白樓「機場核心計劃展覽中心」︱夏天影相一流地點【發掘香港10】
最近星期六日唔係落雨就熱到嘔，想去博物館影白雲涼冷氣就人山人海，去海灘游水消暑又係人山人海，任何郊遊聖地打卡熱點都多人到唔知想點
而估唔到一個我求其隨心hea去的地方竟然兼具「靚景」、「涼爽」、「無人」三大優點!
呢個地方叫做「白樓」，現在的名稱是「機場核心計劃展覽中心」
Wa個名使鬼咁多字咩，一個「悶」字咪攪掂law，比我係老師都無興趣帶學生去d政府工程project既展覽中心啦!
但估你唔到，呢個展覽中心竟然係一個唔悶兼影相一流既超正地點!
白樓既可270度飽覽青馬大橋及汀九橋完美海景，又有歐風純白建築比大家影相打卡，影到熱仲可以入展覽館 涼冷氣 學習學習~
非常適合我呢d又想睇靚景影靚相但又怕熱既麻煩友!
我深知佢總會有一日比人介紹，所以比我講左先啦~ XD
文章概要:
- 歷史背景
- 地點與交通
- 觀景台
- 天台
- 展覽內部
- 外圍影相
- 麗都灣與海美灣
- 歷史背景
機場核心計劃展覽中心(Airport Core Programme Exhibition Centre）於1996年啟用，原址為霍米園（Homi Villa），亦稱為白樓，由印度商人J•H•律敦治在1930年代初期建造，給當時的香港啤酒廠有限公司（而家的生力）作別墅用，後來被香港政府購買，二戰後更改作為香港公務員宿舍，財政司夏鼎基1973年起曾經入住。
白樓於1995年被有關香港政府闢作展覽中心，介紹《香港機場核心計劃》，於1996年年初開放，現被評為三級歷史建築。
以上係編輯自維基百科的內容，如有錯漏，請自己搵維基攪掂佢~
- 地點與交通
汀九白樓位於汀九~ 完~
……………………………
即係邊度呀!!!!!! 真係有咁多人分到青馬大橋汀九橋吸水門大橋邊條打邊條????
好啦簡單d~
汀九白樓位於荃灣與深井中間，大概係汀九橋底的帝景酒店再行前多少少
最簡單的前往方法，應該係荃灣西站坐好鬼耐一班的234B於「海美灣」站落車，又或坐任何往深井方向的小巴都ok
- 觀景台
「海美灣」巴士站一落已經係「機場核心計劃展覽中心」
正面望落咪一座白色矩型建築物，再棟個招牌係度，比人以為係水務署office d friend好合理呀! 分分鐘大家連可以比人參觀都唔知呀!
咁既地方真係有野睇???
唔好擔心~
行兩部見到個展覽廳入口周圍d花式柱，已經感到有點西式庭園氣氛~
唔使入去住，再向前行多兩步去觀景台先啦~
Wa呢個觀景台對正青馬大橋! 整個馬灣海峽盡收眼底!
同我之前行青衣郊遊徑所見的風景又有不同~
估唔到有d料到wor!
+++++++++++++++++++++++++++++++++++++++++++
- 延伸閱讀 : 《【香港郊遊10】青衣自然徑︱馬灣海峽+青馬大橋無敵日落美景》
+++++++++++++++++++++++++++++++++++++++++++
(風景係一流的~)
(呢個好似要比錢，但咁熱我唔想燒眼law)
再望下後面，一改入口的沉悶面貌
純白的歐式建築，藍色的天與海，配以鮮花樹影，令我彷如回到歐洲一樣~
明明係德國時呢d屋周街都係，相都無影過一張(等於你幾可會影唐樓)，點解我而家會覺得呢間舊屋會咁正ge?
係好天氣與海景加持，定係疫情餓旅行到痴左線呢?
+++++++++++++++++++++++++++++++++++++++++++
延伸閱讀 :
《德國working holiday第廿八章 : 奧格斯堡，悶到離譜》
《德國working holiday第四十九章 : 中部孖堡 - 維爾茨堡羅騰堡》
+++++++++++++++++++++++++++++++++++++++++++
(都有人係度影畢業相)
- 天台
覺得觀景台唔夠的，仲可以走上樓上天台繼續影~
這裡比樓下更廣闊，270度的超無敵全海景，將海美灣、麗都灣、汀九橋、青馬大橋、馬灣海峽一次過殺哂!
Wa個天台就唔慌唔曬啦! 34度既陽光直照落嚟會唔會變炭ga!
唔使驚~
7月的下午4點後太陽已退到山後，海風吹來，整個汀九白樓變得陰涼清爽~
呢度背山面海兼向東南，風景風水都無得輸，我非常好奇點解當年班官肯讓出嚟做展覽廳??
不過品味既野好難講，可能果陣d官都係只識工作唔識生活呢
(近的是海美灣，遠的是麗都灣)
- 展覽內部
陰左還陰左，無太陽直哂都仍然係34度，會死ga!
呢個時候，相信大家都會同我一樣，突然對機場既發展計劃好有興趣! 一於入展覽廳入面睇下先!
睇d咩?
唔重要，重要既係裡面有冷氣!
過冷河之餘又順便參觀下啦~
以我作為常識科老師既角度嚟睇，係吸引唔到小朋友ge，但對成年人嚟講卻比想像中有趣~
只因裡面有唔少建築模型，詳細解構機場及青馬大橋等基建，並闡述不少興建方式和背後故事
除此還有其他資料和圖片展示，部份珍貴相片睇到都百感交雜
講真，唔講都唔知，好多我地而家用得咁爽的大型基建原來都係呢個計劃走出嚟的
只能夠講，萬幸當時既決策者有遠見ar........
(唔講唔知，個project包左咁多野)
(而家見到呢d相，特別唏噓)
- 外圍影相
個人涼返，天氣又涼返，可以係白樓的走廊上影相啦yeah~~~~~
白樓呢度唔係話有咩特別打卡位，而係整個建築物都帶著異國風情，有少少似去左赤柱，甚至以為自己係歐洲旅行中~
所以，求其坐係欄都影到外國feel啦~
多謝腳架!
白樓就差不多了~
講真，整個地方都比我想像中好，風景優美且寧靜，最重要係人唔多，慢慢hea影相都無問題~
我就玩左約個半鐘，如果純粹到此一遊行個圈既，半個鐘乜都夠~
唔係掛山長水遠嚟玩半個鐘!!?????
好啦好啦~
如果想行程豐富d，可以沿馬路行落「麗都灣」享受陽光與海灘~ 都係10分鐘落斜g ma~
晚上睇埋汀九橋青馬大橋夜景仲正! 個人覺得同釜山的廣安大橋有得fight tim!
不過水質方面.......真係好麻麻.........
+++++++++++++++++++++++++++++++++++++++++++
- 延伸閱讀 : 【韓國雜記2】釜山的男人私房活動
+++++++++++++++++++++++++++++++++++++++++++
再懶d，可以直接行落白樓旁的海美灣~
不過我嫌樓梯太多上返嚟好煩，同埋個灘屈左入去無咁好風，大家自行決定啦~
最後係例牌的注意事項~
- 白樓有自動售賣機和飲水機，不用擔心中暑
- 疫情期間最好先上網check一check開放時間，我摸過一次門釘.......
- 如果坐小巴，注意唔好叫「雙仙灣」有落，因為雖然google map顯示佢係正隔離，但雙仙灣幾乎無人去小巴佬唔識的，叫「海美灣有落」ok ga la~
====================================
機 場 核 心 計 劃 展 覽 中 心
https://www.info.gov.hk/archive/napco/c_exhibition.html
免費入場
- 星期二至五：10:00-17:00
- 星期六、日及公眾假期：10:00-18:30
- 星期一：全日休館（如當天為公眾假期則照常開放，但元旦、農曆新年及聖誕假期除外）
====================================
請大家FOLLOW我INSTAGRAM啦~
=====================================
我既YOUTUBE CHANNEL正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
主要影片 ：
- 【泰國】【芭堤雅】誤入邪骨!? 芭堤雅色情行業真相!
- 【歐洲】人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
=================================
相關篇章 :
- 香港郊遊系列
１小時內攪掂：
《005 - 沙田行去慈雲山，原來超級簡單》
《006 - 大埔三門仔，零難度的全海景輕遠足》
《009 - 粉嶺鹿頸至谷埔︱夕陽下的隱世蘆葦田》
《011 - 大美督家樂徑︱4大隱世絕美風景》
《013 - 長洲小長城︱驚喜十足的奇岩怪石小徑》
《014 - 紅香爐峰10分鐘極速攻頂︱維港日落全景最佳選擇》
２至３小時行完：
行完會攰：
《012 - 上窰郊遊徑+曝罟灣堤圍︱超強打卡+輕鬆行山首選》
- 發掘香港系列
城市偷閒系：
《1 - 香港Staycation首選，皇家太平洋酒店住後心得》
《2 - 城市步行︱鯉魚門的絕美日落》
《5 - 訊號山花園︱尖沙咀鬧市中的秘密綠洲》
影相打卡系 :
《2.5 - 鯉魚門石礦場︱夕陽下的芒草群》
《3 - 己連拿利︱港島攝影秘景，宛如荒涼未來的異世界》
《6 - 石峽尾公園粉色牆壁︱網紅火熱打卡點實測》
《8 - 歌連臣角炮台打卡位︱網紅不會告訴妳的兩三事》
美食推薦系：
《4 - 香港的希臘小店，味覺的新衝擊》
《7 - 石峽尾一日遊︱美食推薦+文青打卡位懶人包》
《9 - 愛文生大排檔︱性價比超高的街邊豪氣滋味》
===============================
- Email : funggarcia@gmail.com
文章同時刊於以下平台，請各位多多支持呀!!!!!!!!!!!!!
我的遊記
- 上環紅葉餐廳︱9 蚊生蠔性價比超高! 【發掘香港12】
- 銅鑼灣避風塘堤壩︱維港海中心看夕陽︱鬧市的避世角落【發掘香港13】
- 【歐洲隨筆9】澳洲EMMAS澳美斯床褥評價︱外國月亮特別圓，鬼佬床褥特別軟
- 孫中山紀念館︱Mirror教主MV拍攝場地，真係值得去打卡?【發掘香港11】
- 西貢泥涌︱大海、夕陽與天空之鏡【香港郊遊15】
- 白樓「機場核心計劃展覽中心」︱夏天影相一流地點【發掘香港10】
- 愛文生大排檔｜性價比超高的街邊豪氣滋味【發掘香港9】
- 歌連臣角炮台打卡位︱網紅不會告訴妳的兩三事 【發掘香港8】
- 紅香爐峰10分鐘極速攻頂︱維港日落全景最佳選擇【香港郊遊14】
- 石硤尾一日遊︱美食推薦+文青打卡位懶人包 【發掘香港7】
- 石峽尾公園粉色牆壁︱網紅火熱打卡點實測【發掘香港6】︱丹麥手錶品牌「Nordgreen」推薦+85折折扣碼優惠
- 長洲小長城︱驚喜十足的奇岩怪石小徑 【香港郊遊13】
- 訊號山花園︱尖沙咀鬧市中的秘密綠洲【發掘香港5】
- 上窰郊遊徑+曝罟灣堤圍︱超強打卡+輕鬆行山首選【香港郊遊12】
- 香港的希臘小店，味覺的新衝擊【發掘香港4】
- 大美督家樂徑︱4大隱世絕美風景【香港郊遊11】
- 青衣自然徑︱馬灣海峽+青馬大橋無敵日落美景【香港郊遊10】
- 粉嶺鹿頸至谷埔︱夕陽下的隱世蘆葦田【香港郊遊9】
- 己連拿利︱港島攝影秘景，宛如荒涼未來的異世界【發掘香港3】
- 【多哈轉機遊】卡塔爾航空Free City Tour值得去嗎?
