[Dl0918]

我想問買機時個職員同你講部機係新其實可吾可信？因為個盒無膠紙黏住，雖然個機身no.同個盒一樣，但係始終有可能用過或者做過示範機都未定，因為我剛剛在華仁影音買左部單反機。

[曬駱駝]

唔出奇吖！

[pongyee]

有膠紙都可以係用過。

[ChiuChiu1970]

樓主這個問題，以“樓上鋪買相機”來做標題，本身就存在著好大偏見。
我覺得無論在樓上鋪、街邊鋪買相機都好，除了要認真核對盒身、機身和原行保用證上的號碼是一致外，就是要細心檢查機身有沒有花痕或損傷，然後就盡量試下相機的各種拍攝功能，這些將來發現有問題都可以交原行保修。
相機由製作、裝勘、質檢、包裝、運輸、驗收，中間經過不知多少人手，如果你的想法是要自己第一個人接觸這部機的話，你肯定是失望和永遠不開心！