬆散嘅情況
佢嘅快門速度由B至到最高1/300，鏡間快門，光圈為F3.5至F22
最近對焦距離為一米，以雙鏡相機輕巧嘅外型，
多數適合拎出街拍攝黎講，呢個配置基本上都夠應付日常需要
手上嘅呢部型號係配左列像對焦屏，取景相對上比舊代光猛
上快門同上片喺海鷗相機係分開嘅，
上快門需要拉動位於快門速度附近嘅上快門桿，
過片係需要透過捲動機身右邊嘅扭輪
扭動過片輪嘅同時，
需要打開機身後面嘅菲林指示窗，從而判斷過片嘅情況
以拍攝6X6正方形比例相片為例，
影相嘅時候只需要參考左邊拍攝12格正方形比例嘅指示窗。
隔離右邊為拍攝6X5比例嘅參考指示窗，需要有呢個比例嘅masking配件放喺入面。
第一次用佢影相嘅時候參考錯咗右邊嘅指示窗去影正方形相，搞到啲相重疊
呢個叔叔就係呢部相機本身嘅主人:)
上手機主同我分享，呢支鏡頭光圈收到F4已經好銳利，
下面呢張相就係收到F4，畫面質素明顯提升
跟住落嚟就係吸取左第一筒教訓之後成功嘅相，
光圈都係全開，
菲林係上海GP3 100度
還有就是海鷗相機的機身是全金屬製造的，手感好紮實
120相機普遍都比較笨重，但係影出嚟嘅質量都好明顯嘅唔同，
買呢部海鷗相機嘅目的，係為咗比較輕便咁樣可以隨時隨地拎住用120菲林影相，
而以幾舊水嘅相機黎講可以交到咁樣嘅影像質素，可以話係交足貨唔失望，
絕對係好過去買部塑膠機~
慢曝人生
慢曝人生。導人向毒
與有格局的人分享有格調的底片人生
IG: https://www.instagram.com/hkbillyszeto/
