Sony Xperia acro S

評測報告

實拍照片

mon靚, 上網速度ok

電力一般 (compared to S3),
影相全自動對焦, 冇得好似iphone咁點觸對焦
對話聲音細

由iphone轉去sony兩星期, 第一個星期已經有問題, 講電話冇聲, 要開speaker先聽到人地講野. 拎去sony cs整, 好快第二日就有得攞, cs話我同時download太多apps, d apps 撞左, format部機之後ok. 點知之後download & install 幾個apps之後又係講電話冇聲. 我已經照足cs話dowload & install apps一個跟一個, 逐個做都係咁, 又要format部機之後先ok!
整體上sony acro s 上網影相係唔錯, 但一部電話ge基本通話功能都做得唔好, 真係接受唔到. 只用左兩星期, 即刻拎去trade-in, 連防水功能都未有機會試.

芒真係好靚
手感好
android 4.0.4系統真係好用好多 (不過真係要適應下)
速度快
影相好
hdmi接大電視好開心
.
.
.
sony個promoter好盡力!!

對我黎講真係重左D
未認真試過, 但以我上網習慣, D電都應去得好快
無論插連接線, 定插handfree等, 總之乜都要揭蓋... 較麻煩 (但防水無計)

用左一日, 感覺很不錯
唔識用既野, 問番個promoter

手感好
外型靚
RUN 得好順
電池表現算理想

沙灘套裝得物無所用(純粹個人意見)
內置APPS 好多都冇用
SPEAKER聲音較細

這部機整體來說算是不錯，我買左一部白色一部粉紅色，但電池不能更換，不斷開DATA 或打機的朋友最好拿定後備充電出街

一部有錢人用嘅防水手機。

每次落水前要預留錢準備整機。

一部會入水嘅防水手機。 新機買咗3日攞去泳池同小朋友影相,點知入咗水。上cs修理,職員會話： 1. 只係for一米“清水“30分鐘。 2. 唔知你點用部機。 3. 部機達防水標準,入水肯定人為疏忽。 唔知點解佢信果D係泳池水,但唔信你有關晒D蓋？ 廣告又泡泡浴又喺泳池偷影女仔,仲要俾隻狗係咁舐部機都得,但整果陣除咗“清水“就乜都唔得？(仲有youtube同facebook講果d仲勁) 整返要二千幾蚊,咁即係叫你每次要準備好錢先好落水。 cs又唔會用返email覆你問題,仲要你打返電話去先有人覆你。可能想賣埋D貨尾先覆啦。 假設整返部機,仲好唔好俾部機掂水,落雨又用唔用得呢？ 總之部機一入水即屬人為，奉勸各位Xperia acro S用家唔好輕舉妄動放部機落水。

1. 防水真係OK，去游水喺水入面都影到相(實體鍵影，touch mon用唔到)
2. 高ppi 720p 16:9 mon，好清好正，睇HD片冇黑邊，冇黃斑(至少我嗰部冇)
3. NFC都幾過癮，買左NFC tag都幾方便
4. 電大
5. 充電座好駛好用，一插就叉，最好以後啲機都標配(無線充電更好)
6. 喇叭唔開xLOUD都大聲，好多人都話ion好細聲我唔知，但係呢個OK大聲
7. 聽電話都唔錯
8. 粒LED燈放喺正面，易睇過Arc，Arc放喺側邊好似冇咁
9. 影相符合基本需要，冇啲咩紅藍綠中，100%放大就比較多noise

1. 光度感應器好敏感
2. 原生冇快捷自動旋轉畫面呢個option
3. 雖然電大，但係冇得換
4. 用電量好唔平均，有時唔食電，有時好食電(同一環境下)
5. 內置垃圾apps過多
6. 男人雙手用qwerty打字可能好易打錯，雖然4.3吋但係16:9比例有啲窄，iPhone雙手都打得容易過佢
7. SIM卡托盤有啲脆弱
8. 16GB ROM得2GB可以裝apps，唔似GS3咁16GB ROM任裝乜都得

1. 如果閣下對防水冇乜興趣，其實唔駛買佢，因為好過佢嘅機當然唔少
2. 如果係日系fans (例如我)可以入手，呢部係行貨可以買到最接近日系嘅機
3. 耳筒其實好過啲平價野，低音幾好，高音麻麻地，同beats差唔多，都係聽hip-hop就得，其他不值一提。

- 市面上比較少既三防手機 . 就算落雨或倒瀉水都唔怕整壞部電話
- 外型靚仔到爆, 好有日系電話既感覺 (的確佢係日系機既行貨板)
- Walkman既音質好正 . 我之前用iPhone , 對比之下Sony Walkman真係優勝好多 . 而且equalizer可以自己較, 唔同人都可以較到岩自己既選擇
- 影相真係無得輸, 先唔好講1200萬, 佢本身已經做到成部Sony DC仔咁樣, 有得較scene setting (甚至係auto detect scene) , 色彩還完度極高 . 再加上高清拍攝, 真係就咁當係一部DC都可以 . (不過影一段高清大約14mins既影片已經要2GB幾XD)
- 個mon靚到爆, 我可以話出面咁多部電話都無呢部咁sharp咁清咁靚
- 話就話只係雙核, 不過run起黎都好順, 完全無lag甚至係hang機等現象(可能我好彩啦)

- 電量嚴重不足 ! 雖然好多師兄都話比Sony其他類型既電話已經耐用左, 不過我用左半個月晚晚去到6pm左右就要插後備電.......(雖然都慣左)
- 玩耐左會有D熱 . 講緊既玩之係睇下youtube , send下whatsapp , upload下相上facebook等等
- 如果想聽歌就要開左頂蓋, 而個蓋"diu diu fing"咁樣比人感覺好易會整爛......除非你用bluetooth headset啦 (咁又燒多D電......)
- 影相個實體鍵既制比較實, 好多時要好用力先按到, 一用力就攪到部電話有少少震, 之後張相就朦左了 (呢D可能係自己問題啦)
- 講電話時塊面太貼近個mon有機會掂到個keypad , 攪到對方成日聽到"do do"聲 . 呢樣我覺得最奇怪......(明明個mon已經熄左.....)
- 原生垃圾app太多
- 無apple品牌咁保值

小弟由第一代iPhone用到iPhone 4S, 開始厭倦左iOS既系統下轉會 . 市面眾多an機之下曾諗過SIII同埋acro S. 比較過之下揀左Sony . 除左話型英帥靚正之外, 就係性價比比較高 . 而且當周圍既人用緊都係iPhone或者Samsung, 你自己一個拎住部有D似日系既電話時, 係會比較特出D既 .

不過用慣iOS既用家可能頭幾日會完全唔適應部電話, 但當你熟落之後你會發覺到An系統其實比iOS系統既優勝之處 . 而部機最大gimmick--防水 , 我自己就未親身試過 . 好老實講, 有幾多人真係會日日沖涼拎埋部電話去沖丫......我覺得用黎預著無端端落雨, 唔小心整跌杯水時, 防水功效就會發揮到了.

P.S. 自己買左兩部(一部黑, 一部粉紅) . 粉紅色其實都幾正, 如果唔係太太一早揀左, 我自己都有諗過用架 XD.