Samsung Galaxy Note 9

評測報告

實拍照片

1.硬件方面android手機中稱霸512g rom + 8g ram
2.芒非常清晰
3.cpu 方面 Snapdragons 845
4.整體運作順暢，暫時用左一個月左右未試過lag機
5. 相機要讚一讚，感光度比上兩代好左好多，夜晚影相問題不大
6 .靚聲，跟機仲送akg耳機

1.略嫌機身重左啲
2.太大部，雖然屏幕佔機身比例已很高，但6.4吋對我嚟緊仍很大，難以塞入褲袋，6吋就啱啱好
3.電池續航力有待改善
4.睇YouTube 屏幕同影片畫面尺吋唔fit，要自己放大縮小，放大後字幕顯示唔到
5.仍然易發熱，打機尤其嚴重，應該係android 機老毛病

整體無乜挑剔嘅地方，唯一希望留意下睇YouTube 果個問題

产品有时候会发热， 不过尚可接收。

使用了一个星期的Note9,感觉的确是安卓的旗舰手机之一，用户体验非常好，加上Samsung Pay以及Google Pay也不输旗舰。

512GB 真心正 (個人唔鐘意sd card 好難有512內存)
S PEN (返學文書 遙控拍照超方便 )
耳機孔 (方便一邊充電一邊用機)
指紋(開鎖方便)
三星個名不過不失 華為個Image係香港真係重需要多d 時間經營一下
有NFC 呢個對購物狂好重要
有送耳機 (不過我冇用到)
送Micro 轉type c 頭 (唔洗特登買新線 )
相機(睇過好多相機評價Samsung 既色彩比較出 係冇咁真 但係會比較靚 比較搶眼 真心講我呢d 一般人睇完真心唔覺三星相機輸apple 同華為 差在你鐘意邊種鏡 )
佢有多重視窗 縮小視窗 側介快速選程式 呢D 都幾好用
重有請勿打擾 可以完全靜音 但唔會停手機運作通知之類

試過幾次相機lag 機 (之前都聽過 堅中招)
機身重 (真係有D 重 不過 慣左好似冇咩 多d實感 反而少d 跌機)
指紋開鎖設計係後面會掂到鏡頭
機身長 螢幕大左但比例唔合乎一般比例 根本多舊魚
重搞到打音遊好唔就手
BIXBY按鈕又係多舊魚 攞黎啟動請勿打擾好過
Cap 圖手勢唔夠方便 之前小米三隻手指滑落好好多

小米note4 轉過黎
之前有用過三星中價機但真係太廢
所以唔考慮 對三星冇咩太大信心
然而最後都用Note9
本來諗過iPhone 但都係算
華為Mate20 pro 價錢唔見得太平
而且得256GB 又冇s pen
聽講三星Note 系列唔錯
耐用 而且歷史悠久多少有保證
三個同事都用Note 8 所以就試下
不過
真心貴 貴到飛 8999 減滙豐400 再減 600
都係貴
大家都話華為好 但係香港好似無咩點投資
真係唔多信心
而且得256GB ，詭異4眼仔 重要係大陸機真心怕兼容問題
之前用小米就有D APP 彈出 唔比用
呢部機係打算長用 希望唔好三星玩嘢
用完呢部可能會考慮下華為
Mate 10 開始留意佢
但係香港都重係新 有待觀望
同埋係大陸機 真係會擔心保安
而家手機支付 銀行咁方便
雖然三星都唔見得有幾好
而家市場上都重未有一部手機係完全迎合我想要既
唯有用住呢部先

三星軟件有好多方面要提升
搞好個相機先! Lag 機會錯過影相moment
Samsung 鍵盤對輸入速成唔多方便 用google 粵語輸入方便d

流暢度不錯， 影相質量都高， 其他師兄會比較 少說這方面就是語音輸入， 佢亦都畀其他機準確， 錯字比較少， 仲有 係健康監察方面佢亦都畀其他機 多少少嘢玩， 如果再 講返影相 真係沒有hang機， 唔知點解有人話會 hang機

機身比較重， 如果電量 可以再襟用啲就好， 雖然現在也不錯， 本身我有另一部 G7 + 用電量會好啲

感覺良好 如果將來手機 沒有重大突破 都會繼續應該用落去用到壞為止

機身做工紮實(應該啦賣到咁鬼貴)
Samsung pay俾錢係方便嘅
當時我買有五舊水八達通回贈係吸引
影相算可以啦(個相機hang機嘅時候)
喺出面大部分旗艦機都冇得插外置sd卡嘅時候，三叔有係一個好大嘅賣點(開頭我亦都係因為咁所以買)

系統極不穩定， 經常出現無法顯示圖像分析， 打上三星客戶服務熱線搞足兩個星期試過任何方法都係解決唔到， 最後我要將手機重置，所有資料，app，要由頭裝一次先至冇事！


另外一個最嚴重嘅問題就係個相機會成日窒機， 即係當我想影相嘅時候佢會凍結咗喺一個我捕捉緊嘅畫面， 而禁唔到快門，相機板面完全冇反應， 退出相機關閉再入返去隔一陣又係咁， 要重新啟動電話先可以暫時解決！


藍牙又係非常古怪， 同我個jbl藍牙耳機完全夾唔到，經常斷線，我初初以為係我個耳機壞， 但我而家用mate20X完全冇問題！


Note9佢嘅原生手寫輸入法設計極之古怪， 當你喺輸入嘅位置手寫輸入時，佢會喺你手寫嘅版面一直出現文字，你寫幾隻字當然冇問題，但如果你有一大段文字輸入佢就會喺你手寫板嘅位置出現所有你所輸入嘅嘢， 變相令到你可以寫字嘅地方越嚟越少！呢個設計簡直係極之反智！

電量唔好想像中咁襟用， 電池係加大咗， 但只能夠勉強用一日，有時放工都要叉叉電先夠膽約朋友食飯


垃圾app都係一大堆， 但又唔畀你剷除


曲mon！！！完全唔知邊個蛋散發名曲mon呢樣嘢， mon貼極之難買， 用到兩舊水一張uv貼，最多只能靚靚仔仔用到三兩個星期， 之後又係起白邊！


唔知呢個乜鬼嘢快充， 叉電慢到嘔


部機用起黎真係好熱， 可以講得上係熱到辣手， 有個note7嘅陰影，放褲袋真係好驚

申利！我絕對唔係打手，如果我係打手畀雷劈， 我所發表嘅全部都係我便用之後嘅感覺！

講番部機， 大佬呀！你賣到咁貴！唔該你畀啲誠意好唔好！ 個系統有問題， 相機又有問題， 淨係呢兩樣嘢都死得啦， 我由華為mate 9轉過嚟用note 9 呢兩個月真係用得好痛苦， 啲人成日鬧大陸機唔好， 但講真人哋設計個系統設計個版面係為咗方便用家， 上手舒服冇多餘嘢， 我唔明你堂堂三叔出部旗艦機點解可以衰到咁， 仲要出咗短短兩個月都唔夠就減完一次㗎又減一次， 搞到個二手價賤過地底泥， 到底錯寫字樓班契弟識唔識做marketing！！本身諗住拿拿聲買登記咗個兩年保用咁起碼可以用兩年，貴啲都唔緊要，除番開條數都唔係好大， 但我真係估唔到兩個月都冇我就頂唔順要賣咗部機 ， 我而家轉咗用華為mate20X， 講真唔係話要同人賣廣告，但人哋真係好用你太多， 我朝頭早九點鐘出門口，夜晚返到屋企都差唔多仲有50個%電(講緊係勁用電話，因為我用電話包含工作)， 而且部機爽到不得了，影相更加係靚你十倍！

最後總結:
三星電話真係唔會再有下一次，我上次買嘅時候就係note7， 本身諗住買個電話，點知變咗買個手榴彈！又係搞到一鑊粥！買曬啲配件返嚟最後又係變曬垃圾， 過咗兩年諗住畀個機會試，下點知又係咁樣，真係抵你啲銷量越來越差！

請問樓上C兄 @ericsamchan 你部note 9起邊度買到$55xx？
本人怕買行貨變水貨。。。

thx.

未用好想買。。
試過上手感覺唔錯