二零一五年九州十日新春自駕遊－Day 6
熊本－櫻島－鹿兒島
首先喺酒店嘆番個早餐先
食完後就首先去櫻島出發睇樱島火山
難得有機會，我地係坐汽車渡輪去。渡輪碼頭喺鹿兒島市本港新町4-1。最初計劃行程時，見人地猛咁畀意見話最好訂位先，但係我就搵極都搵唔到喺邊到可以訂船飛，就算搵到渡輪公司個網站都唔知邊幾個日文字夾理就解作預訂船飛咁解。於是當日都係膽粗粗揸架車去碼頭先算，好彩，喺嗰度坐汽車渡輪就好似香港嘅一樣，去到排隊買飛上船，搞掂。
另一艘汽車渡輪
離開碼頭對出嘅堤壩
櫻島火山長期都處於活躍狀態，的灰噴到四圍都係，當地嘅人仲將啲灰包裝後出售，而我呢就自備器皿，一於慳得就慳。
百分之百係喺路邊掃番嚟嘅火山灰
正因為火山處於活躍期，所以當地設有這類避難處以防火山爆發時躲避用。
睇完火山掃完灰後就去呢個商場搵啲嘢食。
都懶得去理係咩類型嘅料理，反正都係填飽個肚。食完就坐番汽車渡輪向下站仙巖園出發。仙巖園位於鹿兒島縣鹿兒島市吉野町9700-1。不過未睇呢個美麗嘅人工庭園前；先做一件最重要嘅事－酒店 check
in。其實由熊本嚟鹿兒島時已經先到酒店放低行李先，而且仲托酒店幫忙代打電話預訂這晩的晩餐－南洲館嘅熊襲鍋，可惜已經爆滿，無得食，睇怕要早一日預訂先得。好在老婆大人做好資料搜集，呢間無就轉訂熊襲亭，次選即係次選，一個電話就有位，唔使食日本杯麵。講番正題，鹿兒島住嘅酒店係里士滿酒店，鹿児島縣鹿兒島市金生町5-3。山形屋百貨喺附近。
Check in 後就即刻出發仙巖園。
隻鴿睇咩呢
四圍都有呢類園景
貓神－話說16世紀末期，島津义弘出兵朝鮮，他帶七隻貓同去，最後只得兩隻活着回來，之後在此祭祀。
櫻花處處可見
行理園內嘅商店街後，就順便過埋附近嘅尚古集成館
有關島津家族史、
文化和企業嘅博物館。
喺館內買3D櫻島地圖膠製明信片，可惜郵票原來係黐唔實膠明信片，仲要衰到連郵戳都花埋，雖然都係可以寄返香港，不過無咗個完整性，而且無郵票、郵戳，我話由火星寄出都得啦。
廢話完，又到祭五臟廟嘅時間。熊襲亭，位處鹿兒島市東千石町6番10號。
呢度係食乜？
咪烚吓烚吓囉，不過；仲有其他嘅。
前菜
唔知係咩魚嘅魚生，size 好似香港嘅咸魚仔咁細條。
不過呢幾件雞肉唔記得係要嚟烚吖；定係生食，我記得好似有食過雞刺生。
一人一個餐，份量係咁多。
鹿兒島田螺
魚生丼
餐後甜品
呢度餐紙有三款，同服務員攞齊哂做紀念。
