Sony FE 90mm F2.8 Macro G OSS

評測報告

實拍照片

如果你有用過canon 180mm L,100mm L,再用呢支，你就知呢支對焦快很多直情係極速，鏡前自動轉手動掣十分方便的設計，成象銳利

如果係150mm會更好

值得擁有既一支鏡

1. 成像出色，好sharp，真係好sharp；
2. 操控容易，自動轉手動將對焦環一推就得；
3. 防塵防水滴又有2.8光圈用算係咁。

1. 略嫌鏡身長了一點點，重了一點點；
2. 光圈全開有暗角，但不算嚴重；
3. 對焦冇慢啲？(真心好慢，仲要記得唔用marco時轉返去Full)

好多人可能唔明點解近攝微距要用到90mm？乜90唔係用嚟影人像、做散景咩？如果大家覺得焦距短先用嚟做近攝咁呢個觀念就錯哂啦。事關無論24mm定135mm都好，近攝主要考慮嘅係個對焦距離，即係話你個被攝物可以對焦到佢幾近嘅距離，我之前有枝24mm Zeiss，最近對焦距離係16cm，但就要走到好近，反觀呢枝最近係28cm，但就可以走到冇雷公咁遠啦(太誇)！有乜好呢？就係唔會有自己個黑影同埋可以偷影(咁大枝鏡好難唔被人發覺啫)。

我用佢主要影人像，不過各位大佬如果試近攝(例如影眼捷毛)真係要記得搵個好model化個靚妝，否則乜都出哂嚟！分分鐘被話你拍得佢肉酸、皮膚差等等，因為真係好sharp。另外，如果想玩下小人國或玩具童話feel，咁唔駛講嘢，激正！

不過！認真講句佢嘅對焦真係好Q慢！如果係靜物拍攝比啲耐心還好，但如果係model show或者動態拍攝真係死得！另外唔係微攝時記得手動轉返Full(有3段距離選取)，否則佢個對焦會跳嚟跳去... ...。

最後，講咗咁多其實買佢都係睇中佢嘅近攝，當然，普通距離咁影，佢主體的確夠立體，散景亦出色。不過，如果唔係多用近攝，大可以選其他，純綷個人感受。

由最近距離去到無限，都可以對焦，呢點令玩開手動定焦既我有Ｄ迷茫。。。。用手動100定焦鏡，距離一定要成ｍ幾外先可以對到焦，但呢支。。。。。可以由無限遠一路掃到眼前20cm左右，都可以對到。。。。我仲係新手，定焦只玩過手動50,85,100,135，冇一支可以咁，嘻嘻，仲有就係真係好利，咁都係定焦特色，尤其微距鏡，最後，亦係買佢既原因，同a7m2加直倒合體後。。。。。好鬼型，鏡身有short cut選擇掣，好方便，手持0.5加nd filter影流水，附近Ｄ石仔，放大一様利，即係個oos,好堅，用落非常滿意

一個致命既缺點....尤其機身係a7r2或升級到2.0既a7m2....因為依家升級後解封佐個電子接環，相位，混合對焦功能，用個雞自動環，接支龍仔90m usd個對焦速度，居然同呢支原廠差唔多。。。。。我早Ｄ爬吓文就好。。。可以節省差唔多三千蚊。。。。a7m2呢個升級，真係對用家既一大天大喜訊。。。。基本通食canon既ef mount,用雞環都有勁快既對焦。。。。問題黎喇....咁sony自家又貴選擇又少既 mount鏡，何去何從呢。。。。

持A7一代機種用家，強力建議入返支，準焦，靜，唔太重，利上利，但二代機就睇自己所需，因為加自動接環，連玩contax G依家都啪啪聲，sony,果真令人驚喜處處，亦摸不着頭腦，話唔定e mount鏡好快會大減價都未定。。。

清晰度很驚人，離很遠的纸品，在相中放大看連印刷的細節紋理都清晰可見，物品我近距離看也看不出這細節。

作為E mount 鏡若可輕多一些，細多一些，該合理一點。

很紮實有手感，影像質素更不用説。