Canon EF 300mm f4L IS USM

☆Canon定焦L鏡的水準，成像極之銳利，所以拍攝雀鳥數毛相不難。
☆300 f/4 + Canon Extender 1.4X / 2X 成像都好銳利，最新的Canon Extender 1.4X / 2X第三代會更銳利，再加 Canon 最新的無反相機可支援f/11光圈對焦。
☆顏色自然。
☆雖然是史前IS，但有IS好過冇，IS效果理想。
☆外表米白色，令人覺得好專業。
☆光線充中下可以全手持拍攝雀鳥。
☆價格合理。

◇沒有防塵防水滴。
◇只有F4光圈，但基本上夠用。

如果想知道我用這支鏡的拍攝作品，可以按此連結觀看，你看後就會明白我為何推薦此鏡。
https://youtu.be/l4HK0cMbmJA
我由菲林單反開始玩起，喜歡拍攝生態作品。

－對比４５６：３８４嬴一級光圈、對焦距離、ＩＳ
－對比大白：３８４嬴一級光圈、對焦速度、伸縮ｈｏｏｄ、對焦距離、價錢
－對比肥白：３８４嬴一級光圈、仰縮ｈｏｏｄ、平衡感
－對比龍仔：３８４嬴一級光圈、成象、色水、對焦速度、外型造工
－對比友台３８４：Ｃ家嬴重量（較輕）、ＩＳ、伸縮ｈｏｏｄ無咁易甩

－對比４５６：輸１００／１６０ｍｍ、對焦速度、平衡感
－對比大白：輸泛用性、４００ｍｍ
－對比肥白：輸泛用性、史前ＩＳ、輕便性、三防
－對比龍仔：輸泛用性、價格（３倍多）、防震（真係差好遠）
－對比友台３８４：輸少少對焦速度

好多朋友都質疑，點解要用呢枝？７０－３００（肥白）細ｄ又有４級防震，焦距又拉到７０ｍｍ。另外龍仔好平，防震又有效好多。大白更加唔駛講，俾到４００ｍｍ。但我選擇３８４，因為：

－光圈有ｆ／４。肥白、大白、龍仔同焦距，都係低一級光圈。呢級光圈有幾重要？好難講。有時唔夠光就係唔夠光。一張相清定朦，有時就係快門２００跟４００之分別，或４００跟８００之分別。４５６我都用左幾個月，ｆ／５。６＋ｉｓｏ１６００，要好光猛先可以谷到１／８００或１／１０００。可惜要遇放假＋少雲晴天，難。隻雀面向正光比你映，更難。遇上深色／黑色既雀為主體，就難上加難。

－３００ｍｍ夠唔夠打雀？打香公、九公，絕對夠。打市雀麻雀白鴿紅耳鵯，ｏｋ夠。打塱原、流浮山、濕地公園、南生圍，唔太夠。打米埔，諗下好啦！映出黎變芝麻雀。想認真打野雀，請揀４５６。

－咁點解仲揀３８４？因為貪方便，一枝攪掂。有半微距，可以打花打蝶，但同百微無得比。加ｋｅｎｋｏ３個ｔｕｂｅ後（街價＄９００）可以追到１：１。７，減光但不影響質素，算唔錯。有３００ｍｍ，可以打雀打月亮，又可以配合增距鏡，質素影響輕微。
＊＊＊如果你唔想買兩枝鏡（百微＋４５６），想一枝過，呢枝絕對可以。

－用過龍仔，完全無需要落腳，防震好厲害。但畫質差３０％，自己接受唔到。

－用過肥白，有防塵防水滴，又有４級ＩＳ，畫質不相百仲。但：
１）原廠增距鏡無ＡＦ（可能我枝野有問題），ｋｅｎｋｏ又慢；少左３８４＋１。４ｘｍｋ３個種爽。
２）肥白伸盡好樣衰。Ｃ記枝枝７０－３００伸盡＋ｈｏｏｄ都好樣衰，仲樣衰過大白。但如果接受到就ｏｋ。
３）３００ｍｍ得ｆ／５。６，寧願揀龍仔算。

重量適中,
有內置遮光罩,又有腳架環跟,
300mm f4.0 加上IS是最大的賣點,
canon定焦L鏡的水準,發色自然,成像極之銳利.
光線充足下基本上可以全手持,
外表靚仔,給人專業的感覺~

基本上都無。

本來想在.......
1~70-200mm f2.8L,
2~70-300mm f4.5-5.6 DO IS USM,
3~70-300mm f/4.0-5.6 L IS USM
上作選擇,
但第一支太重,雖有2.8光圏,不過只去到200mm就行人止步!
第二支及第三支當去到300mm,
成像開始鬆散,要收細光圈,
鏡身伸縮而且又沒有脚架環跟,

玩L鏡長焦自然想要好d畫質,於是我買左384,亦覺得無後悔!

要講既師兄已講哂佢既優點。

打雀一流~

除壞過is外，基本上都無。

小弟對呢支鏡係令我對is有重新既睇法，之前用過17-55/2.8 is, 小白is, 小小白is, 大白is，都無呢支咁好彩壞is，係第一去打雀就壞，好彩當日有帶支大白去，所以無掃興..........
返來香港維修，Staff話因無零件要等成個月，順帶問D staff 係咪會壞？佢話我係第一支384壞is，之後兩星期後整好返CS攞先發覺係咪D ching 打雀打到支鏡呢？幾個C hing 壞is嚟攞鏡，需然不是384is，但我即時心諗is咁易壞既咩？同d c hing 吹開大家都係支鏡用左兩三次就is告吹，究竟係QC問題定我黑仔？攪到我送左支小白is 一程，入返支無is，現在買有Canon is鏡都有d 避忌,怕怕！

但大白is我用左兩年幾，除已出售左支小小白is外，大白用得最多，都唔明384is係定焦簡單的設計而竟然咁快is告吹！希望純粹係我黑仔！

有令人十驚喜的畫質,貫成canon定焦L鏡的水準,發色自然,成像極之銳利.
主體突出而富有立體感,散景柔和.
IS效果理想,光線充中下基本上可以全手持,.
外表靚仔,給人專業的感覺.

沒有防塵防水滴.
只有F4光圈,但基本上夠用

我將此鏡用在5D2上,畫質極之優美.佩以1.4增距鏡仍有出色表.雖然只有F4光圈,但基本上夠用,在足夠陽光加的情況,加上Kenko PRO 300 DGX 2X增距鏡仍有Auotofocus,焦距變成600mm,足夠一般長距攝影,而且還保持非常好的表現.
總括而言,以約10K的價錢,這是一支十分超值的紅圈白鏡.

畫質：canon定焦L鏡，畫質好，唔使多講。中間位sharp。唯一要講0既係邊位，用在FF機上，全開4光圈邊位質素依然高，但會有極輕微失光。

發色：發色自然，一如其他L鏡。

散景：300mm同200mm，同樣係4光圈，但絕對係兩回事，300mm+4光圈，你可能以為唔夠用，但其實佢壓縮感超強，4光圈已經夠打散背景，突出主體。

對焦：有usm，對焦快，以有is同300焦距（鏡組11 組 15 片）來說，已經非常非常理想。另外，支鏡號稱有macro，雖則唔係真係好macro，但放大率都唔錯(1:4.2)，而且最近對焦距離只係1.5m，加個extention tube又會好玩好多。

防震：is效果非常理想，一般影，去到1/60都冇問題，1/50就要好定先得，但一代is咋喎，而且is唔太影響對焦速度，重想點？另外，is開著時會有d高頻聲，室外完全唔覺，室內靜0個時會聽到少少刺耳（冇耳性0既ching可以不理）。有朋友用友廠384，冇防震但平3000左右；我寧願使多3000 —— 300mm，冇防震，下下要拎單腳。另外，雖然室內較少用此鏡，但佢有is，所以支鏡室內空間只要夠大，一樣用到。總有d時候，你會想室內用佢，例如台上有家人表演等等。

造工：燈光下細看，鏡片通透。內置伸縮活動hood，全支紅圈白鏡，紅圈深深地深在hood上，hood前又有防撞軟膠邊，非一般L鏡可及。冇防水滴防塵，但定焦鏡加內置hood，唔正常使用絕對冇問題，大風雨、大風沙的話，支鏡唔著衫，有防咩膠邊都死。鏡身有一塊銀色金屬牌，清晰地刻上canon 300 f4 L 0既身分，令我眼前一亮。

重量：300mm、定焦、有is、11組15片鏡組……1190克，你話重？我覺得已經算係輕啦。而且插落5dII+直倒，都好平衡下。

配件：有一個保溫暖水壺型0既銀灰色鏡袋。雖然我取笑佢，但我好鍾意。另又有腳架環跟，即係又慳返一千銀。

價錢：雖則物有所值，但5位數字始終係一個龐大開支。

光圈葉：又係得8片，點解冇9片，9片散景可能會再靚d。

防震：一代防震，效果當然冇後代咁好，但都算好夠用。

光圈：4光圈冇問題，但加extender只能加1.4x，加2x的話會冇左af（300x2=600！）。

造工：缺少防塵防水滴。對我來說，可有可無；對一d師兄來講，有好過冇。

我買此鏡前，有考慮過買大白（100-400）、384定456，但後來都係買呢支，原因係：

大白：一來伸縮鏡，自己唔鍾意，二來畫質及唔上定焦0既384。
456：平過384少少，但冇is，冇落腳就可以早抖，大大降低機動性同可用性。
384：焦段及唔上以上兩支，但勝在應有則有，焦段雖然唔夠，但+個1.4x，可以當有is 0既456用（係420mm呀），相反，456就……；大白呢？用得5d2，自然想要好d畫質，但試過大白，總覺得感覺唔太滿意。

於是，我買左384，亦覺得無悔，可視之為終身戰友。

呢支鏡+5d2，我唔會拎去打雀，事實上，用5d2打雀真係唔能夠物盡其用，因為佢長處唔係呢樣。但打蝶、打花、打草、打葉、打人等等，絕對係好鏡。至於用40d、50d、60d、7d、1d 0既ching，加個1.4x，大可以走去打雀，都會有斬獲。

呢支係好鏡，但唔明點解咁少人俾評語。係少人用？唔覺好？買左384，掛住打花打草打蝶？……
眼見評語唔多，自己買之前都心大心細，於是膽粗粗寫左呢一大段，希望對各位有意此鏡0既ching有用。