[garylee928]

話說我尋晚去旺角店，詢問有關鏡頭，店員（一個係年紀大嘅男店員，另一個係身形比較龐大嘅女店員）只係問一句答一句，唔會問多少少背景，唔會俾多少少資料你，最後我搵嗰啲鏡頭可能唔係好啱喎，佢哋亦都唔會介紹另一支，連眼神都唔會同客人接觸，總之就係你唔係買就唔好問啦，係買就俾錢，唔買就過住啦。有好強烈嘅趕客感覺。

唔知係咪我要求高，當時店舖極少人，兩個sales企埋吹水，有個客問嘢都咁嘅服務態度，咁真係怕怕，我去返price.com算。

唔知大家有冇咁嘅感覺呢？