1. 梗係輕啦,795 g淨重,唔好同同廠嘅Z 70-200比,同Canon、Sony同類鏡比都明顯更輕(兩支喺推出嗰陣都標榜係同類最輕),甚至比Tamron嗰支仲要輕,啱晒我呢啲未老先衰嘅廢物同埋嗰啲鍾意追星嘅妹妹仔用
2. 造工紮實,雖然唔係S line但都有金屬Mount
3. 喺14 組 19 片鏡片就包括5塊ED 低色散鏡片、1 片超級ED鏡片同埋3 片非球面鏡片,咁嘅配搭比起好多貴價長炮仲誇張
4. 畫質一流,始終個鏡片組合同Tamron一模一樣,人哋支鏡係頂級鏡,點都係專業級
5. 對焦又快又順又靜,講嘅快並唔係好似閃電咁快,而係好順暢果斷咁對焦準確唔會疾下疾下咁
6. 可以接增距鏡,最多可以伸延到360mm,嗰啲之前買咗Tamron DI III VXD再加ETZ adaptor嘅Ching應該揼晒春,因為Di III裝唔到增距鏡
7. 近攝能力強,幾乎可以當半支微距用,相信加咗TC 2x會更誇張
8. 有lock掣,唔用嗰陣可以lock住喺廣角位置