[hlcmarco]

我用相機鏡頭極之粗濫，只要是拍攝，無懼風吹雨打。
回家除了基本清潔之外，當然就放入防潮箱抽濕。
有些地方可能清潔不到，污垢產生細菌或令黴菌滋生。
所以，每年在陽光猛烈的日子，而我又有空閑，
我總會用背包裝著相機和鏡頭出街外晾曬去濕除菌。

由於攝材數量有點多，如果兩父子有空，就可以一次過做妥。
如果只得我一個人，就會分開兩次，一次晾曬相機，一次晾曬鏡頭。

幾經辛苦，終於找到家居樓下一處非常理想做曬鏡臺的地方。
曬鏡臺面積要適中，可以一次過同時放置我所有的相機和鏡頭。
地方要安全，人流不可多，三邊要有圍欄和遮擋物，只能有一個出口，比較容易兼顧。
遮擋物要夠高，以防一些喜歡惡作劇的人高空投擲水彈和雜物，
損壞了相機和鏡頭，到時就真係得不償失了。
曬鏡臺附近又要有樹蔭、座椅和吸煙區，方面我可以躲在樹蔭下乘涼，
一邊用手機上網，一邊抽煙，一邊留意鏡頭晾曬的情況。

晾曬日子是要氣溫高達三十二度以上。
濕度又要低過七十度以下，無雲，有酷熱警告就更適合。

放鏡頭在此暴曬一個半小時，每十五分鐘轉動鏡頭受光面，
令陽光可以均勻晾曬整枚鏡頭的各個位置。
陽光的熱力令整個鏡頭升溫除濕氣，而紅外線又可以殺菌，一舉數得。
晾曬完畢，放回家中降溫，拿上手，真係好清爽，
完全沒有那種有手汗沾著鏡身的濕漉漉感覺。
就好像觸摸晾曬過後的衣服，那種清爽舒適的感覺。



曬鏡臺的臺面鋪上白色優質滑面的石材，剛好做成陽光反射，
產生溫度從臺面去令鏡頭下方適當地升溫。

而臺面的高度，又不會太低或太高，
太低，一來怕像放在地上擺地攤有點不雅，
二來又怕有些動物突然來犯，
三來再怕放置和轉動鏡頭時會扭傷腰骨。

太高，一來不太方便擺放和轉動鏡頭，
二來未能觀察鏡頭受光的角度和效果，
三來又怕突然發生不可預知的事故，要迅速移走所有鏡頭。



晾曬完畢，係時候要收拾好所有鏡頭回家。
首先，內膽就可以穩妥地放置十五枚鏡頭。



最後兩枚較大的紅圈白鏡就放前面，一個背包就剛剛好裝妥十七枚鏡頭了，
一背上身，就可以跑著回家去了。

[hippo722]

是師兄鏡頭多,
先至要大型行動,
我自己得二三支鏡,
平時有太陽出動已經可以.
有時都會覺得太陽光太猛,
怕支鏡同相機曬得勁,曬到慶,,
熱親入面d電子零件.
同時好地難求,
如師兄用的福地更少呀!!!

[Dr.RAIN]

精彩分享!

[叮噹仔]

好曬呀~~~~~~~~~~~``

[ck_112]

對對, 好剌眼~~

[roy05]

請問鏡頭底面蓋和遮光罩也要曬嗎?

[MCCU]

紫外線對異介質的穿透力並不是很強（一般玻璃都擋得住），UV濾鏡或層層厚重的玻璃了，有些鍍膜本身就具備隔離或吸收紫外線的能力，用紫外線殺菌燈的效果....可能不見得很明顯。

鏡頭材質都很紮實，但為了殺菌的理由在太陽下長時間曝曬並不妥當。曝曬溫度的上升狀況是難以掌握的。考慮到鏡筒內部電子、金屬機件的耐熱度、金屬、玻璃的膨脹係數、潤滑油、橡膠零件的種種因素，非常不建議把鏡頭送去曬太陽。

防霉菌的最好方法是經常使用它，避免長時間不動讓孢子降在鏡片表面並讓菌絲破壞鍍膜。像是專業攝影師或新聞記者的鏡頭，長時間摧殘使用，外觀不見得保持得完美，但鏡片絕少發霉。

也可以專業清潔水,小小份量用鏡頭布清潔

[Ref54]

較同意MCCU兄講法
我比較擔心長期曝曬對鏡身膠料及鏡內電子零件的影響
我也覺得防霉菌的最好方法是經常使用它

[ncychan]

好曬呀~~~~~~~~~~~

健明邨 好曬呀~~~~~~~~~~~

[wllui]

科學D咁講
假若UV能有效殺菌的話, 一般一兩分鏡就可完全殺滅
若以熱力殺菌的話, 但又未夠高溫

係大陽下暴曬, 幅射下支鏡表面達40-50度, 膠及潤滑劑會變質
俾我就放係室內有冷氣有太陽照到的窗邊晒一陣就算, 至少唔使食咁多塵
有用補身, 冇用都唔傷身嘛

我不是無塵大師, 使用時入塵冇野講, 無必要就唔會令支鏡大量入塵
防潮重要, 防塵亦重要, 還有吸氧劑

近來D人拎被出來晒, 目的係殺塵蟎和蝨, 不同的原理

[ddt169]

曬棉被就見得多,
咁曬鏡法係第一次聽,
真係100歲唔死有新聞。

個人忠告: 切勿仿 ! !
原因? 上面師兄講左!

敢做法簡直虐鏡!

[siusiusiusun]

咁晒法小心有機會爆玻璃喎....

[Obi-Wan]

我以前試過唔用鏡頭蓋中午直晒支28-70/2.8, 有冇殺到菌我就唔知，因為冇幾耐支鏡”甩膠”，反差低左！當然又後低價賣咗俾二手鋪

[hlcmarco]

Obi-Wan師兄，
很久沒見了。
曬鏡引了你出來說兩句，倒也是個得著。
昔日就是你一句說話，就啟發了我用左手持機，受用無窮哦。

[dyuen]

hlcmarco ching, whatever the divergent views expressed, your blog or response is, as always, highly readable. It stands out amongst others, providing much colour to this long dull and dried forum. Give you a Like!