來到三部曲，如果大家仲未睇［首部曲］和［二部曲］的話，務必扲返個連結，緊貼個行程，唔好甩呀！過左水壩，大家就乖乖順路排隊坐登山纜車上［黑部平］，那裡打卡位沒多，但設有一個相當齊全精品既手信區，要買紀念品和手信，小編都頗推薦係哩個位採購，如果順路遊玩至［富山］那邊，那就更要採購一下，因為每個手信區都設有限定精品，真係一走冇回頭㗎！
儘管［黑部平］打卡位置不多，但不得不分享只有係［立山黑部］才可以買到既［星の空］啤酒 ，啤酒使用［立山］既水釀製，清爽順滑，喜歡啤酒既你們，一定要入手現場即飲，睇雪山，飲冰凍既啤酒，何其爽呢？（在日本法律下，出售酒精（或香煙）給未滿20歲的人也是違法的。）
［黑部平］係連接［大觀峰］的扇門，兩站之間連接著一條架空纜車，由1828米爬升到 2316米，車程大概7分鐘，就能飽覽世界級仙境。［黑部平］有個小平原，可以在那看到纜車行駛，背景係無敵大雪山景，實為壯觀。有耐性又幸運的話，或者會拍到［好東西］呢！
千萬不要被［天花板］級既美景拖慢左整個行程，尤其計劃遊走全程既你，要務必分配好每個地方既逗留既時間，緊記乖乖排隊，準備坐登山纜車，享受不簡單既7分鐘。
出發，GO GO GO!
乘坐纜車前，都要看你有冇運氣在隊頭行排名，建議去程站在前方窗邊，初春的立山正常氣候下都還鋪著雪，就像一大座的［麥旋風］，能吃的話都想飽嘗一下。
有時拍影相真係好靠運氣，就在快到達［大觀峰］前的一刻，竟然遇上對頭車落山，看見對頭車都把握時機拍攝，實在有趣，在雪景下襯托下既纜車，畫面豐富壯麗，當你見到對頭車，就向他們打個召呼示好吧！
到達［大觀峰］，由於已被塞在車頭，很自然的是最後一批離開纜車，竟然回頭一看，是一幅比［天花板］更［天花板］既美景係小編眼前，就在數秒間，用手機拿下這個畫面。利用手機既全景模式拍攝，咁就一覧無遺啦！
在［大觀峰］駅，簡直就係把記憶卡燃燒的景點，每一個角落，每一個角度，都生成一張又一張充斥視覺觀感的景影象，站在2000多米高，就像與山脈連成一個水平視覺，景象豐富得有點有束手無策，莫講話，台上1分鐘，台下10年功，哪怕你有100年功力，總會手忙腳亂，靜一靜，想一想，影像就會浮現係你眼前。
遙望［黑部湖］，剛才的水壩都變了小水塘，殘雪把山巒曲線突出起來，前方積雪則把遠山帶出了虛實的層次觀感。而係哩個時候，小編也不吝嗇地放毒一下，一次過分享幾張照騙比大家觀賞
下一回：打開立山黑部的另一度扇門【四部曲】，哩度可能係最終站，也可以係你既中途站，敬請密切注視 （努力製作中］
