[香港美食攝影] 適合DSE同學讀書的Cafe推介

今時今日，「相機食先」已經唔係啲咩新奇嘅事，但係要將美味嘅食物影得靚，其實並唔容易。@hkdsegayau 嘅小編除咗喺 Instagram 分享 DSE 讀書方法之外，小編仲好鍾意食嘢架。以下會係小編自己喺cafe影嘅美食照片，同埋幾間位於香港，平民價、坐得舒適嘅cafe，適合準備中學生或 DSE 同學溫書嘅 Cafe 推介。

1. No Boundary Cafe — 銅鑼灣溫書好去處

小編上網嘗試搵過適合溫書嘅 Cafe，但係呢啲地方一係就太過貴，一係就位於啲遠離市區嘅地方，一啲都唔就腳。最近，小編同朋友想搵個地方靜靜哋做吓嘢，想食西餐但係又唔想太貴，咁啱經過呢間位於銅鑼灣希雲街嘅小店，見到 all-day breakfast 都係 $68 起，所以就入咗去試吓。

將相片聚焦喺食物上面，配以朦朧嘅背景，令食物顯得特別吸引。(圖片來源：OpenRice)

一般西餐廳嘅 all-day breakfast 都會買超過$100 ，而呢度嘅 all-day breakfast 只係賣$68 ，而小編最近經過呢間 cafe 見到佢最近推出左早餐、下午茶都只係$48起，小編親身試過，真係價廉物美。如果同學嚟到港島區，想搵個地方坐下、食下野，順便溫書嘅話，No Boundary Cafe會係一個唔錯嘅選擇。

閱讀全文及Cafe地址請按此：[溫書好地方] 適合DSE同學讀書的Cafe推介

 

2. Whitewood Coffee — 沙田讀書 Cafe

如果同學係住沙田嗰邊嘅話，小編會推介 Whitewood Coffee 呢一間 Cafe，呢度會提供一個舒適嘅環境，比同學專心去溫書，準備考 DSE。

Whitewood Coffee 位置係一個商場入面唔起眼嘅角落，店舖嘅範圍同樣唔大，小編目測呢間 Cafe 大概可以坐到20個人左右。雖然呢間 Cafe 嘅座位唔多，好快就滿座，但係 Cafe 入面嘅職員都好好人，唔會將客人趕走。

小編同朋友就試過喺呢一間 Cafe 入面溫書，點咗兩杯飲品就坐左大半日（小編份 DSE 通識5**考試技巧筆記 就係喺呢度出世架啦!) 小編個人幾鍾意呢度嘅環境，但係朋友就覺得周圍有人講緊嘢有少少嘈，但係朋友戴咗耳機聽住音樂溫書其實都可以專心讀書。如果同學習慣溫書聽歌嘅話，相信同學都可以喺度專心溫書，備戰 DSE。

 

因為小編唔鍾意飲咖啡，所以點左一杯熱朱古力。上面嘅拉花超級可愛，朱古力味道都唔錯，不過小編個人認為甜咗少少。

 

閱讀全文及Cafe地址請按此：[溫書好地方] 適合DSE同學讀書的Cafe推介

 

3. Starbucks Coffee — 銅鑼灣溫書地方推介

因為小編讀嘅中學喺銅鑼灣嗰邊，所以小編會對呢一區比較熟。講到適合 DSE 同學溫書嘅 Cafe，又點少得 Starbucks 呢。

 

(圖片來源：OpenRice)

銅鑼灣本身嘅 Starbucks 門店唔少，但係位於利園三期嘅 Starbucks Coffee 旗艦店係上年 2018 年先開張嘅。店面全場有 5500 尺咁大，同學唔怕去到溫書嗰陣冇位坐。

小編平時去 Starbucks 都會見到好多同學補習、溫 DSE，但係細細間嘅 coffee shop 通常都好快 full。呢間旗艦店又大，食物飲品選擇又多，同學買一款飲品都可以坐成日喺度溫 DSE，實在係唔錯嘅溫書地方。即使唔係溫書，同學都可以喺度做吓嘢，小編自己都試過喺度寫 www.hkdsegayau.com 嘅 DSE讀書分享文章，都坐得幾舒服架。

 

閱讀全文及Cafe地址請按此：[溫書好地方] 適合DSE同學讀書的Cafe推介

 

關於hkdsegayau:

香港中學生打氣站：分享時間管理、壓力管理、高效讀書方法
更多讀書分享：https://hkdsegayau.com/dse-blog/
Instagram: @hkdsegayau
文言文、英文科、通識科及IES精讀筆記：https://hkdsegayau.com/dse-notes