Sony Xperia X Performance

評測報告

實拍照片

5吋機手感好, 能單手操作的旗艦市場上選擇不多
金屬感重, 尤其黑色拉絲紋
內置64GB+支援插卡, 不用擔心唔夠空間
Sony機一貫方正設計, 喜歡就是喜歡
快速開啟相機+追焦功能實用
電量尚算OK, 用電不至於倒水

165g細mon機來說較重
如果mon邊窄點較好
開揚聲器時有震感
冇FM收音機

不太突出的一部旗艦, 如果是追求數字上的突破, 和其他旗艦比這部機是平平無奇.
本人選手機時不是追求新科技, 而是去找配合自己的手機, 所以不太著重數字,
要求不太高, 所以整體感覺良好.

仍然有Z5的部份功能。

價錢仍然較高，沒有4K拍片功能。

總體來說今次X系列只是SONY回到原點重新出發。如果想認識SONY手機可以視為入門機。不過資深用家就等待此系列再成熟點才再買或是選Z5吧。

外形：
－圓滑機身，手感唔錯
－用色靚，尤其玫瑰色
－拉絲金屬紋非常靚

螢幕：
－Triluminous mon色水非常靚，鮮艷而自然
－黑位比一般LCD黑實（仍不及AMOLED）

影相：
－對焦極快，贏晒所有智能手機，同專業相機睇齊
－反應迅速，影完一張可以立即影下一張

UI / 使用體驗：
－算幾好用，Home Launcher有唔同嘅個人化設定
－下拉選單終於有改善，唔使拉兩吓先拉到落嚟
－使用上比以前更為直覺，更方便
－終於有清理系統記憶體嘅功能

外形：
－冇咗吊飾孔
－太厚重
－背蓋雖然係金屬，但非常易花，一直好小心用，冇掂過硬嘢都花咗，網上亦都見過有人有咁嘅問題

螢幕：
－觸控有問題，有時㩒一吓會變成兩吓

影相：
－嚴重油畫化！！！Z5一直為人詬病嘅嚴重油畫化問題，到咗XP完全冇任何改善，ISO 80嘅畫質都慘不忍睹，比起而家我用緊嘅Z2係大倒退
－個M mode依然係掛名手動，依然冇得調較快門速度，ISO亦都要800MP先有得較
－不停宣傳嘅預測式追焦，實際上冇乜用

UI / 使用體驗：
－好用而且係特色嘅Small Apps竟然冇咗！！！
－Lag Lag哋，流暢度表現令人失望
－UI自Android 5開始已經冇晒以前Sony獨有嘅嘅美感
－Sony唔識玩Material Design，UI用色奇怪，尤其Contact app果隻紅色…
－Android系統佔用多達15GB，話就話今次有64GB，實際可用得40零GB，而且插兩張SIM卡就冇得插SD卡

今次XP比起以往算係有較大嘅改變，Sony亦一直強力宣傳X系列係Xperia嘅新一頁等等，但事實上根本就冇進步過。當年嘅Z2，堪稱完美，無論機身設計、UI，都非常之有日系精緻嘅美感，仲有係云云眾機當中數一數二嘅相機，當時亦係Sony機銷量最好嘅時候。到咗而家，日系特色完全冇晒，人哋日系機都有啲好新奇有趣嘅功能，Sony就非常之平平無奇，甚至連吊飾孔都冇埋。以前嘅UI設計，無論Home Launcher定內置Sony app都有連貫嘅設計，相當有特色，一睇就知係Sony嘅style，而家就冇晒呢啲特色，之前又無端將Walkman改名做Music，又將幾個media app嘅黑色UI改成白色，感覺Sony而家根本係hea做。最令人失望嘅莫過於影相，Sony嘅相機係好勁，但XP嘅影相質素根本浪費咗個2300MP嘅CMOS，完全唔明Sony做乜要整到啲畫質仲差過2年前嘅旗艦機。

講起Sony呢個品牌，人人都會覺得佢啲相機、電視、影音等各方面都好出色，兩三年前Sony CEO話要搞One Sony，將所有Sony最好嘅技術整合係Xperia裡面。但事實呢？係完全輸晒比其他旗艦機，影相贏唔過人之餘，連應有嘅質素都冇。人哋紛紛加入高質素DAC提升音效，Sony依然淨係識hard sell DSEE HX、支援DSD呢啲software嘢，然後繼續用Qualcomm嘅cheap DAC就話自己音效有幾勁，實際上音質一啲都唔好。

呢幾年嚟Sony出嘅旗艦機，嚟嚟去去嘅賣點離不開防水、相機、音效，冇新意之餘實際表現亦都唔好，甚至退步緊。Sony永遠輸係應該贏嘅地方，作為Sony fans真係好失望。