heehee2004
註冊: 2011-02-11
上載我的肖像
|
 NEX-5和5N的分別，真係忍唔住要講實話，絕不買花讚花香！ 想買5N真的要看清楚。 冇圖純感受 Post time: 10 月 19 日 |
|
|
首先自我介紹，我是用NEX-5的。後來看到原來5N有個新功能，
"鏡頭修正功能"，即刻好想買。之後再上討論區、揮手區做功課，
個個都話讚，5N有幾好幾好，ISO3200有幾好，又話畫質比nex-5好幾多，
白平衡又話準好多，仲膽胆死話對焦速度快左和準左。
睇完一大推讚美嘅說話，已經心裹非買不可。
最後去埋沙田SonyShop試機，但時間太短，試唔到啲乜，
淨係試到個電子Viewfinder正到無論(高解像，但未試有冇色差)。
最後都買左NEX-5N雙kit。因為膽心只有跟機的鏡對焦先會進步。
正題之前，簡介，我認為任何機都有强行和弱行，最重要是了解部機嘅特性。
避重就輕。所以我對NEX-5和我有的鏡頭都好熟。
(雙Kits,Distagon 28和50 Tokina 12-24, Nikon 50/1.8)
正題來了。真係激氣，點解個都讚5N比5好呢？
究竟邊個真係有拿著兩部機來比較才下結論呢？
1. ISO真係好左？ 未買已經膽心，新CMOS大細差不多同舊的完全一樣，
但由14M增至16M，即是每粒sensor近左，可接受光量少左，
埋論上noise一定多左．大家幻想下一磚豆腐切一百份和一千份的分別．
結果，ISO3200時表現確實５Ｎ比５好一點，少左彩色的ＮＯＩＳＥ，
但畫質一樣粗糙，DETAIL唔可以話係好左（稍後解釋）．
重點是，大家都只注意到ISO3200，其實ISO1600以下先係重點來．
我已經試得好清楚，５跟５Ｎ同環境底下，測試ISO200至1600，
結果400至1600出來，5絶對好過5N少少．差在那？
５影出來的比較Detail，不要以為５Ｎ是１６M就會好啲，
事實不是，但點解有人話５Ｎ好啲呢？
因為不知是否ＳＯＮＹ的市場策略下，把”對比度”加重了（即是味精重左）．
即是大家都是SET "STYLE" "STANDARD序設"下, 明顯"對比度"重了一級"
色彩飽和就只重了少少(未夠一級).
因此放到最大時看,5N的線條比較實,但唔代表Detail左.
其實畫面很粗糙,尤其是在iso1600和800時,大家看看中焦後面濛濛的散影,
好明顯5N好像有一層很粗糙的牛油紙放在畫面上面,
漸變的地方會看到一塊塊地漸變光暗. 但NEX-5反而漸變的地方自然得多.
亦冇話好粗糙的牛油紙在上面. 可能是之前所講的14M的ISO是好過16M的.
又或者是NOISE REDUCTION方面做得差左(即是SOFTWARE問題,
DETAIL與除NOISE的平衡取決改變左), 總之ISO方面,
我會覺得5是好過5N的.
2. 對焦快左,更加準確? 經過多翻測試,我敢講冇分別, 一樣對焦慢,
一樣唔準. 兩部就算話對到焦, 放大來看都係唔準. 原因可能是,
第一,兩部都是用"對比度差"來對焦, 稍為暗啲,冇乜線條參考時,
就對唔到焦或對錯焦.
第二, 兩部如選"單點對焦"時,其實都是好大個方框, 好容易會對錯焦.
所以我完全睇唔到邊方面對焦有好左. 尤其是用E30/3.5時就更差.
反而我覺得5N"手動對焦"的放大由原來的7和14倍改為4.8和9.6倍冇咁好用.
因為我常常用Distagon 28/2.8, 7倍放大剛剛好, 但5N就要按多一下去9.6倍先夠. 如果用DMF MODE,睇你按住SHUTTER仲有冇手按B掣放大至9.6倍.
3. 白平衡準確左?? SONY因應市場認受性, 把白平衡調到用OLIMPUS和
PANASONIC一樣, 偏向"和風"口味,跟現實的顏色帶多一點暖色,
即是現場顏色偏紫紅. 這方面頗為明顯, 而NEX-5的白平衡偏向較為白一點,
即是明明微帶暖的光管下,都會情現A4紙的白色, 可能這樣會在電腦芒上看,
人物相看出來比較好看, 因為一般人都唔鐘意看到膚色偏黃.
我主要影的都是人物做主題,所以我比較喜歡NEX-5的, 這不代表5N差過5.
只屬個人喜好, 但5跟5N的白平衡是有差別的. 所以而家每次影相前都會在
AWB再調一下(加一點黃藍)(稍後會再講白平衡的設定改變)
4. 5N增加了觸控, 個人認為可算是冇用. 唯一用途是, 當你選"單點對焦"時
,你會用唔到B掣, B掣會變為更改對焦的位設定. 那時你可以選用"中央對焦",
B掣就可以用得返自設鍵, 如果你觸碰熒幕一又可以轉為指定位置點對焦.
5. NEX-5N雖然用左什麼BIONZ(新版掛,唔清楚), 但
5N的介面反應反而慢左一大截, 每個動作都慢左成半粆, 跟NEX-5差了很多.
尤其是按了C掣再按左右揀自訂123時, 和用WHEEL上下轉動時, 就非常明顯.
這方面對我來說真的好好好討厭. 基本上我是用全手動MODE來影相,
介面慢左真的好影響. 希望會UPDATE FIRMWARE時有所改善啦!
6. 跟5N的兩支KIT鏡, 跟NEX-5的是冇乜分別, 新的18-55反而有少少在
強光下,有少少柔焦左. 因為我曾經跌花了舊的鏡,所以留了新的18-55鏡了.
最後我都係賣掉了NEX-5, 因為錢都花了,
希望日後FIRMWARE UPDATE可以改善以上的問題啦! 所以現希望有大大,
能幫忙把我例出的問題, 翻譯成英文或日文,再SEND EMAIL到SONY總部.
中文的,我以前已試過冇回覆的.
總結NEX-5N的長短處.
優點:
1. 白平衡在任何模式都可以微調,而且是黃綠藍紅四色微調. (相信遲啲NEX-3/5都可以)
2. ISO3200比較用得著, 因為表現好了一點點. 而且多了ISO100,其實 跟5的ISO200冇乜分别, 心理上會有幫助.
3. 多了右鍵可自訂功能, 我選ISO, 因為全手動MODE是冇得揀"AUTO ISO"的.
4. SHUTTER打板變成只打一下. 感覺好左.
5. 大家都冇提過的"鏡頭修正功能". 暫時這方面我測試得唔係好夠.
唔係好覺有幫助, 而且只支援SONY廠鏡頭, 冇得為別廠出的鏡作出手動修正.
例如變形修正, 暗角修正等. 在暗角方面,E16鏡是稍為有明顯改善, 變形修正暫時看不出來.
雖然話唔支援其他廠的鏡作出修正,但有傳聞話用上福倫達的VM 15MM 二代時,
竟然用在NEX-5上出現的紅閘會消失, 真的很驚喜, 但未能證實,
如果真的,咁就正到無論喇!! 因為呢支福仔15MM我都用過,真係正到唔信.
跟E16MM比, 畫面更SHARP,邊位更實淨, 最重要是近邊位的變形比起E16MM少很多.
影合照時非常好用,邊位人頭唔再變成肥仔頭了!! 但由於紅閘頗為明顯,所以賣掉了.
雖然福仔15MM是4.5光圈而且又是手動對焦, 但1.2米後, 基本上都唔駛對焦,
因為已經是全中焦了, 好用到唔信, 就算要MF,我一早都習慣了, 如果目標稍為停一秒,
我MF一定快過AF, 而且一定對得準. 用開NEX-5/3MANUAL鏡的人都會有同感.
6. 可以用電子VIEWFINDER, 這個都幾重要的, 因為太陽底下, 用手動鏡真的投晒降.
7. 同一個快門,光圈, ISO設定下, NEX-5N E/V高了1至1.5級, 即是同一E/V下,
快門可以調快一至兩格.這個很抵讚, 感光度高了, 可能就是這個原因, ISO表現差左.
缺點:
1. 介面反應慢了很多!!
2. DETELE相的速度慢了很多. delete一張要等成一秒半, 激都激死.
3. ISO1600或以下, 畫質明顯差左. ISO100又冇幫助。
4. 為了吸引消費者第一眼的印像, 將對比度和色彩飽和都加重了,
導致返去電腦芒(有用SPIDER較正的)睇時, 總是不順眼, 味精太重了.
尤其是影人時, 更加陰陽面. 暗位冇晒DETAIL. iPad上看都一樣。
5. 同是8GB CARD, 影少左成三分一, 奇怪的是明明張張都是大約3.7M.
但NEX-5N只可以影得大約1280張, 但NEX-5明明有大約1800張. 真係唔明?!
6. NEX-5N的LCD MON下方是冇左兩個凹位, 因此有機會不能跟NEX-5一樣,
能裝下一些LCD配件,例如保護膠片, LCD摭光罩等.
7. 原本可以用在NEX-5的代用電, 而家5N係用唔到的,
搞到我要買返舊原裝電!!
8. MF放大由7/14倍變為4.8/9.6倍, 真係好唔方便!!
題外話, 我雖然未用過NEX-C3, 但依我估計, C3如用5N同一塊CMOS,
理論上, 畫質唔會見得好過NEX-5. 外觀又唔見得靚左.
而且如果跟NEX-3一樣冇紅外線SHUTTER, 咁就一定唔駛諗, 一定揀NEX-5.
紅外線好有用, 我常常用腳架影合照家庭相, 不知幾好用.
仲有, 如果人臉對焦可以隨意開關就好了, 現在一定要先將測光選為全區MODE,
和對焦MODE要選"全區對焦", 兩樣做齊先可以開啓人臉對焦.
另外最好DMF MODE, 改為對唔中焦都可以放大手動再對過.
講左咁多, 希望幫到大家, 並且希望有有心人幫忙SEND EMAIL去SONY日本或美國啦!
最後, 我敢講不論NEX-3/5/5N(C3和7未用過)都是好機, 自由度高, 又可換鏡, 機身又細. 我從來都唔讚成買單反原因是大部, 麻煩就唔想用, 最後咪又係帶返DC.
而家有左NEX-3/5/5N, 我淨係用一支DISTAGON 28MM就夠晒了,
遲啲仲有支CARL ZEISS 24/1.8, 如果真的有AF, 咁就無敵了.
M4/3?? 哈哈, BYEBYE.
對以上有不同意的, 請寫上來看看, 但不是罵戰, 只為了更了解NEX啫!!
我喜歡攝影和NEX, 所以先花時間寫呢段文章!!
多謝收看.
|
|
